Checkpoint Color cu workshop gratis pa hubentud con pa traha un photobook

Pa tur hoben di 15 anja pariba Checkpoint Color tin bon noticia. Nan por participa den un workshop pa sinja traha nan photobook full gratis…

 Checkpoint Color cu workshop gratis con pa traha un photobookTa vakantie y esey ta un momento cu hubentud por usa pa sinja cosnan nobo cu por bira un dushi hobby. Checkpoint Color semper inovando ta organisa un serie di workshop gratis pa duna les na hobennan con pa traha nan propio photobook. Despues di e workshop nan por pa traha nan photobook pa cada ocashon. Esaki por ta e graduacion na scol of di e dushi vakantie of di cualkier ocashon cu nan tin un serie di potret saca. E workshop ta completamente gratis y si e cursista kier print su Photobook e ta haja esaki na un prijs super special cu ta inclui tambe un regalo extra di un potret grandi na e tamanjo di 8″ X 10″ di su potret favorito.

E Special vacation photo-book aki nan por hay’e pa bai cu ne di biaha y asina mustra famia y amigonan. Na Aruba ainda tin hende cu no conoce exactamente kico ta un photobook, pero na hopi pais e ta e trend cu ja a reemplasa den hopi caso e album di potret tradicional cu por laga potretnan cambia color of danja a lo largo di tempo. Esaki no ta e caso cu un photobook ya cu e ta un album traha completamente digital. E dushi di un photobook ta cu bo por hunga cu e tamanjo di cada potret, bo por pone bo propio texto na smaak of poesia y hopi mas opcion. Pesey Checkpoint Color ta invita tur hoben di 15 anja pariba pa bin cu e chip di nan camera of un usb stick of cd cu minimo 80 potret ariba y naturalmente hopi gana pa sinja algo nobo. Y asina participa na un dushi extra vacation activity, completamente gratis. Pa mas informacion jama Checkpoint Color na 582 2284.

Leave a Reply