Dios den bo bida diario, segun Victor Hunt

Victor Hunt ta e prome persona pa duna su opinion riba nos seccion nobo ‘Dios den bo bida diario’. Les’e y bo por reacciona riba Victor su opinion of duna bo propio contenido na e tema…

victor huntUn contribucion di Victor Hunt.

Nos tur kier Dios den nos bida diario. Pero hopi di nos no sa con pa pone Dios den nos bida. Tin bon noticia pa esnan cu no sa con: e no ta dificil pa pone Dios den bo bida diario. Bo tin cu cuminsa cu segura bo bida eterno cu Dios.

Dos paso pa bida eterno cu Dios:
Hopi hende no ta compronde bida.
E bida ariba e mundo aki, tin un proposito. Durante e bida aki bo tin cu dicidi unda bo ta bai despues di e bida aki. Pasobra tin dos posibilidad: shelo of fierno.

Ora bo muri, Dios tu husgabo segun e Diez Mandamentonan. Y Dios a pone nan dje halto ei, cu niun di nos ta pasa e test aki.

Bo a jega di ganja?
Bo a jega di horta algo?
Bo a jega wak e otro sexo cu gana?

Dios sa cu niun di nos por pasa su test.

Nos jiunan hopi biaha ta hasi cos mala mucha, pero toch nos ta stima nan y no kier pa nan bai perdi.
Mescos Dios ta stima nos y no kier pa nos bai perdi. Pesei E la bin cu un plan di salvacion pa nos. E plan ta cu E la duna su jiu pa muri pa nos picanan pa nos por wordo salba.

E unico cos cu Dios kier di nos, ta pa nos reconoce cu su jiu a muri pa nos salbacion.

Imagina bo cu tin guera na Aruba y bo jiu ta e unico cu por salba Aruba y bo jiu duna su bida pa salba Aruba. Y despues cualkier Arubiano no kier reconose locual cu bo jiu a haci, con bo lo sinti bo mes?

Asina Dios ta sinti tambe. E kier pa bo reconose cu su jiu a muri pa abo.

Esei ta e proposito di bido: acepta cu Jesus Cristo a muri pabo y puntra pa Jesus Cristo bin biba den bo curazon.

Ora bo haci esei, Dios lo bin biba den bo curason y bo lo tin un bida eterno cu Dios den shelo.
Dia bo fayece, bo nomber lo sali den corant, pero bo alma lo sigi biba pa eternidad cu Dios den shelo.
Pa alcansa e bida eterno aki nos tin cu tuma dos paso:

1. acepta Jesus Cristo como bo salbador
2. repenti di bo bida anterior

Pa mas informacion:
Victor Hunt
Cel. 565 9171
cvictorh@setarnet.aw

2 thoughts on “Dios den bo bida diario, segun Victor Hunt”

  1. Kerido Sr. Hunt, danki pa e bunita commentario ariba Dios den bo bida diario. Nos ta di acuerdo cu bo – arepenti y kere e Evangelio: cu Jesus a muri pa nos picanan y cu E ta e camina, berdad y bida. Nos ta combida rumannan bishita nos blog: bbhenriquez.blogspot.com

  2. Ruman Bicente con ta bai? Danki pa e comentario. Laga nos conjuntamente sigi comparti e mensahe di speransa cu nos cummunidad.
    Mi a wak boso blog bunita. Mi a pone den mi favoritesnan. Bendishon.

Leave a Reply

Your email address will not be published. Required fields are marked *