Tip di Checkpoint Color: Importancia di un potret

famia felisE storia di e potret di mi tata…un experencia berdad di Checkpoint Color

E potret adhunto ta refleha un famia felis… un mama cu jiu cu pa prome biaha ta bay pasa un dia di tata sin nan tata y casa stima. Lando tabata un casa cu tabata companja y sostene Shirley den tur actividad social. E tabata un tata y guia ehemplar pa su yiu homber. E potret ta nan consuelo ora nan corda riba nan casa y tata. Awo, bo por imagina bo cu tin hende na mundo cu tin tur placa di mundo, pero nunca a conoce nan tata. Nan ta gasta mes tanto placa cu ta necesario pa biaha y sigi e pistanan di nan tata, pero no ta logra. Nos ta bay conta bo un storia cu a pasa berdad.

Di un yiu cu un tata Arubiano di ken no a keda niun potret di su bida. Scucha! Tabata tin un senjorita Mericano jong cu a bin pasa vakantie cerca su famia na Aruba den temponan di Lago. Na Aruba e la enamora di un joncuman Arubiano y una bes na Merca e la ripara cu e tabata na estado. E la scirbi un carta pa su amor, pero nunca a haja contesta. E jiu a nace y despues di tempo e dama a casa cu un Mericano hopi rico cu a adopta e criatura. Mirando cu e mucha no tabata parse un Mericano, semper a cont’e tocante su tata di Aruba cu nunca a laga sa algo di dje. E mucha a bira grandi y a tuma over e empresa di su tata. E tabata hopi exitoso, pero semper e deseo a keda pa un dia por haja sa ‘algo’ di su tata.

E cabayero a bin Aruba y a jega Checkpoint Color, paso nan a tende di e coleccion di potret di antes di defunto Nancho Luidens. Akinan a cuminsa un buskeda pa e potret of ‘algo’ di e tata. E buskeda aki a hib’e serca famia di su tata… Porfin! Ken sa, pero su famianan a conte cu su tata a bay cu un tanker Europa y nunca mas a laga sa nada di dje despues cu su mama a bolbe Merca. Un tanta tabatin algun potret di famia, pero ora cu e la muri, e jiunan a kima tur e potretnan bieuw. Pakico warda cos bieuw. E cabayero a sigui busca, no ta importa cuanto placa e lo tin cu gasta. Placa no ta problema, pero … e potret no ta existi. E bieuwnan cu ainda tabata corda su tata a conte cu e parse su tata hopi. Cuanto gana e tabatin di por experencia esaki su mes. Pero cu tur placa di mundo, e no por cumpra su deseo di mas grandi… ‘e potret di su tata’.

Pa e motibo aki Checkpoint Color ta stimula tur hende pa no tira nan potretnan afo, ni ward’e riba computer so. Paso e por crash… Un potret ta pa conserva…y pa mir’e. Pesey, print’e!

Leave a Reply