Francisco… Un storia Arubano…

Awe ta cuatro di oktober, un dia special pa hopi y pa varios un dia sin balor. Den historia y pa loke lo sigi despues, uno nunca lo no realisa nunca si uno no a wake mas a leu. Si, cuatro di oktober, dia di bestia of manera ami gusta bise, dia di tur criaturanan. Inspiracionan semper tabata existi pero manera semper, hopi biaha ta bay perdi. Na Aruba ta conta cu …

Tur mainta Goy Cora ta sali dunanan cuminda y papia cu nan.
Un storia di Al Figaroa cu lo toca bo curson. Les’e!

Francisco cu AlUn contribucion di Al Figaroa…

Querido lesado,

Ultimo tempo bo ta tende y mira den diferente medio di comunicacion, boluntarionan cu ta dedica nan mes y nan tempo precioso pa yuda y salba diferente bestianan den necesidad y dificultad. Sea ta uno maritimo o terestial, nan ayudo ta tur caminda debi na e amor cu nan tin pa nan. Nan causa no por wordo yama digno pero mas bien derecho. Acaso nos no ta biba den un mundo caminda criaturanan tin mes tanto derecho cu un ser humano?

Ta oktober, luna di flor, nos ta canta hunto cu gracia, ta luna di amor. Bo por mira tur e Santonan ta briya cu Splendor. Pero awe ta otro, awe ta cuatro di oktober, un dia special pa hopi y pa varios un dia sin balor. Den historia y pa loke lo sigi despues, uno nunca lo no realisa nunca si uno no a wake mas a leu. Si, cuatro di oktober, dia di bestia of manera ami gusta bise, dia di tur criaturanan. Inspiracionan semper tabata existi pero manera semper, hopi biaha ta bay perdi. Na Aruba ta conta cu …

Tur mainta Goy Cora ta sali dunanan cuminda y papia cu nan.

E tabata un bista demasiado bunita. Dilanti su cas na Palm Beach tabata biba riba e wayanan di coriente un monton di Totolica y Buladuif. Nan tabata su parha preferi y e tabata crianan manera e tabata cria su mes. Su amor pa nan simplemente no tabata tin palabra pa splica specialmente si nunca bo no a yega di wak e cu nan. Goy Cora mainta mester a djis saca su man cu maishi den dje y ya nan ta para den su planti man pa come. Storianan ta conta cu e por a distingi nan y papia cu nan, sa ken ta ruman di ken y ken ta enamora di ken. Bo sa di e dicho: “Tin un Chuchubi a contami un redo dibo”, dimes manera aki, nan tabata conta Goy Cora tur cos cu tabata pasa alrededor cu nan a mira. Tur esnan cu a conoce Goy Cora, por contabo esaki y na Palm Beach te ainda tin Totolica y Buladuif cu ta para riba e waya di coriente dilanti su cas pa admira loke nan mes a yega di tende. Goy Cora awe ya no ta cu nos mas, pero mescos e storia aki ta wordo conta, siguramente e Parhanan di awo tambe sa di su historia y awe ainda nan ta duna homenaje na dje. E simpel ser humano cu a compronde nos, cu a duna nos di come, duna nos amor y tambe un lugar cu nos por a yama hogar. Lo no sorprendemi si diariamente un o dos lo pasa bula riba su tumba y duna gracia.

Y mescos cu Goy Cora, aki na Aruba y na mundo tin mucho mas, mucho mas hende cu por comunica cu cierto criaturanan. No lubida cu tin un diferencia entre cria un bestia na cas y stime, cu cria diferente o mesun bestia tur dia cu amor, paso simplemente bo por comprondenan. Daniël Leo cu su Leonnan? Oom Fai cu su Lora? E Bieu cunucero cu su cabrito y carnenan? Mi tin sigur bo tambe a yega di tende di uno. Pero pakiko riba cuatro di oktober? Dicon precisamente e fecha ki?

Leave a Reply

Your email address will not be published. Required fields are marked *