Stop pornografia infantil ta responsabilidad di cada un di nos…

Pornografia infantil lo stop ora anos como ser humano adulto para keto, para keto di berdad cu nos curason y pensa ‘KICO TA E DERECHO DI BIDA Y FUTURO DI UN CRIATURA?’. Derecho di mucha ta cuminsa ora ta mira di berdad kico ta na bienestar general.

Stop Kinder PornoPornografia infantil lo stop ora anos como ser humano adulto para keto, para keto di berdad cu nos curason y pensa ‘Kiko ta e derecho di bida y futuro di un criatura?‘. Derecho di mucha ta cuminsa ora ta mira di berdad kico ta na bienestar general. Den caso di mucha, mas ainda, pasobra e mucha mester di e hendenan adulto pa proteg’e ora e mes no por hasi esaki pa su mes.

Recientemente a discubri un grupo di pedofiel na Europa cu ta rekeri como miembrecia pa pone un video di pornografia infantil riba nan website. Pa bo por keda miembro mester sigi pone mas video ‘nobo’. Cosnan exceso asina ta pasando den nos mundo. Tin hende cu ta pensa cu bo mester por penetra den e mente di e pedofiel pa por influenci’e pa cambia su actitud. Gui’e, convenc’e, paso ser’e generalmente no ta fin di su trajectoria. Pornografia infantil ta usa mucha, pa sasia necesidadnan sexual di hende grandi. Den mi opinion e ta un asunto asina serio, delicado y di decencia cu e ta rekeri un mente y curason adecuado pa por deal cu e tema.

Na Europa tin discushonnan con leu por papia di pornografia si e mucha mes a copera. Si tin hende na Aruba cu ta pensa cu esaki ta normal, comunidad lo permiti esaki tambe? Parse cu cada biaha nos ta hala nos normanan un tiki pa por sigi trendnan of modernismo.

Pa hendenan cu kier studia e relacion entre etica y pornografia infantil na un forma serio tin suficiente informacion cu ta kibra bo curason ora bo lesa nan. Ta horible pa lesa kico adultonan ta capas di hasi cu mucha chiquito y te hasta baby. Podise ta bon pa tur hende cu ta pedofiel potencial lesa nan. Si nan tin curason, nan lo bay busca judansa psychiatrico of psycologico mesora pa juda nan cura di nan malesa mental.

Tin ora ta bon pa nos realisa cu abuso di mucha ta un fenomeno cu ta existi den nos comunidad no di awo, pero di semper. Y e ta keda existi tanten hende keda mantene silencio riba e tema. Podise ta bon idea pa usa silencio na un forma constructivo y para keto un rato y purba cana den sapapto di tur e mucha y adultonan cu a jega di sufri di abuso sexual.

Pensa pa bo mes: ‘Con e mucha ey lo ta sinti su mes?’. Of: ‘con ami lo sinti si ami tabata e mucha ey?’ of ‘Kico ami lo sinti si e mucha ey tabata mi jiu cu mi ta stima cu henter mi curason y cu mi lo nunca permiti pa hasi’ele danjo?’

Pa mas info lesa entre otro – Rutgers Nisso Groep – De bestrijding van kinderporno en de bescherming van kinderen (op het Internet en daarbuiten)

One thought on “Stop pornografia infantil ta responsabilidad di cada un di nos…”

  1. Bon nochi Ingrid y Jamilah. Na prome lugar mi kier a gradici Ingrid pa a tag mi persona den e message. Alabes mi ta sluit mi mes aan completamente na locual Jamilah a describi. Pa prome mi kier a agrega cu e personan cu ta obsesiona cu pornografia infantil ta personan cu mester di ayudo. Lastimamamente a bin ripara cu den mayoria caso nan no ta na altura cu nan tin un problema of nan ta "in denial". Dimes un persona asina lo nenga tratamento. Alabes Aruba no conoce e sistema na unda e acusado ta ser ordena pa medio di un juez pa sigui tratamento. Alabes loke Jamilah ta indica ta corecto tocante prensa. Si wak riba mi wall di Facebook por ehempel por mira claramente con un reportera masha renombra ta defende e musico cu ta acusa di posee pornografia infantil riba su laptop.

    Ademas Jamilah a inica tambe cu nos muchanan ta depende riba nos proteccion. En turno mi no kier ni cuminsa na elabora riba e caso horibel di e meneer di scol cu ta acusa di abusa/molestia sexualmente su alumnonan di eerste klas! Diahuebs dia 22 di September Juez lo dicta sentencia den e caso tristo aki. Boso keda pendente…..una bes cu juez dicta sentencia mi lo elabora riba e caso aki.

    Saludos, Sharlene Starke

Leave a Reply

Your email address will not be published. Required fields are marked *