Van Dorp Store ta Cas di StampiAruba

Colecciona stampia ta un hobby cu StampiAruba kier promove cerca mucha. E ta inspira concentracion y trankilidad. E ta juda den conocemenento di mundo y cultura. Van Dorp Store ta cas di StampiAruba.

van dorp-cas di club di  stampia ArubaSusan Solognier-Noguera ta philatelista pa mas of menos 40 anja y tin un colecion extenso. Susan ta conta su storia: ‘Dor cu mi ta miembro di diferente club internacional y ta intercambia stampia cu tur parti di mundo, mi ta haya mi cu stampia dobbel cu ta bira un cantidad enorme, sin sa kico pa hasi cu nan. Mester corda cu tur hende di afo ta stampia di Aruba nan kier, dus e dobbelnan di otro pais no ta interesa nan. Den pasado mi a haci hopi donacion di stampia dobbel na clubnan juvenil internacional. Pero semper mi interes tabata pa promove spaarmento di stampia aki na Aruba mes. Mi a cuminsa esaki na scol basico Colegio Sagrado Curazon na Savaneta cu ta e bario di unda mi ta. Mi tabata duna lezing na 5e y 6e klas pa splica di mi hobby. Asina mi a forma un grupo di mucha y nos tabata topa un bez pa luna na Biblioteca Nacional na San Nicolas. Despues cu a cuminsa cu renobashon na e Biblioteca nos grupo no tabatin lugar mas pa topa.

Na e momento ei mi a aserca Nico Luidens di Van Dorp pa cuminsa cu un club. Nico a bisa un otro cliente philatelista Sr. Ruben Abath di e plan y conhuntamente nos tres a traha pa dia 19 di mei 2007 nos a tene e dia di informacion.
Riba e fecha aki 43 persona a bin busca informacion. Tur anja rond di 18 di Maart van Dorp ta tene su encuentro cultural y nos ta probecha di e fecha aki cu ta haya hopi clienta pa promove e club. Nos tin actualmente 61 persona inscribi di cual mitar ta activo. Nos ta topa dos vez pa luna riba fecha nan stipula pa 1:00 pm na Van Dorp na Dakota. Persona nan di tur edad ta bonbini.

E meta di e club ta:
• Pa promove spaarmento di stampia, specialmente cerca hoben;
• Juda colecionista nan cu nan colection pa preserva nan stampia nan;
• Guia nan den e diferente sistema di colecciona;
• Juda cu identificacion di stampia;
• Juda cu duna balor na stampia;
• Informacion di tur diferente producto cu tambe ta cai bou coleccionamento di stampia.
• Juda coleccionistanan haya stampia cu falta den nan coleccion.

Cuminsamento di e anja aki nos a bin cu nos propio nomber oficial ‘StampiAruba’ pa por asocia nos mes na organisacionnan internacional. Nos tin tambe un logo oficial. Awor nos a cuminsa spaar pa nos bira un asocacion.’

Susan tin un personalized stamp cu e la laga traha na Hulanda. E stampia aki por wordo usa pa manda carta.

Danki Susan, pa un bunita contribucion. Pa mas info di StampiAruba por pasa cerca Nico Luidens na Van Dorp.

Leave a Reply

Your email address will not be published. Required fields are marked *