Mi ta corda cu na un workshop tocante e nificacion di nos sonjonan, hopi hende tabata conta nan sonjo den cua un auto ta aparece. Un meneer a conta di un sonjo unda e auto ta kibra den dos, significando asina e kiebra cu tin den su bida na e momento ey. Un otro a conta di un auto cu ta cuminsa bula mescos cu avion. Ami a conta di un sonjo di un auto cu mi ta core aden, pero mi no sa di ken e ta… e pregunta tabata ‘ta ken ta stuur/maneha e auto di mi bida?’. Oeps…mi no sa, pasobra mi no sa di ken e auto ta…
Hopi biaha nos ta laga un otro hende determina con nos mester ta, sin mira nos propio potencial. Nos auto ta kibra den dos y e ora numa nos ta corda cu nos mester a manten’e mas miho… mescos ta conta pa nos mes! No warda te ora bo kibra den dos pa mantene bo mes. Realisa kico bo ta bal. ‘Esaki ta conta pa bo auto tambe’, Ricardo, donjo di C.A.R.S. ta bisa mi cu su sonrisa di semper.
Biniendo bek riba e cantidad di sonjo cu hende ta sonja cu auto… esaki ta pasobra hopi biaha nos ta projecta nos mes den un otro situacion. Un auto ta simbolisa e curpa di un hende, esun cu ta sinta aden ta e alma. Dus si bo mes ta stuur bo auto den bo sonjo, esaki ta nifica cu abo tin control riba bo bida. Abo tin control riba e condicion di bo auto?
Comprondiendo Bida ta jama ‘Bon Bini’ na Ricardo y Larisa di C.A.R.S. y pronto nan lo cuminsa duna un par tips pa mantencion di bo auto. Den temponan cu no ta mes abundante pa tur hende, C.A.R.S. ta haja importante pa juda cada donjo di un auto pa mantene nan auto den e miho condicion posibel, cu e miho equiponan disponibel. Y nan ta haja Comprondiendo Bida un bon lugar pa hasi esaki.
Y KEN TA CUIDA BO AUTO? Nos ta recomenda C.A.R.S. Automall.