Drenta Anja Nobo jen di regalo di bida

Drenta Anja Nobo jen di regalo di bida… ingrid werleman … www.comprondiendobida.com

1. Scoge algun tema pa traha na dje den e anja nobo…. No hasi mucho proposito, paso hopi biaha bo no ta corda nan tur y bo ta lubida di traha na nan. Pesey e ora miho bo scoge un tema central… por ehempel… bo kier biba mas saludable of bo ta traha mas tempo pa famia. Si bo tin e tema defini, ta mas facil pa cada biaha bo keda corda riba dje. Pone e tema riba un pida papel y peg’e na lugarnan cu bo ta bay hopi. Band’i bo spiel, riba frigidaire, den banjo, kamber, etc.

2. Prepara bo mes pa re-programa bo curpa y mente…. Despues di tur e dianan di fiesta, prepara bo mes pa detox bo curpa un poco, comiendo soppi y salada despues di 1 januari.
Purba come saludabel, stop di huma, usa menos alcohol posibel. Corda cu Carnaval ta den porta atrobe.  Hasi ehercicio y tuma momentonan di silencio. Si por medita un poco. Duna bo curpa y mente chens pa bin bek den balansa sano y dushi.


3. Pone bo mes central den e anja aki…  Juda tur hende, pero na prome lugar juda bo mes. Inventarisa bo talentonan y hasi algo cu nan. Cuminsa chiquito si tin mester…si bo tin perseverancia, bo lo ta exitoso. Sea un ciudadano orgujoso y cu ta un bon ehempel.

4. Hasi di Aruba e lugar di mas dushi pa biba…
Aruba ta un pida paraiso y hopi biaha nos ta lubida esaki. Cuida Aruba mescos cu bo ta cuida bo famia y bo cosnan di balor. E ta nos cas… hasi’e un dushi cas, nos tur hunto… un Cas di Pas…

Felis 2011, cu hopi Bendicion, cu hopi Fe, cu hopi Pas, Tolerancia y cu hopi hopi hopi Amor…

 

2 thoughts on “Drenta Anja Nobo jen di regalo di bida”

  1. Ingrid, ta ami Ruthy atrobe….pero simplemente pasobra mi ta gusta lesa bo cosnan y comenta riba nan di mi curazon. Bo bon consehonan y sugerencianan semper ta welcome serca mi. Mi tambe ta purba mas tanto posibel di practice what I preach…..I love myself so I can love others. Mi lo sigui comparti di mi talentonan di skirbi pa sigui inspira e curazonnan un crenchi. E siman aki, mi ta cuminsa pinta riba un di e canvasnan grandi. Johan a gusta su regalo di Pascu……massage bai goal ! Tur cos bon den 2011 pa nos tur y nos famianan. Berdad ta, cu tur dia ta dia di bisa danki y honra mi bida. Thank you my friend and God bless us all with health, joy, love and happiness…..

Leave a Reply

Your email address will not be published. Required fields are marked *