EMDR, Sistema Psicoterapéutico pa elimina trauma

EMDR, Sistema Psicoterapéutico pa elimina trauma. Un tecnica introduci na Aruba pa Psicologo Mitsy McCollum-Willems, Specialist certificated in EMDR. E ta bisa: ‘un tratamento capaz di kita e pio y mas sufrimento di e situacionnan di nos bida y cu definitivamente tabata un mester na Aruba’

drs Mitsy Willems, psicologoSistema Psicoterapéutico EMDR (Eye Movement Desensitization and Reprocessing), mundialmente uza pa profesionalnan di salud mental den e tratamento di desorden mental y di origen post-traumático.
E sistema EMDR ta recomenda y considera como un di e hermentnan mas moderno y efectivo cu a existi den decadanan pa e tratamento y mehoría den e condicionnan di bida di e persona cu a pasa pa situacionnan traumatico manera: Accident, kimamento cirugia, testigo di morto violento, victima di abuso sexual, abuso infantil, victima di desaster natural, victima y veterano di guera, depresion, post parto, ansiedad, stress, panico, desorden di comemento, desfuncion sexual, dolornan cronico, desorden desociativo y psicosomatico entre otronan tanto casonan cu por ser utilisa den e sistema nan unda e la wordo uza cu hopi exito no solo afo, sino tambe akinan. E tratamento tambe a ser uza den muchanan cu un gran resultado na unda hopi mayornan cu ta keda encanta cu e gran trabao cu ta wordo haci cu muchanan.

Importante miembronan di institucionnan como American Red Cross, Boston School of Medicine y Cornell University, entre otronan tanto, a respalda e exito di e sistema EMDR den e tratamento di desorden Post- Traumatico.

“Un studio comparativo di efectividad entre Prozac y EMDR a demostra cu e sistema EMDR ta mas exitoso cu Prozac den obtene resultadonan positivo y sosteni den e reduccion di ansiedad y depresion”
~The Journal of Clinical Psychiatry, January 2007.-

E sistema Psicoterapeutico EMDR ta un herment unico den su clase, recomenda y altamente eficaz den e tratamento di situacionnan traumatico cu por afecta nos te na e punto di kita nos soño y trankilidad, e inclusivo stop nos di ta feliz y disfruta di tur cosnan bunita cu nos tin dilanti nos.

Ami mi mes como Piscologo mi por afirma: cu e sistema aki ta ofrece un tratamento capaz di kita e pio y mas sufrimento di e situacionnan di nos bida y cu definitivamente tabata un mester na Aruba y cu awor formalmente ta pone den servicio di tur hende cu ta desea esaki. “Cu e herment aki ta hopi trauma cu mi lo por sigui trata y cu lo ser supera pa hopi hende cu lo ricibi e tratamento aki” “Pa mi no ta existi e recompensa mas gratificante di wak e personanan cu un sonrisa di felicidad y cu nan ta tuma bek nan caminda di nan bida hayando nan confianza y seguridad di nan mes”. “Como psicologo, mi ta invita na tur esunnan cu lo kier tuma contacto cumi, tur persona cu tin of a biba den un mal situacion of cu actualmente ta pasa den un trauma cu ta afecta su bida y cu ta biba stanca cu un bida agresivo, cu stress, deprimi y cu su self esteem na flur, e tratamento aki ta completamente sigur y confiabel”.

Actualmente nos por bisa cu EMDR ta haciendo un gran trabao na Aruba, unda hopi hende ta yuda nan mes den tur sentido.
Cualkier persona of institucion cu ta desea mas informacion riba e sistema Terapeutico EMDR, por tuma contact cu Psicologo Mitsy McCollum-Willems, Specialist certificated in EMDR.

Leave a Reply

Your email address will not be published. Required fields are marked *