Un contribucion di drs. Mitsy Willems, psicologo clinico
Un storia cu ta impacta “Abuso di Mucha” y EMDR
Drs. Mitsy Willems, psicologo clinico ta comparti e caso aki di e hoben aki cu duna permiso pa comparti su experiencia. Meta ta pa kibra silencio rond di e tema y pa hendenan sa cu judansa ta posibel.
Awe e tin 28 aña di edad y tin problema cu su pareha. Ora nos a cuminza sondea a resulta cu tabatin tres abuso sexual den su ninjes. Un na su 4 aña, di dos na su 5 aña y di tres na su 7 aña dor su welo. Awo cu su welo a muri e la tuma desicion di bisa kico a pasa na su mama y a la vez busca ayudo.
Storia; “ami tabata un mucha cu hopi problema tempo cu mi tabata mas hoben, mi ta corda cu semper mi mayornan tabata laga ami cu mi ruman serca nos welonan. Un dia mi wela a bay supermarket cu mi ruman, ami tabata den sala ta wak T.V., mi welo a yamami, y mi a bay cerca dje. E la bisami cu nos ta bay haci algo cu ningun hende por sa, cu ta un secreto, ami di inocente mi a bay cerca dje ya cu semper e tabata tratami bon, (den su camber) ora nos a drenta e la bisami bin cerca opa, opa ta bay brazabo, y ami a bay, y asina e la cuminza brasami, cuminza sunchi mi y te cu e la forzami pushami riba cama y tapa mi boca. Ami no tabata compronde kico ta pasando, pero mi a cuminza yora, y tur cos a pasa liher. Después e la bisami cu mi no por a bisa niun hende pasobra nan lo por mat’e. Ami tabata hopi confused, mi a bay den sala y sinta yora. Mi wela no a yega ainda e la bin ongeveer 7 or anochi y un rato después mi mayornan a bin busca nos. Después di esaki mi no tabata kier keda mas serca nan pero mi mayornan tabata laga nos tog, te cu e la yega di pasa dos biaha mas. Awe mi por conta e storia pa duna otro hende y ta pa bisa tur mayornan tene mas cuenta na unda boso ta laga boso yiunan. Boso no sa den ken bo por confia. Awe danki cu nan traha cu mi, mi por papia libremente y no tin e berguenza cu mi tabata cana cun’e añanan largo, tur hende cu por a pasa den e mesun cos, tene curashi y busca ayudo. Tin ayudo p’e y ayudo cu bo lo por cana cu e problema sin sinti e dolo y berguenza, mi welo a fayece y di curazon mi ta desea cu den cualkier luga e por tin paz cun’e y mi ta pordon’e locual e la haci, danki na Dios y na busca ayudo” S.C ( Autorisa door di cliente).
Abuso sexual di mucha por ser yuda, abo por tuma curashi manera e hoben aki ta bisa. Abuso sexual ta un trauma cu ta keda pa semper si e persona cu a wordo abusa no busca ayudo, na unda e por trece cun’e hopi consecuencia mas dilanti den bida. ( problema den pareha, problemanan di personalidad, problemanan di sexualidad y un cantidad di cos mas. ABO POR!!!!! HACIE!!!!
Abuso sexual ta un di e traumanan cu por ser trata efectivamente cu EMDR. Den e ultimo añanan, e sistema psicoterapeutico yama EMDR (Eye Movement Desensitization and Reprocessing) ta wordo practica den hopi pais cu exito impresionante. Atraves di su consulta priva na Aruba, drs. Mitsy Willems ta pone e sistema psicoterapeutico aki den practica y ta haya resultadonan faborable, tambe pa victimanan di abuso sexual.
Pa mas información di EMDR por jama KEM Psychology na 586 7007 of 592 0090 of riba Facebook EMDR THERAPIST OF ARUBA