Cansancio y acupunctura

Mi ta kere den hendenan cu ta tuma nan profesion pa juda hende cura nan mes na serio. Mi ta haja importante pa splica mi kico ta pasando cu mi curpa.

Roeland Krijnen
Roeland Krijnen

Pa hopi tempo caba mi ta sinti mi hopi cansa, cronicamente cansa. Via di un amiga cu tabata sinti mescos mi a drenta den contacto cu Roeland Krijnen di Acuclinic, situa na Palm Beach.

Hunto cu Shahaira Brokke, Roeland ta traha segun metodonan cientifico cu ta juda e hende den desaroyo optimal di su curpa, mente y espiritu. Terapianan holistico, acupunctura y medicina tradicional Chines. Siman pasa mi tabatin mi prome afspraak cu Roeland.

Roeland a tuma tempo pa splica mi con e sistema di energia di un hende ta sinta den otro. Mi a compronde pakico mi energia ta blokia y pakico mi ta sinti asina cansa.  Nos curpa ta mas cu solamente un curpa fisico. Nos tin tambe un curpa energetico unda por haja sa cosnan cu no por mira segun medicina occidental tradicional. Roeland ta traha cu e sistema di meridiaan den nos curpa cu nos por jama e portadornan di energia.

Ora tin blokeo den nos sistema di energia mester  desblokea esakinan pa por laga e energia fluhi bon atrobe. Pa logra esaki Roeland ta usa diferente forma pa analisa kico ta pasando den e curpa y trata e cliente segun e metodo cu ta miho den su caso. Den mi caso, acupunctura.

Roeland ta splica mi cu por compara e funcionamento energetico di nos curpa mescos cu ora un caminda ta blokea y ta pidi asistencia di polis pa regla e trafico y asina e trafico por vloei y bay na orden. Esaki ta loke acupunctura tambe ta hasi. E ta habri e caminda pa e energia por vloei atrobe. Y berdad esaki mi mes por a sinti ja despues di algun minuut. Con mi a ripara? E lugarnan cu prome tabata hasi dolor ora cu Roeland tabata primi, no ta hasi dolor mas manera e prome biaha, despues cu e la pone e hanguanan den e puntanan cu ta conecta cu e meridiannan.

Mas cu den pildo ami ta kere den e potencial di mi curpa pa cura su mes. Den esaki mi a usa hopi tecnica manera tapping, homeopatia, hot stone, reiki, acupunctura, emdr, nlp, energia universal, reflexologia, meditacion, afirmacion y asina mas cos natural. No pa mi mes so, pero tambe pa juda otro hende.

Mi ta kere den hendenan cu ta tuma nan profesion pa juda hende cura nan mes na serio. Mi ta haja importante pa splica mi kico ta pasando cu mi curpa. Den esaki Roeland a score hopi halto, pasobra e la cuminsa pa splica mi prome con su sistema di traha ta. E la scucha mi y a tene cuenta cu mi no gusta hangua. No problema, pasobra su tecnica di pone e hanguanan ta hopi suave y no ta hasi dolor. Mi ta sinti mi bon, jen di energia atrobe. Mi principio di bida ta cu mi ta recomenda na otro hende solamente loke mi ta kere aden. Mi ta stima mi bida y mi salud, pesey mi ta critico unda y kico mi ta hasi. Den e caso aki cu hopi confiansa mi ta recomenda bo Acuclinic na Palm Beach. Pa mas informacion bishita nan website http://www.acuclinic.nl

 

Leave a Reply

Your email address will not be published. Required fields are marked *