Bo tin problema pa lanta mainta tempran di bo cama? Algun tips!

Problem getting up in the morning? Read some tips on www.comprondiendobida.com

Johan, IngridSi ami sigur cu si! Mi’n ta nenga…. y segun estudio, esaki ta e caso cu masha hopi hende. Toch expertonan ta haja cu esaki no mester ta asina hopi problema. Lesa kico abo tambe por hasi!!!

NO pone bo wekker riba ripiti/snooze:
Si, hopi di nos tin e manja di pone e holoshi algun minuut mas tempran, pa despues nos keda drumi algun rato mas. Y nos ta keda primi e konopi di ripiti pa drumi un 10 minuut mas. Pero sin cu nos sa, nos ta primi algun biaha y nos ta cay laat. Y awo nos tin cu pura y hinca stress den nos curpa. NO un bon idea dus.
Estudio ta mustra cu ora nos lanta di biaha ora e wekker bay, esaki ta duna nos hopi mas energia cu si nos keda drumi un rato.

Pone bo wekker un tiki leu di bo cama:
E ta un triki bieuw, pero e ta traha si, segun dormilonnan. No pone bo wekker cerca di bo cama, pone un tiki leu.
Di e forma aki bo tin cu lanta di bo cama pa pag’e y e ora corda pa keda lanta. NO core bek bou di e kleedchi.

NO colga cortina scur den bo kamber:
Esaki no ta laga bo sinti cu dia a habri. Y ora bo lanta di cama, habri e cortinanan di biaha: dia a habri!

Stop di drumi largo:
Bo tabata sa cu si bo lanta tur dia na mesun ora, bo ta custumbra di lanta na e ora aki despues di algun siman? Esaki ta nifica dus pa lanta si na mesun ora, sea ta 6, 8 of 9 or. Tambe den fin di siman…

Y e bentaha? Bo ta haja mas energia!!!! Y bo dia ta bira mas largo!!!!

Y si abo tin mas tips pa lanta for di cama…laga nos sa!!!

3 thoughts on “Bo tin problema pa lanta mainta tempran di bo cama? Algun tips!”

  1. Wellllllllllllllllllllllllllllll, mi tin cu pense hopi serio mes !! Aunke mi sa cu bo dia lo ta yena cu mas energia y mas largo, mi ta scoge pa slaap uit con hopi y con largo cu mi por, ja cu mi ta nada mas y nada menos un :" DOMESTIC ENGINEER ", dus mi ta traha mi mesun schedule tur dia, manera mi kier.

    Bon no ? Y…..mas dushi ainda den weekend, ora cu mi tin mi esposo bandi mi, riba mi of bau mi, hahaha, cu por cierto tin e mesun nomber cu bo papidois, kiermen bo sa caba con dushi ta pa tin un "Johan" den bo dushi bida ! Hahahaha…….

    Corda de bes en cuando hiba breakfast on bed pe……of no….e ta hiba pabo .

    Groetjes en sweet dreams……..

    Your friend Ruthy.

    1. Hey Ruthy…

      Bo comentarionan semper ta trese un smile riba mi cara…Yes, loke bo ta bisa ta berdad…ta bon pa parejanan 'smush' cu otro un tiki mas y hinca un mas pasion den nan relacion…. danki pa trese alegria den bida di hopi hende…cumindamento pa abo y bo Johan di ami y mi Johan…Ingrid

Leave a Reply

Your email address will not be published. Required fields are marked *