Bida ta un caminda…no un lucha…y con pa cambia nos custumbernan cu ta limita nos…

Bida ta un caminda…no un lucha…y nos tur por cambia nos custumbernan cu ta limita nos…

IngridMi ta dilanti un lift y ta mira e escenario aki mi dilanti: dos conoci ta topa otro net dilanti e lift. Esun ta puntra e otro: “Conbay?”. E otro ta contesta (manera hopi di nos: “Ay, bo mes sa. Luchando!”. E otro ta contesta:”Tanten cu bo tin forsa pa lucha ta bon ainda!”. Si mi haja un chens semper mi ta mete mi mes y bisa: “Stop di lucha…djis biba e bida. Cada biaha cu bo bisa bo mes cu ‘bida ta un lucha’, bo ta ‘hasiendo’ un lucha di bo bida. Pasobra esey ta loke bo ta bisando bo mes y bo subconciencia”. E ora mi ta corda riba cuanto biaha hende ta contesta mescos ora puntra nan ‘con ta bay’!. Cultura y custumbernan ta cosnan cu hasi nos ‘ken nos ta’. Dicon?

Continue reading “Bida ta un caminda…no un lucha…y con pa cambia nos custumbernan cu ta limita nos…”

Nunca mas miedo…

Nunca mas miedo…miedo como cultura di bida…

IngridMi ta corda cu como mucha chikito, mi tabatin hopi miedo. Miedo pa perde, miedo pa haja mal punto na scol, miedo di haja sota. E miedonan aki tabatin un efecto positivo cu e tabata stimula mi pa hasi mi best na scol y siña bon. Di otro banda miedo ta bira un parti di bo sistema y e ta crea mas miedo den bo, te cu miedo ta bira parti di bo cultura di bida. Una bes cu miedo bira parti di bo patronchi di bida, e ta stroba bo pa realisa bo mes completamente como hende y usa tur bo potencialnan. E ta stroba bo di alcansa e exito cu bo por a alcansa, pasobra e miedo cada biaha ta manera choca bo ora cu bo kier dal e stap y sali for di e kouwchi cu bo a custumbra pa biba aden. Bo ta keda draai rond den circulo y prome cu bo realisa añanan ta pasa y bo ta puntra bo mes kico bo a hasi cu bo bida.

Continue reading “Nunca mas miedo…”

Unda spiritualidad ta cuminsa?

spiritualidad ta hopi in awendia… pero unda e ta cuminsa?….

IngridE ta cuminsa den bo curason…den bo escogencia pa manifesta e imagen di Dios. Den tur cos cu bo ta hasi. Abo por cuminsa confia e amor cu tin den bo, cu ta pasa manera un coriente di bida den bo. E lo trese e circumstancianan exacto pa bo bira un mensajero di Divinidad y di bida. No warda riba otro, tuma iniciativa. Si bo keda  warda riba e persona banda di bo pa actua, podiser bo por warda pa semper y NADA lo sosode. Cambia bo mes y lo cambia e mundo rond di bo.  Dios no por ser comprendi, solamente experencia…

Nos por salba e mundo? Universo ta perfecto… mundo riba su mes tampoco tin un agenda… humanidad tin un agenda… nos ta contento cu bida riba mundo actualmente? Anto e ora preserva, pone bo mes den servicio di e mundo, prome cu tur e otro cosnan pa cual bo a scoge conciente…den servicio pa e futuro generacion…esaki podise por  ta bo prioridad number uno…?

Continue reading “Unda spiritualidad ta cuminsa?”

Dodelijke stilte… Nos cultura di silencio…

Voeten

Zachtjes wiegt de passaatwind mij in slaap…

Relaxed in mijn hamaca in de knoek…

Langzaam gleed ik weg naar het land der dromen…

Met een vaart kropen mijn nachtmerries in mijn onderbewuste…

Ze manifesteerden zich als boze handen die mij wilden wurgen…

Ik wou schreeuwen, maar ik had geen stem…

Daar stond ik dan in een kamer vol met spiegels…

En ik zag mezelf… en ik zag jou…

Mijn stilte gaf mij kanker, maar dan in mijn ziel…

Aan jouw stilte ging op een morgen een stuk van jou dood…

Toen de natuurlijke brug in tweeen brak…

Pariba y pabou…splitsing???

Je fofotiboom…een andere landmark…

Gewelddadig in tweeen gehakt…

Splitsing tussen pazuid en panort?

Het stond laatst in de krant…

1 op 15 kinderen op Aruba…

Mishandeld of misbruikt…

Veel te hoge percentage…

Ssstttt… taboe…mag niet praten…

Ahhhh… zeker weer overdreven…

Mijn hogere zelf komt in protest…

Ik wil niet meer…ik kan niet meer…

Zo ook jouw hogere zelf…je ziel…

Maar ik mag niet praten…jij ook niet…

Angst…bang voor represaille…restjes kolonialisme…

Niet wat je kent, maar wie je kent…

Er wordt van alles over mij gezegd, maar niet tegen mij…

Cultura di silencio… zwijgcultuur…

Opeens…doodse stilte…

Maak me wakker…

Snel, snel, snel…

Mijn ogen weer open…

De zon die schijnt…

Mijn nachtmerries…

Ze smelten weg…

De zon die schijnt…

De zon die schijnt…

De zon die schijnt…

–Ingrid Werleman

Kico ta Fe?

SunsetBalornan Universal…

Kico ta FE?
Biba cu FE ta nifica… laga bay miedo…

Mescos cu Gracia, nos tur a yega di topa cu ‘Fe’, na un momento den nos bida. Nos por topa cu ‘fe’, den momentonan di speranza, di alegria, di expectativa, pero tambe den momentonan tristo, di desolacion, unda e unico cos cu ta resta nos ta…nos ‘fe’. Fe den algo mas grandi cu nos…fe den un ‘forza superior… fe den Dios…fe den un mundo mas miho…fe den nos yiunan, pero atrobe…’Kico’ realmente ta ‘fe’?

Fe, mescos cu Gracia ta cosnan cu bo ta sinti y cu hopi bez ta dificil pa describi den palabra. Segun Enciclopedia Encarta, fe ta: ‘ Un actitud di paden, un conviccion of relacion di confianza entre e hende y un Dios Supremo. Den tradicionnan religioso ta mara fe hopi na e gracia di Dios, cu ta e seguridad interno of actitud cu Dios semper lo duna nos su amor…

Con pa traha cu fe den nos bida diario?

Un di e rekisitonan pa traha cu fe ta talvez pa nos laga bay miedo, laga bay tanto cos cu ta stroba nos.. Encyclopedia Encarta ta bisa cu : `Fe tin di hasi cu loque bo ta kere aden, pero…e ta bay mas leu cu esaki. E ta bisa cu fe ta yuda esun cu ta kere, pa transede limitacionnan y crea bon obra. E definicion mas popular cu nos conoce ta di e Testament Nobo, den Hebreu 11:1 cu ta bisa: `Fe ta e siguransa den e cosnan cu nos ta spera, e conviccion di cosnan cu nos no a wak ainda…” (p.e. Bida Eterno)

Continue reading “Kico ta Fe?”

Un rato pa spiritualidad den temponan moderno

Un rato pa spiritualidad den temponan moderno…

Bibando den tempo moderno, di cibernetico y super hi-tech, ta pone mi corda riba e poesia di Sai Baba cu ta conta na un forma bunita cu “aunke nos t’asina sabi y a inventa de todo pa hasi nos bida mas facil, nos tin menos tempo, nos ta sufri di mas malesa, nos tin mas problema mental y sicologico, nos conoce mas pobreza, mas inhusticia, mas inigualidad cu antes. Nos ta muri relativamente mas tempran cu nos antepasadonan y ta parse cu nos no a logra bira mas felis”. Tur e rikesa material no a trece e satisfaccion cu nos ta anhela. No ta nada straño anto cu rond mundo tin un hamber asina grandi pa asuntonan spiritual.

Hopi hende ta desea mas spiritualidad den nan bida, pero den kiko nan ta busc’e?
Esaki ta un pregunta hopi interesante, pero cu di biaha ta hiba nos na e parti complica di e propio pregunta – pasobra e palabra ‘spiritualidad’ tin asina tanto interpretacion. Y saliendo for di e libertad di escohencia, cada interpretacion na su forma tin derecho di existencia. E diccionario ‘Encarta’ ta describi ‘spiritualidad’ como e abilidad pa ta spiritual. E ta describi e nocion como e ‘relacion cu cosnan di alma y di espirito, contrario na cosnan material’. Tin hopi hende ta busca spiritualidad den misa; otronan ta busc’e den un grupo especial, hasiendo uso di nan libertad di escohencia. Como ciudadano di un pais democratico cu conoce e separacion di estado y religion, nos tin e deber moral di respeta e escohencia di otro. Mihor ta ainda pa pone bo mes na altura di mas tanto filosofia y pensamentonan religioso posibel; pensa profundamente riba nan, pa despues hasi den tur libertad bo propio escohencia – sin hasi daño na e libertad di otro hende.

Ami a scohe pa busca e Creador den mi mes y mir’E tambe den mi prohimonan. Den curso di aña mi a tende demasiado hopi iglesia ‘claim’ cu ta nan so ‘tin e berdad’. “Nos tin e jabi pa drenta shelo y si abo no ta cu nos, lo bo no drenta shelo”. Dilanti di e frase aki, nan ta lubida di pone algun palabra masha importante, esta ‘na nos opinion, nos tin e jabi …… etc.
Spiritualidad p’ami ta purba mas tanto posibel ta e ‘brasa y mannan’ di nos Creador den e mundo aki pa expresa Su amor na e nivel mas halto posibel.
No obstante e frasenan na inicio di e articulo aki, nos por bisa cu nos ta bibando den un temporada hopi afortuna – pasobra awor nos tin acceso na un cantidad grandisimo di informacion (pues, no asina liher nos por ser engaña) den un estado di derecho cu ta garantisa nos libertad pa escohe. Esaki ta e parti bunita di e tempo moderno.

Y asina mes hopi hende ta buscando … un maestro … pafor di nan mes… mientras cu e maestria ta eynan mes… paden di nan mes… na alcanse di nan dede… basta nan kier mir’e…y explor’e…

Pensando riba dia di San Valentin…Ken abo lo brasa awe?

Free HugsE restaurant tabata jen di hende. Un grupo chikito de waitresses ta purba na sirbi tur e clientenan. Un famia di cuater tabata haci remarkenan bruto over di e servicio y e tata tabata keha e waitress. E waitress a rush bay y bin bek cu un teblachi cu e cumindanan. Riba e caminda bek pa e mesa e a laga un tayo cay y e tayo a kibra. Despues di mei minuut paralisa e waitress a cuminsa jora.

Continue reading “Pensando riba dia di San Valentin…Ken abo lo brasa awe?”

E cosnan di balor real den bida…

Rina, MitchelTin ora mi ta puntra mi mes, di con parse cu nos a aleha asina tanto di e cosnan aki…e cosnan chiquito cu tin un significacion asina grandi den nos bida. E tempo cu nos hopi bes no ta tuma mas pa disfruta un rato di e cosnan simpel di bida. Cosnan manera sinta un rato den silencio pafo di bo cas y disfruta di e naturalesa cu ta rondona bo. Cosnan manera tuma tempo un rato pa un dushi combersacion… E tempo cu nos no tin mas pa pensa riba e cosnan cu ta kita nos alegria di bida. E cosnan cu ta hasi nos malo. Ultimo dianan mi tabatin basta contacto cu hendenan cu ta papia riba salud y malesa y hopi di nan ta busca un otro forma pa anda cu e cosnan cu ta hasi nan malo. Of miho bisa, nan no kier ta malo mas. Of…nan no kier pa kita nan malesa na un forma forsa cu anti-biotica. Hendenan a bira hopi mas conciente y nan kier sa y compronde pakico nan ta bira malo. Nan kier sa si den nan cura tin un yerba medicinal cu por cura nan. Nan kier compronde, pakico nan ta bira malo y con pa evita cu nan ta bira malo.

Talves si nos tuma un tiki mas tempo pa nos ‘biba’ y disfruta e cosnan simpel di bida…nos lo bira menos malo? Esaki ta un pregunta hopi interesante y den hopi estudio ya a conclui cu hendenan cu ta biba un bida balansa, unda ta traha tempo pa mas cos cu solamente trabao y diberticion tin un miho calidad di bida. Hendenan a bira manera adicto na trabao y a perde e contacto cu e mundo di naturalesa, e mundo di comunicacion humano, e mundo pa sirbi otro, e mundo pa tuma tempo y scucha e hendenan cu nan ta stima, no solamente cu nan orea, pero cu nan curason… Nos a perde contacto cu e mundo di silencio y ta yena nos mundo cu tur sorto di desorden cu ta stroba nos di scucha…di tuma tempo pa bida mes…

Continue reading “E cosnan di balor real den bida…”

E esencia di violencia…Ki ehempel nos ta duna nos yiunan?

test

Con nos ta siña nos yiunan?

PopchiTin un cantica di ‘Crosby, Still, Nash & Young’ cu ta yama ‘Teach your children right’, esta siña bo yiunan ‘corecto’ of ‘bon’. Esaki ta un frase cu por pensa y bisa hopi di dje. E cantica ta bisa cu de bes encuando bo tin cu ‘djis hala rosea, wak bo yiunan y ‘sa’ cu nan ta stima bo’. Esey ta berdad, no tin un yiu cu den e fondo di su curason, no ta stima su mayornan. E cantica ta bisa cu ta importante pa laga e yiunan liber pa hasi nan propio decisionnan, pero ta importante pa duna nan un base.

Un otro dicho cu mi a yega di tende cu a impresiona mi ta ‘E dos cosnan mas importante cu nos por duna nos yiunan ta ‘hala pa nan bula y rais pa nan sa di unda nan ta bin’. E rais aki a bay perdi den hopi caso, ‘nos’ a lag’e bay perdi. E ta un proceso cu a cuminsa serca nos mayornan, cu kier a ‘impone’ nan forma di educa, paso esey tabata e unico forma cu nan conoce. E la sigi cu e hendenan di mi generacion, e ‘baby boomers’. E horornan di e guera na Vietnam, e discriminacion sin piedad na Merca y Sur Africa y e ‘poder’ di Flower Power, e musica di The Beatles y The Doors a hasi cu nos kier a crea un mundo di pas y amor. Den nos afan pa drecha e mundo pafo, hopi biaha nos a lubida di cuida nos mundo paden y cuida nos propio raisnan. Talves nos a lubida di duna tempo y amor na nos mes y na e hendenan cu tabata rond di nos.

Banda di esaki e actitud y mercadeo materialista salvage no a pasa nos tampoco voorbij y nos kier a duna nos yiunan mas cu nos a haya y aki talves nos a lubida di duna nan suficiente rais. Pero tanten, nos propio raisnan tambe a bira un tiki esclavo di e medionan di comunicacion masivo y entretenimento den tur skina. Bida parse di ta un fiesta continuo, ‘la vida es un carnaval’, e famoso cantica di Celia Cruz no por a bis’e miho. Y asina nos ta yegando na e siguiente generacionnan…

Continue reading “E esencia di violencia…Ki ehempel nos ta duna nos yiunan?”

E poder di bo sub-conciencia…Kico bo tin den bo mente?

IjsbergProme cu bo usa bo sub-conciencia, bo mester conoce su principionan, su leynan.

E leynan mas importante ta esakinan:

Cada imagen visual concreto cu tin tur nos atencion, tin e tendencia di realisa su mes.

Si e boluntad y e creencia ta contradeci otro, semper y sin excepcion boluntad ta perde. Si bo ta malo y bo ta kere (creencia) cu bo no ta bira bon, bo lo no cura ni maske con hopi bo lo kier (boluntad) esey. Hopi hende ta pone tur nan boluntad pa yega un meta, pero no ta logra. Otronan ta usa nan imaginacion y si ta logra. Un condicion primordial pa logra ta pa no carga pensamento y imagennan cu ta contradeci e meta.

Cada intento cu bo hasi pa logra algo, sin usa bo imaginacion bibo ta casi destina pa fracasa.

Bo mente tin dos parti, e parti conciente (10%) y sub-conciente (90%). Abo ta e hardinero. Tur dia nos cada un ta plantando simianan di pensamento den nos sub-conciencia cu ta forma nos realidad di cada dia. Loke bo sembra bo lo cosecha den bo bida y bo alrededor. Pesey corda semper ‘Sembra bon, pa bo cosecha ta abundante’. Esaki ta cuminsa cu un accion simpel, pero super importante, esta ‘cuida bo pensamentonan’. Pasobra loke bo pensa, bo ta atrae den bo bida. Asina tin hopi hende cu ora bo puntra nan ‘con ta bay cu e bida?’, nan ta contesta ‘luchando’. Y aunke hopi biaha nan no realmente kier men esaki y nan no ta realisa cu e mensahe cu nan ta mandando pa nan sub-conciencia ta ‘bida ta un lucha’. E sub-conciencia na su turno lo crea e circumstancianan perfecto pa bo bida bira un lucha.

Continue reading “E poder di bo sub-conciencia…Kico bo tin den bo mente?”