Stop abuso sexual ta cuminsa cu educacion y informacion

Abuso sexual ta hopi den discushon e dianan aki. Ta enfoca hopi riba castigo cu un pedofiel merece, di otro banda ta keda e punto cu ami kier enfoca cu nos comunidad merece di hopi mas informacion y educacion riba temanan di bida. Tur cos cu un comunidad ta resisti lo cambia, si comunidad duna contenido y forsa na su norma y balornan.

stop abuso sexualE miho forma pa sinja un otro ta cu amor, una bes e curason compronde, e mente ta habri…- Link of Love

Abuso sexual ta hopi den discushon e dianan aki. Ta enfoca hopi riba castigo cu un pedofiel merece, di otro banda ta keda e punto cu ami kier enfoca cu nos comunidad merece di hopi mas informacion y educacion riba temanan di bida. Tur cos cu un comunidad ta resisti lo cambia, si comunidad duna contenido y forsa na su norma y balornan. Y tambe actua segun esakinan.

Nos ta na un momento clave den historia di nos pais chikito, unda medionan di comunicacion social ta brinda tur opcion pa vocifera nos opinion. Diferente pais ja a demostra cu akinan e cambionan grandi a cuminsa, cu e pensamento di algun individuo. Importante ta pa nos realisa e forsa, pero tambe e peligernan di demasiado libertad cu por bira libertinaje.

Pa e motibo aki educacion y informacion ta keda esencial. Tanto pa mucha como hende grandi. Den hopi caso nos ta adapta tur sorto di trendnan di afo di paisnan grandi cu SI tin un infrastructura di educacion continuo cu ta juda e hende ora e ta dicidi kico por y kico no ta tolerabel. Tanten cu nos no hasi e maximo pa crea un sociedad civico fuerte… casonan extremo lo keda pasa y unico cu nos por hasi ta keha riba facebook.

Di otro banda mi ta kere cu ta accion sano dirigi riba bienestar general ta e unico cos cu un dia por trese cambio. Un cambio dirigi cu Curason pa Comunidad. ‘Curason pa Comunidad’ ta e nomber cu mi a pensa pa un grupo di hende cu kier juda Aruba eleva su decencia moral y etico na un proximo nivel. E unico interes lo ta Aruba, sin involvi nos ego personal.

Ta importante pa nos duna aporte pa reemplasa loke nos no kier, pa loke nos ta convenci cu ta husto. E unico cu nos tin pa realisa esaki ta nos mes y sosten di otronan cu ta pensa mescos. Pesey ta importante pa crea e presente cu nos ta kere aden, pa laga algo miho atras pa e generacionnan cu ta sigi nos.

Abuso sexual no ta pas mas den un comunidad cu a sa di eleva su mes den su norma y balornan. E jabi ta educacion y informacion…e pregunta ta ken ta esunnan cu ta sinti nan mes jama… ‘Curason pa Comunidad’ a nace den mi curason como nomber…awo falta man y curasonnan balente pa carg’e!

Leave a Reply