Cambio di clima moral: Ken su responsabilidad ta pa stop di susha Aruba?

Eiland Schoonmaken
Eiland Schoonmaken

De bes en cuando ta interesante pa scucha discushonnan den lugarnan publico. Poco dia ey mi tabata tende esaki riba e tema interesante aki: ‘Ken su responsabilidad ta pa stop di susha Aruba? Nos ta ripara cu berdad hendenan ta bira mas conciente di e efecto di e sushi cu nos ta laga atras riba nos isla… tambe riba nos planeta. Y toch ainda tin hopi hende  cu ta duda cu si nan hasi un tiki mas nan best, esaki lo no tin mucho efecto riba e situacion den e mundo asina grandi toch, corda riba un Aruba asina chiquito.

Mesun wega aki nos por mira riba nivel internacional unda p.e. China ta tilda e paisnan mas desaroya cu pa decadanan largo ta sushando e planeta, dus ta responsabilidad di e paisnan aki pa drecha asunto awor.
Di otro banda e paisnan desaroya tin como argumento cu antes no tabata asina hopi conoci di e efecto danjino grandi cu por ehempel dump di sushi quimico den lama lo tin riba e situacion climatologico.
Basicamente e discushon aki ta mesun sin sentido cu e discushon cu ‘e tiki cu ami ta susha’ no ta influencia e totalidad pa logra un Aruba mas limpi. Ta mescos nos por puntra nos mes, si e sushado tin mas deber di tene Aruba limpi.
Podise ta importante pa no moralisa e asunto di ‘Ken ta responsabel pa tene Aruba limpi’ y mir’e como un acto di ciudadano conciente di su responsabilidad civico y di amor pa Aruba. Maske abo no a susha, ora bo mira un sushi ta bula riba caya, podise djis lant’e y tir’e den e proximo bari di sushi. Sinja bo yiunan pa hasi mescos…Y si bo mira un hende susha Aruba, papia riba e deber moral cu nos cada un tin pa tene Aruba limpi…paso e ta nos cas…
Estudionan a mustra cu ora aserca temanan cu tin di hasi cu nos deber moral, ta duna mas resultado pa aserca e hendenan den un forma cu ta toca nan emocionnan. Por ehempel, mustra imagennan cruel di piscanan cu ta muri den lama dor di e sushamento of su consecuencianan pa futuro generacionnan. Podise ta bon pa hasi esaki na Aruba… ken sa… e por traha… mi ta spera…y asina logra un ‘Cambio di Clima moral…’

De bes en cuando ta interesante pa scucha discushonnan den lugarnan publico. Poco dia ey mi tabata tende esaki riba e tema interesante aki: ‘Ken su responsabilidad ta pa stop di susha Aruba? Nos ta ripara cu berdad hendenan ta bira mas conciente di e efecto di e sushi cu nos ta laga atras riba nos isla… tambe riba nos planeta. Y toch ainda tin hopi hende  cu ta duda cu si nan hasi un tiki mas nan best, esaki lo no tin mucho efecto riba e situacion den e mundo asina grandi toch, corda riba un Aruba asina chiquito.
Mesun wega aki nos por mira riba nivel internacional unda p.e. China ta tilda e paisnan mas desaroya cu pa decadanan largo ta sushando e planeta, dus ta responsabilidad di e paisnan aki pa drecha asunto awor.
Di otro banda e paisnan desaroya tin como argumento cu antes no tabata asina hopi conoci di e efecto danjino grandi cu por ehempel dump di sushi quimico den lama lo tin riba e situacion climatologico.
Basicamente e discushon aki ta mesun sin sentido cu e discushon cu ‘e tiki cu ami ta susha’ no ta influencia e totalidad pa logra un Aruba mas limpi. Ta mescos nos por puntra nos mes, si e sushado tin mas deber di tene Aruba limpi.
Podise ta importante pa no moralisa e asunto di ‘Ken ta responsabel pa tene Aruba limpi’ y mir’e como un acto di ciudadano conciente di su responsabilidad civico y di amor pa Aruba. Maske abo no a susha, ora bo mira un sushi ta bula riba caya, podise djis lant’e y tir’e den e proximo bari di sushi. Sinja bo yiunan pa hasi mescos…Y si bo mira un hende susha Aruba, papia riba e deber moral cu nos cada un tin pa tene Aruba limpi…paso e ta nos cas…
Estudionan a mustra cu ora aserca temanan cu tin di hasi cu nos deber moral, ta duna mas resultado pa aserca e hendenan den un forma cu ta toca nan emocionnan. Por ehempel, mustra imagennan cruel di piscanan cu ta muri den lama dor di e sushamento of su consecuencianan pa futuro generacionnan. Podise ta bon pa hasi esaki na Aruba… ken sa… e por traha… mi ta spera…y asina logra un ‘Cambio di Clima moral…’

Leave a Reply

Your email address will not be published. Required fields are marked *