Lus y Sombra

Mi ta draai, draai, draai y mi ta cerando circulonan den mi bida… mi ta lus y mi ta sombra…explorando Bida…

lus y sombra - graphic ❝Draai, draai, draai rond…y bo lo draai un rondji… y bo lo ta nobo… di nobo…akinan.❞ —Gil Scott-Heron

Hopi biaha nos ta busca eyfo…tanten eyfo…tin solamente mas, cu ta e refleho di nos mes… nos ta draai, nos ta draai y nos ta hunga wega di mundo… pasobra bolter nos wowo, mira paden ta asina mas complica y jena cu confrontacion….
Ta asina mas facil pa busca semper un motibo… pakico ‘ainda no’… warda un rato… nan no ta cla, pero ami si? Ami ta cla pa mi mes? Ken ta cla pa ken?…

 

Mi ta parti di un universo y mundo maravijoso… mi ta jiu di strea y di shelo… naci for di puro baranca y lama Arubiano… perla den mar Caribe…
Y mi ta lus y mi ta sombra…

Y mi ta mira mi grandesa y mi limitacionnan…
Y mi ta sigi cana… pa unda bida kier hiba mi…
Y mi ta scoge pa TA mi mes…
Den tur mi Splendor…

Mi ta draai, draai, draai rond…
Y mi draai un rondji…
Y mi lo ta nobo… di nobo…
Akinan…

Ingrid…dedica na Bida… Mei 28, 2011

Leave a Reply