“Kico ta significante den e contribucion cu mi ta hasi den mi trabou?”…. scirbi pa Karen Angela

Can work also have e meaning for the community and our Planet? … by Karen Angela… Read on www.comprondiendobida.com

Karen Angela ta directora di Caveka, People Resources y tin mas cu 20 anja di experiencia den e tereno di asuntonan di personal y organisacion.

Desde e recesion economico y su efecto riba e mercado laboral, surveys teni bou empleadonan profesional ta mustra cu mas y mas tin e deseo pa compronde kico nan contribucion significante ta den e trabou cu nan ta eherce.  Companianan no ta expande asina liher riba e cantidad di trahado y especialmente no esnan mas caro. Esey ta pone cu e profesional ta hasiendo mas trabou pa duna un man den e negoshi. Ttin biaha nan ta combina  dos of tres funcion. Segun e situacion ta dura mas largo cu simplemente un reemplazo temporario, e empleado ta cuminsa sinti su mes cansa y cu stress. Akinan ta caminda profesionalnan na gran escala ta hasiendo nan mes e pregunta “Kico ta significante den e contribucion cu mi ta hasi den mi trabou?”. 

Aunke e pregunta aki ta wordu stimula dor di e situacion economico gobal, e tin un aspecto hopi positivo. Esaki pasobra e ta stimula e pensamento di busca significacion di loke nos ta hasi durante un gran parti di dia, esta na trabou.  E descubrimento cu traha duro pero sin por pone den palabra pa nos mes ki contribucion positivo nos ta hasi den nos mesun bida y bida di otro cu ta pasa e dia ta trahando hunto cu nos of den nos cercania, ta touch nos den profundidad di nos ser.

Si bo por scoge pa influencia bida di un otro persona directamente  of indirectamente, lo bo scohe pa hasi esaki y hasi’e positivamente? Pa profesionalnan cu ta dirigi otronan den trabou, tin un oportunidad grandi pa durante cu nos ta eherce nos trabou, simultaneamente agrega algo positivo na esnan rond di nos. Podise te hasta nos por  contribui na hisa nan calidad di bida den sentido inmaterial.

Den e forma  cu hende  ta scohe pa trata otro durante e oranan largo cu nan ta comparti cu otro durante di trabou, Bo por  ta hasiendo algo significante. Si Bo lo sa cu Bo actitud y trato cu Bo ta duna Bo   colega ta jud’e pa  sinti miho, abo tambe lo sinti miho, toch?  Imagina bo cu bo trato lo jud’e hisa su self esteem, halsa su confianza den su mes y hasi su oranan na trabou mas agradabel, lo Bo no scohe pa hasi esaki? Si Bo pensa cu dor di hasi esaki, Bo colega ta bai cas despues di trabou y tambe ta scohe pa ta un miho Tata, Mama, Yui, Ruman, Bisinja, Ciudadano, esaki lo duna mas significacion na locual Bo ta hasi ora Bo ta na trabou.

Si Bo pensa cu ora nos crea miho Ciudadano, no solamente nos ta hiba e Compania cu nos ta traha den den dje dilanti, pero cu nos ta hasi nos Pais uno mas saludabel? Famianan cu conscientemente ta scohe pa hasi esaki continuamente y consistentemente pa agrega balor y calidad na e bida di esnan cu nan ta comparti bida cune, ta un bon comienso pa un comunidad feliz.

Dirigentenan di Compania, hefenan, profesionalnan, cu tin influencia directo riba e forma con trahadonan ta eherce nan trabou y con ta trata cu otro den ambiente di trabou, por scohe conscientemente pa contribui na e calidad di bida di nan trahadonan y indirectamente na e famia Rubiano.

Podise como Pais nos por puntra nos mes con nos por ta significante na pia di nos trabou, unda  nos ta pasa gran parti di nos bida. Kizas esaki ta un bon caminda pa nos cuminsa den e situacion economico cu nos ta aden. Puntra nos mes di den maneho di companianan por  inclui instrument-  y sistemanan cu ta inculcra liderazgo cu ta yuda duna contenido significante na e bida di nan mes y otronan. Crea un ambiente den cual profesionalnan ta hanja un extra motivacion dor cu nan esfuerso y influencia riba otronan ta bai mas aya cu solamente e beneficio pa e negoshi. Cu e ta extende te na e calidad di bida di esnan rond di nos, nan famia y ultimamente nos Comunidad. Di e manera aki  e profesional ta logra duna mas significancia na locual e ta hasi den sentido laboral y ta depende menos riba midi su balor como ser humano na e posicion cu e ta ocupa of e nivel di su salario of cuanto placa e la gana pa e compania. Como hende nos tin e anhelo pa tin significacion pa humanidad y comunidad henter. E secreto grandi ta — cu e ta posibel!

Leave a Reply

Your email address will not be published. Required fields are marked *