Kico mi tin cu haci cu mi yiu ora e bira rebelde.

Drs Mitsy Willems – psicologa – Ora un mucha ta haci locual ta corecto e ta algo importante ya cu di eynan e ta cuminza desaroya kico ta locual ta bon y kico ta malo, erornan ta haci cu e mucha ta siña di un ehemplo, di locual ta desaroyo di su lenguahe.

drs Mitsy Willems - psicologa Un contribucion di Drs Mitsy Willems – psicologa.

Un mucha rebelde ta esun cu ta pone resistencia y cu no ta haci caso na e obediencia; un mucha cu no ta haci nada di locual bo bise. Hopi di e conductanan aki ta cuminza ora un mayor ta autoritario; unda e mayor no sa scucha y ta sinti cu tin semper e berdad riba cualquier cos cu e mucha bisa y haci. Cu mayornan asina e mucha ta desaroya un manera con pa defende su punto di bista, su lugar y su identidad. Aunque esaki ta pone e mucha bira un problema, e ta uza hopi locual ta e defensa personal y e lo bira líder den algún area den nan bida.Locual ta mas importante, ta cu nos yiu mester logra den su mes un autonomía y ta independiente pa e por cuminza resolve su problema, unda e por defende su punto di bista sin haci daño na ningun hende.

Logra cu e ta sinti su mes sigur pa descubri, haci pregunta y trata di yega na cualkier cos cu ta hala su atención, sin necesidad di falta e autoridad di e mayornan. Con nos ta evita rebeldía? Pa logra esaki nos mester compronde e desaroyo psicosocial di un mucha y siña un par di tecnicanan di comunicación asertivo. Erick Erikson, ta bisa cu e desaroyo social di ser humano ta presenta den etapanan den infancia y cu ta intensifica mas den momentonan den bida di un mucha entre 2 pa 3 aña, cu nan ta pasa den un dilema di enfrenta y resolve cada etapa di nan autonomía versus vergüenza. Según Erikson den cada etapa bo ta haya un conflicto of dilema cu bo mester deal cu nan y trata di soluciona esaki; e resultado ta depende di con nos ta hacie y e guía cu nos mester ricibi di nos mayornan of hende cu ta cuida nos.Den caso di rebeldia nos mester cuminza wak e situación den e etapa unda e mucha ta cuminza explora su medio y desaroya su autonomía of independencia. Den e periodo di prome cu school e mucha ta caracteriza su mes pa e ta mucha curioso y e ta yen di energía. Esaki ta e momento cu nan ta desaroya e confianza y nan ta siña autoregula nan comportacion.Si den e etapa aki e ta fracasa of su mayornan no ta contribui na dje, nos yiu por pasa e etapa aki lihe na unda e ta bira impulsivo y compulsivo ( na unda e mucha ta ripiti e comportacion di un manera descontrola; constantemente e tin e necesidad di desafia e autoridad cu nan ta pone na dje.
Ora un mucha ta haci locual ta corecto e ta algo importante ya cu di eynan e ta cuminza desaroya kico ta locual ta bon y kico ta malo, erornan ta haci cu e mucha ta siña di un ehemplo, di locual ta desaroyo di su lenguahe. Si bo yiu ta sufri di rebeldia bo mester cambia e método y cuminza wak e dirección di locual abo ta haciendo. kico mi ta siñando relaciona cu autoridad? Mi ta pasivo, agresivo of asertivo den forma di siña?

Leave a Reply