Camacuri Residence ta presenta su projecto di ‘Camacuri Wellness Garden’

Desde cu sra. Francis Quandt-Bulters a bira manager di Camacuri Residence ela haja importante pa introduci un projecto di wellness na e residencia. Den su opinion e ta pas perfecto cu e concepto di Camacuri. Un complejo trankilo,berde, hopi ecologico cu ambiente intimo y familiar. E projecto aki lo tin su cas den ‘Camacuri Wellness Garden’. E projecto lo combina aspectonan di wellness, creatividad y sostenibilidad.

camacuri wellness gardenDesde cu sra. Francis Quandt-Bulters a bira manager di Camacuri Residence ela haja importante pa introduci un projecto di wellness na e residencia. Den su opinion e ta pas perfecto cu e concepto di Camacuri. Un complejo trankilo,berde, hopi ecologico cu ambiente intimo y familiar. E projecto aki lo tin su cas den ‘Camacuri Wellness Garden’ cu lo keda cla na December. E projecto lo combina aspectonan di wellness, creatividad y sostenibilidad. E combinacion di e tres elementonan aki ta un concepto unico pa Aruba. ‘Camacuri Wellness Garden’ tin un meta importante pa e bira un lugar di encuentro di hendenan cu ta apoya e filosofia describi.

Esakinan por ta turista, mescos cu nos hendenan local. Asina nos ta crea un bunita synergia y lasonan di amistad, cu hopi biaha ta resulta den bishitantenan cu ta bolbe Aruba. Un otro meta importante ta pa contribui na e calidad di bida, e wellness di e hendenan cu ta bishita nos actividadnan di ‘Camacuri Wellness Garden’. Wellness su meta ta pa trese e hende bek na su esencia, den su propio balansa y energia, cu un curpa y mente cu ta den harmonia.

Nos ta scoge pa juda hendenan biba un bida di calidad halto, usando elementonan di naturalesa cu ta rondona nos. Aruba tin hopi forsa curativo den su naturalesa, nos lama, nos solo combina cu e dushi brisa y nos piedranan volcanico cu a haja nan forma dor di e wega di lama durante miles di anja y cu e energia di solo y luna cu ta laga nan traspasa energia curativo ora di masashi.

A planea un un serie di actividadnan combinando e tres temanan aki cu lo duna hopi informacion y ehercicio pratico y basico pa por balansa trabou, famia y bo mesun cuido necesario pa por biba saludabel y felis. Diasabra awor ta bay start cu e prome workshop ‘Wellness cu puro naturalesa’. E workshop ta un iniciativa di Comprondiendo Bida hunto cu Camacuri Residence. E ta un workshop cu kier honra e ser humano y honra nos naturalesa cu ta traha hunto pa crea e balansa perfecto den nos bida. E ta un oportunidad pa topa cu hende na un forma ameno y cu un concepto diferente.

2 thoughts on “Camacuri Residence ta presenta su projecto di ‘Camacuri Wellness Garden’”

  1. Un hopi bunita initiativa, un projecto hopi bon, pero kendanan tur por participa y con pa participa na e workshopnan aki??
    Si ta posibel pa ricibi informashon mi lo ta desea di ricibi esaki. Mi e-mail adres ta: lydia_paesch@hotmail.com.
    Di antemano danki!!!!

Leave a Reply

Your email address will not be published. Required fields are marked *