Pordon ta duna mas resultado cu vengansa…

forgiveness is better than revenge…learn why … www.comprondiendobida.com

Pordon no ta solamente un acto di noblesa, e ta tambe e miho forma di honra bo propio calidad di bida. Desmond Tutu ta bisa riba ‘Pordon’: E proceso pa pordona ta tambe un proceso unda ta normal cu nos por confronta odio y rabia den henter e proceso. Esakinan ta emocionnan cu ta forma parti di bida di un ser humano. Bo no mester odia bo mes hamas pasobra bo ta odia un hende cu a hasi bo cosnan cu por ta horibel. Saliendo for di e punto di bista cu tur cos tin su polo opuesto, ta importante pa bo sa cu  bo capacidad di odia profundo ta bisa cu bo por stima mes profundo. Tutu ta bisa cu e persona cu logra pordona tin tur potencial pa bira un miho hende. Un hende cu a sinja pa laga bay ta mas den pas cu esun cu ta laga su mes worde comi dor di rabia y odio. Una bes cu bo keda pega den e rol di victima, bo ta hasi bo mes dependiente di esun cu a hasi bo danjo. Bo por te hasta juda esun cu a hasi bo danjo pa bira un miho persona. Henter e proceso pa jega na pordon ta rekeri pa e esun cu a hasi e danjo reconoce cu e la comete algo cu a perhudica un otro.

Pero con facil ta pa pordona? Y kico e ta duna nos bek? Investigacion hasi durante mas di 10 anja a mustra cu a lo largo ta duna mas resultado pa pordona cu pa tuma revancha. Tuma revancha den comienso ta duna mas satisfaccion instantaneo. A haja sa esaki dor di midimento di e celebro. Pa por mantene un relacion duradero ta importante pa por pordona. Ta resulta cu esaki ta mas facil ora bo tin un relacion hopi di cerca cu e persona cu a hasi bo danjo.

Si pordona ta libera, tuma revancha ta causa batimento di curason mucho lihe y sodamento excesivo pa anjanan largo. Tin hopi estudio hasi riba efecto di rabia y pordon den e celebro y finalmente por jega na conclucion cu ta miho pa pordona cu busca revancha pasobra e ta e miho cos cu bo por hasi pa bo propio calidad di bida…

Leave a Reply