Come pa biba saludable

Come pa biba saludable… entrevista cu dr. Carlos Viana… www.comprondiendobida.com

dr carlos viana arubaEntrevista cu dr.  Carlos Viana, P.h.d.

Danki Dios cu nos ta biba den un era cu tin hopi mas investigacion riba e relacion entre nos cuminda y nos salud, di malesanan cu nos por preveni dor di come saludable, cerca nos mes y nos yiunan. Medionan di informacion actual tanto corantnan, revistanan, pero tambe esnan cu to usa p.e. internet sa cu tin un mundo na informacion na nos disposicion.

Mas y mas, nos ta realisa cu cuminda ta un factor importante den nos salud total.
Cu salud nos kier meen salud total, esta fisico, mental, espiritual y emocional.

Como nutricionista dr. Viana lo kier pa e Arubianonan bay bek na e dieta di cunucu. E dieta moderno tin demasiado vet y sucu. ‘Realiza cu ora nos no ta come saludable, loque nos ta hasi berdaderamente ta satisface nos adiccion na sucu y vet. E parti nutritive di nos dieta moderno ta desastroso. Hopi hende ta come pa yena nan stoma y no pa alimenta nan curpa.
Ainda tin hopi hende toch ta kere cu con nan ta come of bebe lo no afecta nan, pasobra nan ta pensa: ‘Ata mi wela of welo no tabatin ningun di e informacion aki y toch a biba 90 anja. Pakico ami tin cu worry. Coy loco!’  Si tur e informacion disponibel lo tin su efecto, anto lo tin hopi mas lugar di cuminda saludable y lo no tin asina tanto lugar di fastfood cu ta florece tur rond di mundo y mescos na Aruba. Aunque e grupo cu ta birando mas conciente ta creciendo hopi lihe, toch ainda no tin un balansa saludable. Dicon? Dr. Carlos Viana ta splica: “Den charlanan di nutricion hopi bez hendenan ta bisami: ‘bo no ta bay cambia nos cuminda asina facil’. Esaki pa mi ta un preocupacion pasobra e ta duna mi diferente mensaje: Hende ta kere cu ta ami kier cambia nan forma di come y cu mi ta bay kita algo di nan, mientras ta e propio Arubiano a scoge pa come otro tipo di cuminda a lo largo di anjanan. Loque Aruba ta come awe, no ta loque e Arubianonan di 50 anja pasa tabata come. Nos mester realiza esaki bon cu nos cuminda di awendia no tin e fortaleza di antes.
Hopi hende tin problema pa cambia nan dieta of forma di come dor  cu e resultado preventivo of e beneficionan no ta bisto mesora, sino te despues di un par di anja. Un hende generalmente kier wak resultado mesora. Ora un hende cu ta hopi malo bin cerca nos, p.e. un persona cu mester opera su stoma dor di hopi dolor y mi ta pone riba un dieta estricto, e lo ripara cambionan grandi y dramatico den su sistema.
Den casonan di hendenan cu tin un nivel di acido urico halto, -loque ta halto na Aruba- cu cambia nan dieta nan lo ripara e cambionan tambe hopi lihe den nan sistema. Un gran parti di poblacion sinembargo lo pensa: “Pakico cambia mi forma di come, si mi ta sinti mi bon?”

E problema cu hopi hende tin ta cu nos ta gusta biba pa awe, sin pensa riba un termino largo. Tampoco nos ta tuma responsabilidad pa nos propio salud. Ora nos ta malo, nos ta bay dokter y segun nos ta e responsabilidad di e dokter pa cura nos. Si e no cura nos, nos ta rabia riba dje. Nos tin un tiki e mentalidad cu e dokter ta mata y Dios ta cura’.

Pa no laga cos jega asina le, pakico no cminsa tuma bo poder personal bek den bo propio man y cuminsa come pa bo salud? E ta asina facil y asina importante pa bo calidad di bida.

Unda bo a tende di Comprondiendo Bida?

View Results

Loading ... Loading ...

Leave a Reply

Your email address will not be published. Required fields are marked *