Aruba como inspiracion….’Nos cancionnan na papiamento … entrevista cu Dennis Zeppenfeldt

Aruba as Inspiration… Interview with musician Dennis Zeppenfeldt… www.comprondiendobida.com

Amor pa Aruba ta pa bo…Aruba ta mi patria stima, Aruba ta e lugar caminda ami, mi mayornan y mi welonan a nace. E amor pa mi isla a wordo crea door di mi mayornan for di chikito y tambe door di e dirigentenan di grupo juvenil De Trupialen.

Con Aruba a inspira bo den bo ultimo cd…’Nos cancionnan na papiamento’? Semper e musica di Aruba a tokami profundamente.
For di chikito mi a toka y canta e cancionan di Aruba den De Trupialen y esey a haci cu nan a bira parti di mi y mi formacion musical. Pesey mi a dicidi di dedica un CD na nos musica na Papiamento.

 Con nos por inspira e amor pa Aruba cerca e hubentud… Prome cu tur cos, nos mester ta un bon ehempel. Mustra respet pa nos musica, nos pais y nos bandera. Mustra respet pa tur hende, tur caminda cu nos bai. Sea gentil, cordial y semper sincero den tur cos cu nos haci.

Folclor ta muriendo den hopi paisnan ora nan desaroya y modernisa…ken mester cuid’e? Obranan musical den cual folklore di un pais ta wordo exponi, lo juda na mantene y engrandece esaki pa semper. Pues mi ta kere cu nos musiconan local por haci hopi pa mantene nos folklore.

Un mensaje personal di bo…..Stima nos pais, stima nos musica, stima nos bandera y stima nos hendenan.
Laga nos semper traha cu amor y dedicacion, pa nos hiba nos Aruba dilanti. Y semper laga Aruba ta na prome lugar cerca nos tur. Emisoranan di radio y tv local mester por dedica mas tempo y programa na nos propio musica y nos propio artistanan Arubiano.

Nota personal di editora: ‘Danki Dennis, semper mi a aprecia bo pa bo amor pa musica, amor pa Aruba y pa bo personalidad honesto y trankilo…’

 

Leave a Reply