‘Pa Semper’… Buki di Sherwin Jacobs ta sinja nos di e buskeda na felicidad.

E buki ‘Pa Semper’ di Sherwin Jacobs ta trata e buskeda di amor den pareja. Pero e buskeda aki ta hiba e diferente figuranan den e buki na un caminda basta largo y turbulento pa finalmente realisa cu felicidad no ta asina dificil. Y si bo scoge pa e cosnan cu tin balor real den bida, felicidad por ta tambe hopi cerca di cas of den cas mes. E buki ta jen di sabiduria di nos grandinan. Por cumpra e buki na Van Dorp y De Wit Stores

sherwin jacobsNos tur ta busca felicidad y pa cada hende felicidad tin un otro contenido. Felicidad por ta den amor pa pareja, pero e por ta tambe amor pa profesion, pa e nietonan of pa Dios. Of felicidad por ta tambe un combinacion di diferente cos. E buki ‘Pa Semper’ ta trata e buskeda di amor den pareja. Pero e buskeda aki ta hiba e diferente figuranan den e buki na un caminda basta largo y turbulento pa finalmente realisa cu felicidad no ta asina dificil. Y si bo scoge pa e cosnan cu tin balor real den bida, felicidad por ta tambe hopi cerca di cas of den cas mes. E buki ta jen di sabiduria di nos grandinan. Diferente generacionnan ta topa otro den ‘Pa Semper’ y hunto nan ta explora e sentido di bida den cada periodo di bida. Tin hopi intriga tambe den e buki pa asina por jega na un forma of otro na e informacion cu e dos rivalnan femenina ta desea di haja. Intriga cu ta jega te hasta na un aventura entre e dos damanan.

Via Nico Luydens di Van Dorp mi a topa cu e buki ‘Pa Semper’ di Sherwin Jacobs. Un autor cu hopi perseverancia pa duna nos idioma Papiamento un coleccion cada dia mas grandi di buki. Sherwin Jacobs ta scirbi pa diferente edad. Asina e kier juda conserva tambe nos custumber y sabiduria di bida desde jong cerca nos muchanan. Sherwin Jacobs ta bisa “Mi ta constata un necesidad hopi grandi na storia den nos propio idioma Papiamento na nos isla”. Por cumpra e buki aki na Van Dorp y De Wit Stores.

Leave a Reply

Your email address will not be published. Required fields are marked *