“Weganan di computer no ta asina inocente!”

Poco tempo pasa e revista hulandes Elsevier a publica resultado di un investigacion cientifico riba e efecto di weganan di computer. A resulta cu weganan violento sigur sigur tin un efecto negativo riba hobennan. Bon pa tur major cu stima nan jiu sa…

Kid with a gunPoco tempo pasa e revista hulandes Elsevier a publica resultado di un investigacion cientifico riba e efecto di weganan di computer. A resulta cu weganan violento sigur sigur tin un efecto negativo riba hobennan. Si mas y mas ta focus riba e importancia di norma y balornan sano con nos por permiti weganan unda e hungado ta haja punto pa tortura su adversario y peg’e na candela. Esaki ta sosode den e wega Postal. Hopi hende ta papia di ‘violencia sin sentido’ y toch ta permiti nan jiu hunga weganan jen di violencia. Laga nos realisa cu un mucha no semper por diferencia entre fantasia y realidad. Weganan di computer no ta asina inocente. Tin hopi elemento robes den nan.

Den cierto paisnan nan ta basha gasoline riba un hende muhe cu tin un handicap? Increibel!”, hopi hende lo bisa. Tiramento di Twin Towers basha abou? No por, toch? Pero con por ta cu muchanan ta hunga wega den cua nan ta haja punto pa mata hende?”.
Weganan di computer por absorba tur e tempo liber di un mucha. Hopi biaha majornan ta traha henter dia. Tin ora nan ta traha mas cu un trabou y no tin bista at all kico nan jiunan ta hasi na cas. Nan ta contento caba cu e mucha ta pasa su oranan na cas riba computer, ja asina nan no mester tin miedo pa e ta hasi malo riba caja.

Un analisis di weganan di computer ta mustra cu tin violencia subtil den majoria wega. Y e ora no ta locura cu tin hende tin henter un coleccion di wega den cas?

E weganan cada dia ta bira mas extremo. Un mucha cu ta pasa henter dia dilanti su computer of television, no ta resta tempo mas pa bida familiar. Tur cos ta draai rond di e wega. Tin major cu ta gasta masha hopi placa na cumpra weganan. Ta bon pa majornan pensa profundo prome cu nan cumpra weganan violento. Na lugar di esaki nan por splica nan jiu pakico e no ta bon . Tuma e wega Mortal Combat. E ta un wega cu ta traha na e ehempel di un training pa soldad Mericano, prome cu nan bay guera. Y si di berdad nos kier pas, dicon nos ta acepta weganan di guera?

Call of Duty screenshot

Mester saca tur wega for di cas?
No, pero ta importante pa majornan stimula nan jiunan pa hunga weganan educativo. Tin suficiente wega leuk cu por hunga hunto den famia. Ta importante pa un mucha sa con leu e por bay. Podise esey por parse pica pa e mucha, pero miho evita cu crea situacionnan cu majan por perhudica e mesun mucha aki.

Leave a Reply

Your email address will not be published. Required fields are marked *