Sinja bo yiu disciplina cu amor…

Tras di e aparencia duro di un mundo caotico, tin un universo conecta intimamente cu amor… Laga tur cos den su man. – Marianne Williamson

Rutina y reglanan husto nunca a danja niun hende. Yuda bo yiu discubri su talentonan, sinj’e norma y balornan. Bis’e cu e ta balioso den bo bida… Amor y disciplina… combina ta crea un futuro fuerte pa bo yiu… Dun’e, e merece y lo beneficia di dje!

Sinja bo yiu disciplina cu amorTras di e aparencia duro di un mundo caotico, tin un universo conecta intimamente cu amor… Laga tur cos den su man. – Marianne Williamson.

Bibando den un mundo caotico y insegur, nos ta lubida hopi biaha cu esaki ta e caso tambe pa e generacion cu ta sigi nos. Un generacion cu por ta, ta lanta di chiquito den un bida cu tiki disciplina y hopi caos. Cu tur major ta stima nan yiu ta berdad, di un of otro forma. Cu semper nan ta expresa esaki? Probablemente no semper den nan bida hopi druk y cu hopi desorden.

Ta importante pa mas tanto cu nos por bisa nos yiunan cu nos ta stima nan, cu nos ta aprecia nan, cu nan ta balioso den nos bida. Y semper corda cu structura ta hopi importante den bida di un mucha y ta jud’e pa structura su bida poco poco, maske con chiquito e ta.

Rutina y reglanan husto nunca a danja niun hende. Yuda bo yiu discubri su talentonan, sinj’e norma y balornan sano. Sinj’e moralidad y hasi un esfuerso pa abo ta e miho ehempel di tur loke abo kier pa e ta ora e bira grandi…

Amor y disciplina… combina ta crea un futuro fuerte pa bo yiu… Dun’e, e merece y lo beneficia di dje!

Leave a Reply