Kaylee,reina di carnaval ta un buki di etiketa pa mucha.
Abo sa kico ta etiketa?
Etiketa ta entre otro bon manera, con bo ta anda cu otro y con bo ta comporta bo nechi cu otro hende.
Bo ta haja contesta riba e preguntanan:
Con bo ta comporta for di cas, por ehempel ora bo bay cine of restaurant? Bo ta sportief? Bo sa kico ta nifica higiena?
“Kaylee, reina di carnival” ta siña mucha con pa comporta den diferente situacion. Nan ta siña tur cos di etiketa. Si bo sa kico ta etiketa y si bo comporta bo segun etiketa, bo ta mustra respet pa otro. Bo ta duna un bon impresion.
E buki aki ta consisti di un storia pa lesa (pa scucha), hopi tip util, blachi di tarea y sticker.
E buki aki ta dedica special na nos muchanan di Aruba, y tur otro mucha cu ta laga “bon manera” inspira nan, tur ora y tur caminda.
Unda cu bo ta, ta importante pa tur ora y tur caminda bo comporta bo nechi. Bon manera ta yudabo anda na un manera placentero cu otro. Den e buki aki bo ta siña mas tocante bon manera y tocante e isla Aruba. Lesa y siña cu placer.
Diasabra, 8 di Oktober Denise de Jongh-Rekwest lo ta na Van Dorp Dakota pa presenta su buki nobo, cu por cierto ta na Papiamento. Lo tin bautismo y presentacion di e buki y booksigning dor di Denise.
Denise lo ta na Van Dorp Dakota for di 12.00 p.m – 3.00 p.m.
Nos ta warda tur mucha di Aruba sin falta na Van Dorp Dakota
Avenida Don Milio Croes 77
Oranjestad, Aruba
Ken ta Denise de Jongh-Rekwest? Denise a nace na Corsow. Deniste ta experto riba tereno di etiketa. E tin hopi aña ta duna training y tayer di etiketa via su oficina di training ‘Training & Consultancy 2000’. Banda di esey e ta dedica su mes na skirbi cuenta pa mucha, unda etiketa ta forma un liña cora den su obranan. Su fuente principal di inspiracion ta su yiu muhe stima Kaylee.