Sexualidad despues di cancer, algun tip

Sexualidad despues di cancer. Algun tip. www.comprondiendobida.com

Den hopi caso bida sexual di un hende muha ta para ful keto despues cu e haja sa cu e tin cancer. E experencia cu un malesa cu por nifica nos morto ta pone nos biba cu ansha. Na e momentonan aki majoria muhe tin mas tanto na sosten emocional, un caricia y sinti cu e hendenan rond di dje ta stim’e. Hopi bes e no ta pensa ainda con su pareja lo reaciona riba un posible kitamento di su pecho. E ta ocupa cu su proceso interno pa deal cu e malesa. Amputacion ta un proceso drastico y e por ta mes dificil pa e hende muhe, pero tambe pa su pareha. Hopi biaha nos no a sinja pa papia riba nos sentimentonan y esaki ta hasi e comunicacion mas dificil ainda. E punto mas critico ta kisas con pa cuminsa papia riba e tema.

Hopi biaha e muhe mester di tempo pa acepta su mes curpa y e pareha mester di tempo pa acepta e cambio den bida di su pareha.

Esaki ta pone cu tin ora nan ta laga demasiado tempo pasa y despues niun di dos ta tribi di tuma iniciativa pa frei cu otro atrobe.  E muhe tin miedo pa e homber rechas’e y e homber tin miedo pa e muhe rechas’e. Y aki por asumi sentimentonan cada un por interpreta robes,  cu ta basa riba miedo y falta di comunicacion. Pesey ta importante pa papia habri riba e sentimentonan, maske con dificil esali por ta. Experencia di hendenan cu a tribi di papia riba e tema aki tin bes ta mustra cu juist e relacion a bira mas bunita dor di pasa hunto den e proceso di aceptacion. E relacion a jena cu mas hopi ternura y comprension y sexualidad a bira mas tierno.

Algun tip balioso:
• Papia den grupo cu otro hende cu ta den mesun situacion. No tene miedo pa expresa bo mes. Hunto nos ta jega mas leu.
• Bishita un terapista, bo so of cu bo pareha.
• Papia cu bo pareha riba bo sentimentonan:
o Kico ta stroba boso
o Kico ta boso deseonan
o Kico ta boso miedonan
• Pensa pa bo mes kico ta pone bo sinti bo confortabel ora bo ta frei. Tin hende muhe cu kier laga lus paga den e prome periodo. Otro kier tapa nan pecho cu un panja, te ora nan ta sinti nan mes confortabel cu e pecho no t’ey mas.

Di e forma aki poco poco boso hunto por jega na situacionnan cu ta contribui na un relacion sexual cu ta satisfactorio pa boso tur dos.

Majan mas riba e tema aki.

Unda bo a tende di Comprondiendo Bida?

View Results

Loading ... Loading ...

Leave a Reply

Your email address will not be published. Required fields are marked *