Dia di tur criatura y Fransisco

Parti 2 di e Storia di Al Figaroa…Aki na Aruba y na mundo tin mucho mas, mucho mas hende cu por comunica cu cierto criaturanan. No lubida cu tin un diferencia entre cria un bestia na cas y stime, cu cria diferente o mesun bestia tur dia cu amor, paso simplemente bo por comprondenan. Daniël Leo cu su Leonnan? Oom Fai cu su Lora? E Bieu cunucero cu su cabrito y carnenan? Mi tin sigur bo tambe a yega di tende di uno. Pero pakiko riba cuatro di oktober? Dicon precisamente e fecha ki?

Ta siglo 11 y e anja ta 12, dia cu Francisco di Bernardone trankilamente den oracion ta cana drenta un pueblo cu ta tur trastorna. Segun e ta pasa cana entrenan y ta tende nan storia, Francisco a bin compronde cu ta trata aki di un wolf cu ta baha for di sero anochi y atacanan y ta come nan carnenan.

Al y FranciscoUn contibucion di Al Figaroa
Aki na Aruba y na mundo tin mucho mas, mucho mas hende cu por comunica cu cierto criaturanan. No lubida cu tin un diferencia entre cria un bestia na cas y stime, cu cria diferente o mesun bestia tur dia cu amor, paso simplemente bo por comprondenan. Daniël Leo cu su Leonnan? Oom Fai cu su Lora? E Bieu cunucero cu su cabrito y carnenan? Mi tin sigur bo tambe a yega di tende di uno. Pero pakiko riba cuatro di oktober? Dicon precisamente e fecha ki?

Ta siglo 11 y e anja ta 12, dia cu Francisco di Bernardone trankilamente den oracion ta cana drenta un pueblo cu ta tur trastorna. Segun e ta pasa cana entrenan y ta tende nan storia, Francisco a bin compronde cu ta trata aki di un wolf cu ta baha for di sero anochi y atacanan y ta come nan carnenan.

Ta na es momento aki cu un cuidadano di e pueblo a bin reconoce Francisco y a pidie su ayudo como cu rumornan ya caba a yega e pueblo di su don y habilidad di papia cu criaturnan di Dios. Na mes momento aki Francisco a dicidi di bay subi e sero en busca di e wolf. Despues di oranan di busca e a bin topa cu e wolf y a some pa papia cune. Y segun storia ta conta, Francisco a hala su orea, dune un lastra y pone pidi pordon pa su actonan. Al fin y al cabo, Francisco a sera un pacto cu e wolf, poniendo su pata den su man, pa nunca mas ataca e pueblo y en cambio e pueblo lo duna e wolf di come, pa asina e no pasa hamber mas. For di e dia aki, dicho hecho, tanto e pueblo y e wolf a keda biba na pas tratando otro manera igual di otro.

Francisco no solamente a wordo reconoci pa e acto aki, pero pa diferente logro mas cu e a logra den su bida. Den su oracionnan solito den mondi su unico publico tabata e parha, coneu y otro criaturanan di mondi cu tabata bin scuche. Y sin duda alguno, nan tur tabata sinta alrededor di dje pa scucha su palabranan y nan tabata conteste moviendo nan curpa den harmonia.

Cuatro di oktober, dia di tur e criaturnan canando, bulando y landrando riba mundo. E celebracion cu tambe a wordo otorga na nos como dia di humanidad pa celebra, pa e criaturanan cu ta biba alrededor di nos tambe ta existi un dia special y tur esaki ta danki na Francisco di Bernardone, awe mihor conoci como Francisco di Assisi. Su lucha pa trece pas na mundo y pa uni tur loke ta biba entre nos, Francisco merecidamente a ricibi e ultimo prueba y regaldo di cielo, esta Stigmata.

Cuatro di oktober e anja aki ta marca e di 785 anja cu Franciso a bay laga nos lagando atras algo dimas maravilloso.

Autor: A. Figaroa ©

Leave a Reply

Your email address will not be published. Required fields are marked *