De Wit & Van Dorp Stores ta sostene projectonan cultural y creativo

De Wit & Van Dorp Stores ta sostene projectonan cultural y creativo. Pakico? Pasobra nan ta kere den duna bek na e comunidad cu ta sostene nan…Awe un relato di un exposicion recien di Franco Koolman cu e titulo ‘E Arubiano Nacionalista’: 25 Aña di Status Aparte.

van dorp pageDesde hopi anja De Wit & Van Dorp Stores ta sostene projectonan cultural y creativo. Van Dorp Bookstore ta conoci specialmente pa e promocion di bukinan den Papiamento. Pero ainda tin hende cu no sa cu Van Dorp ta sostene tambe projectonan cultural y creativo. Asina den e ultimo lunanan tabatin un actividad impresionante cu tabata e exposicion di Franco Koolman. E biaha aki e exposicion ta titula ‘E Arubiano Nacionalista’: 25 Aña di Status Aparte.

E prome exposicion di Franco Koolman tabata na aña 2008 y tabata titula Arte y Historia di Aruba. Franco Koolman a cuminsa pinta na aña 1999. Franco nunca a sigui un curso di pintamento. El a ser inspira dor di e conocido pintor Arubiano Johannes Donati. Su estilo di pinta ta realistico y irrealistico. Hopi di su cuadranan tin e tema historico manera casnan y situacionnan historico.

Inspiracion ta bin tambe dor di paisahenan rond di Aruba. Franco ta pinta riba canvas y ta usa verf di azeta. Tambe Van Dorp Bookstore ta e cas di e club di stampia di Aruba, un club cu hendenan cu ta dedica hopi tempo y amor na e hobby di spaar stampia. Ta akinan Nico Luidens, gerente di Van Dorp Bookstore a discubri e talento di Franco. De Wit & Van Dorp Stores a invita Franco pa organisa su prome exposicion. Pa e motibo aki Van Dorp Bookstore ta hopi orgujoso cu atrobe nan por tabatin Franco cu un otro exposicion.

Un persona cu a bishita e exposicion di Franco ta e pintor Arubano, Nigel Matthew. Nigel tabata hopi impresiona cu e pinturanan di Franco. E ta haja cu nan ta conta hopi di nos historia y tin hopi elemento pa pone nos pensa. Asina cada cuadra ta contene hopi detaye, cu mas nos wak nan, mas nos ta discubri cosnan nobo. Den un proximo articulo lo nos conta mas di e club di stampia di Aruba. Y naturalmente nos kier duna bo e TIP pa bishita De Wit & Van Dorp Stores pa tur bo necesidadnan pa pintamento, oficina, creatividad y hopi cos mas… entre otro servicio cu cordialidad y profesionalismo…

Leave a Reply