Ken ta responsabel pa e bon futuro di nos muchanan?

ken ta responsabel pa e bon futuro di nos muchanan? Ingrid Werleman y Angelo Angela riba www.comprondiendobida.com

Foto di Angelo Angela

Dos generacion den combersacion…

Ingrid: Ken ta responsabel pa e bon futuro di nos muchanan, Angelo?

Angelo: Mayornan mester wordo poni bek como e principal responsabel di e educacion di nan yiunan. Esei ta mi humilde opinion, con esei mester pasa mi no sa. Loke ami sa ta cu abo mester pone bo granito di arena, y bo no mester ta trahado social, educador, of traha den husticia pa esei, djis un acto di bondad na e mucha of e hoben: un compliment, un empowerment, purba di kita su atencion for di caya, sosten’e si bo ripara cu e no ta haya sosten di su mayornan.

Ingrid: Maestronan di scol y trahadonan social tabata grita esey di hopi decada caba…pero no tabatin orea cu kier a scucha… nos a bay den un libertinaje basta brutal…Hopi hende a sali traha y a laga educacion di yiu over na otro cu no semper tabatin mesun afinidad cu nan. What did we get?

Mi tambe ta hopi preocupa si mi ta scucha hobennan papia, pero ora profundisa cu nan ta sali hopi cos bunita. E arte ta pa ta tap den esey y pa juda y sostene mayornan pa compronde y guia nan yiunan…Den e seminario di derecho di mucha e speaker di Corsow a bisa cla cu e prome jama pa crea e ambiente necesario ta gobernacion pa crea e condicionnan necesario.

Angelo: Para e kehamento, lebomay palabra grandi y filosofia fofo y accion y plan concreto, Ingrid. Btw, ami ta un di e muchanan cu a crece den 90s y mi mes a pasa den e problemanan aki, unico diferencia ta cu mi no a bira criminal. Mi a mira e explosion di embarazo hubenil den añanan 90 y cu awe mi ta mira e resultado di esaki.

Ingrid: secreto ta un combinacion entre disciplina y amor… grita mucha, jam’e pa bestia a laga hopi hende traumatisa, pero no ta esey ta e problema. Ta e totalidad di un sociedad cu no ta pone e ser humano central den su funcionamento. Nos mester tin e bon ‘receta’, compronde.. y tene nos mes na dje…Ancra e filosofia den educacion formal y civico. Ban ‘care’ mas pa otro, na un forma mas real y genuino…

Angelo: Mester wak kico a bai fout, na unda el a bai fout. Podiser cu ora hende ta bisa cu e por ta sinta den 90s, nan por tin rason. Pasobra mi ta corda cu hopi hoben di mi generacion tabata pa nan cuenta e temporada ei. Ami ta kere cu e degeneracion no ta mara na e modernismo y e cambio radical cu nos a conoce den 90s, el a cuminsa caba na e”dushi tempo di antes”, cu cosnan ta pasa y ta keda tapa, abusonan ta keda ripiti, traumanan bieu ta keda hunga un rol, patronchinan negativo ta sigui, y awendia el a bai for di man.

Ingrid: Pero esaki por ta tambe un joint effort cu sector priva y fondonan social. It takes a whole village pa lanta un criatura… Nos muchanan tin mas cu tur cos derecho ribaguia, disciplina y amor…nos mayornan tin derecho riba guia na un forma cu ta jega na nan curason… pa nan por compronde y sinja dor di sinti …

Pregunta na e lesador: Kico abo ta pensa cu nos por hasi? Si bo kier comparti bo opinion, nos ta tende… si no… comparti bo opinion cu e hendenan cu bo conoce… ora nos cuminsa comparti opinion cu ta sano… nos TA e bon ehempel… pesey nos no mester tin miedo di contribui na cosnan cu ta bon!

Unda bo a tende di Comprondiendo Bida?

View Results

Loading ... Loading ...

2 thoughts on “Ken ta responsabel pa e bon futuro di nos muchanan?”

  1. Comprondiendo Bida kier ta un lugar di encuentro virtual pa tur edad y opinion cu ta contribui na e calidad di bida pa tur hende cu ta papia nos dushi papiamento…. Semper bonbini< Angelo

Leave a Reply

Your email address will not be published. Required fields are marked *