Ami, Muher. Pa Dia Internacional di Hende Muhe…

Dedica na tur nos muhernan balente riba Dia Internacional di Hende Muhe…

Ami, muher…

Comunidad podise nunca lo compronde mi…
Pasobra podise nunca nan a purba di cana den mi sapato.
Poco nan sa di mi oranan di desesperacion, si placa atrobe no ta jega pa cumpra tur loke ta falta den cas.

Ingrid - Trudy

Dedica na tur nos muhernan balente riba Dia Internacional di Hende Muhe…

Ami, muher…

Comunidad podise nunca lo compronde mi…
Pasobra podise  nunca nan a purba di cana den mi sapato.
Poco nan sa di mi oranan di desesperacion, si placa atrobe no ta jega pa cumpra tur loke ta falta den cas…
Hopi ora mi ta mula den un tienda, para henter dia riba mi pia
Of den e restaurant unda mi ta corta berdura pa e turista por come su dinner…


Mi comer ta drecha e cama luhoso den hotel…
Na cas mi prima ta traha su arte…
Mi no tin ora pa cushina mi mes, maske mi sa cu esey ta mas saludable pa mi yiunan…
Cushina dushi hunto cu mi yiunan ta keda pa mi un ilushon…

Mescos cu un dia mi lo topa un homber cu ta stima mi di berdad…
Mi no tin tempo, pesey miho mi no tin relacion,
Mi no por cu tanto preshon,
Majan mi ta bolbe purba di nobo,
Pa traha mas tempo,
Spera cu e yiunan no bira malo,
Ayera nochi atrobe mi no a drumi,
Preocupashon a tene mi lanta,
E yiu chiquito tabata grita cu dolor di orea,
Pero unda mi ta biba ki, ni autobus chiquito ta pasa den oranan di anochi laat,
Y mi auto ja tin tres luna para,
Mi no por haja e piesa, ni min tin placa pa cumpr’e…
Y asina mi bida ta cococha…
Unda poco mi ta progresa,
Mi ta stima mi yiunan, pero mi no tin tempo pa educa nan,
‘Kico, pidi nan hasi algo pa copera?’
‘Mi’n pidi bo pa trese mi na mundo,’ e contesta hopi biaha ta,
‘ami tampoco a haja yiu pa ta nan catibo’, mi ta pensa den mi mes
Y asina mi bida ta cochoca,
Sin gloria, ni victoria,
Pero mi a sinja y ta acepta cu mi mester carga mi crus,
Ami … e muhe cu ta bal!

Di berdad, mi bida ta cococha,
Pero mi ta sigi hasi mi best…
Pasobra ta mi naturalesa…
Mi ta mescos cu e bela,
Cu ta sacrifica su mes,
Pa otro por tin lus…
Mi ta spera cu esaki un dia lo ser aprecia…
Paso di berdad, mi ta un muhe cu ta bal…
Kere mi cu tur mi imperfecionnan..
Mi ta un muhe cu ta bal…

Ingrid Werleman, 8 maart 2011

Leave a Reply

Your email address will not be published. Required fields are marked *