Comprondiendo Bida cu workshop ‘Comprondiendo y Birando e Cambio den Bida’

Despues di e anochi ‘Pensando riba Bida’ durante cua a presenta e projecto ‘Comprondiendo Bida’ hopi hende a pidi pa organisa un actividad unda por profundisa mas riba e temanan cu a bin padilanti.
Esaki lo bira e workshop ‘Comprondiendo y Birando e Cambio den Bida’

e oradornan na workshop Comprondiendo BidaDespues di e anochi ‘Pensando riba Bida’ durante cua a presenta e projecto ‘Comprondiendo Bida’ hopi hende a pidi pa organisa un actividad unda por profundisa mas riba e temanan cu a bin padilanti. Pa e motibo aki lo organisa un workshop cu e tema ‘Comprondiendo y Birando e Cambio den Bida’.
E anochi aki lo concentra riba 3 tema cu ta ‘Amor, kico e ta?’, ‘Tips pa un sonjo saludable’ y ‘Cuminda y Calidad di Bida’. E prome tema ‘Amor, kico e ta?’ lo ta na encargo di Belquis Moreu y Ingrid Werleman. Lo trata amor como actitud basico den bida y atraves di historia di e ultimo 200 anja mira dicon nos a perde e coneccion cu nos tabatin cu bida den su totalidad.

Industrisalicacion y e forma con nos a organisa nos sociedadnan tin hopi di hasi cu esaki. E la crea un hende cu a aleha di su ambiente directo, di su trabou y su coneccion civico. Asina e hende a bira cada biaha mas individualista. Importante ta pa nos realisa esaki y hasi un intento hunto pa hasi contacto cu e coneccion aki di nobo. Esaki ta podise un di e poco forma pa restablese nos contacto cu bida y …amor den tur area di nos bida. Amor pa pareja, di mes, pero tambe amor pa nos famia, pa nos pais y mundo. Y hopi importante amor pa bo mes, con pa descubri bo cualidadnan, bo balor propio. Con pa laga nan traha pa bo y biba e bida di cua bo ta sonja, pero diep den bo mes podise ta haja cu bo no merece? Pakico bo ta sabotea bo mes y bo sernan rond. Con pa laga bay e pensamento y custumbernan bieuw cu ta stroba pa bira e hende cu nos kier ta? Ban pensa un rato riba nos trabou y con nos por hinca mas amor y dedicacion colegial den e oranan cu nos ta pasa na trabou. Con nos por juda nos prohimo cu ta den dolor cu accionnan simpel? Lo trese e tema aki den un forma unda e publico tambe ta participa y lo bay cas ful gecharge pa ‘ta e cambio cu nan ta desea den bida’.

Giovanna Fijn di Beauty with Style lo trese ‘Tips pa un sonjo saludable’ unda lo papia riba aroma terapia y su influencia positivo den nos famia. Ora nos no por drumi, ora nos tin stress, nos jiunan tin miedo… kico nos por hasi cu aroma natural?

Un conclucion importante di e prome anochi ta e influencia grandi di e cuminda cu nos ta come y su efecto riba hopi cos den nos bida, p.e. e forma con nos ta come… dilanti un television of hunto na mesa? Con hopi nos ta combina cuminda cu movecion? Nos ta duna atencion na cuanto nutricion tin den nos cuminda? Tur esakinan ta punto cu Dr. Viana ta contesta den un presentacion riba ‘Cuminda y Calidad di Bida’. Kico cuminda tin di hasi cu un bida balancea, cu violencia of harmonia, cu bo mente, cu obesidad y stress? Cosnan pa pensa ariba.
Lo bira un workshop pa pensa riba bida y focus riba accion. Determina con nos kier pa nos bida, famia y pais ta y con nos por logra esaki cu cambionan podise chikito, pero significativo.

E workshop ta tuma lugar diahuebs, 26 mei, di 7.30 te 9.30 anochi. Pa cubri e gastonan ta pidi un contribucion chikito di 20 florin y pa pareja esaki ta 30 florin pa 2 persona. E workshop ta tuma lugar na den e bunita centro ‘Spirit of Aruba’, Ierlandstraat 22, Eagle. Tel. 588 9551. Desde diasabra 21 di mei, 10 or por cumpra carchi eynan tambe of jama 741 3300 pa reserva esun di bo.

Por inscribi na tel. 741 3300 of via ingridwerleman@gmail.com of via nos contact formulier.

Leave a Reply

Your email address will not be published. Required fields are marked *