E ehercicio aki bo por hasi ora bo ta bay drumi. Bo ta drumi riba bo cama cu bo curpa full plat y bo ta purba di tene henter bo curpa keto, pero tambe bo mente. Paga lus, drumi riba cama y sera bo wowo. Awor bo ta pone bo mannan na banda di bo curpa y bo planta di man poni p’ariba. Awor bo ta bay pone atencion riba cada parti di bo curpa. Pone tension prome pa despues laga los y relaha. Concentra prome riba bo pianan. Pone tension prome riba bo pianan pa despues laga los y relaha. Despues hasi mescos cu bo enkelnan, bo batata di pia, bo barica, lomba, mannan, schouder, nek y bo cabes. Awor wak si ainda bo ta sinti tension un caminda den bo curpa. Bay na e lugar aki y relaha bo mes. Concentra riba bo rosea y hasi un esfuerso pa relaha bo mes completamente. Awor cu tur tension a sali di bo curpa, bo por relaha bo mente tambe.
a. Tanten bo ta drumi asina full plat y keto, bo por hasi e ehercicio aki pa repasa y procesa bo dia. Pensa riba e ultimo cos cu bo a hasi prome cu bo a subi bo cama. Awor bo ta bay na e penultimo cos y asina bo ta keda bay bek. Para keto un rato na e cosnan cu a hasi hopi impacto riba bo. Bo lo keda asombra con hopi cos a hasi un influencia riba bo. Si bo ta sinti emocionnan cu esakinan a causa, no worry. Esaki ta ok. Asina bo ta sigi bay bek cada rato. Prome cu bo repasa ful bo dia, probablemente bo lo a pega sonjo caba. Exactamente esaki ta e intencion.
b. Den e caso cu ainda bo no a pega sonjo despues di e ehercicio aki, bo por purba lo siguiente. Imagina bo un shelo blauw cu nubianan cu ta pasa bay.
c. Probablemente bo lo a pega sonjo awo si. Pero si ainda bo ta lanta, laga tur e nubianan pasa te ora un shelo blauw so keda.
d. Drumi dushi!