Bo ta invita pa un workshop ‘Wellness cu Puro Naturalesa’, diasabra oktober 1

Nos naturalesa ta brinda nos hopi forsa curativo. Hopi biaha nos no ta conciente di esaki. Esaki ta e rason pa trese un workshop cu e tema ‘Wellness cu puro naturalesa’ pa abo cu kier un experencia diferente!
Y na un prijs cu tur hende por paga!

ad Wellness cu puro naturalesa Nos naturalesa ta brinda nos hopi forsa curativo. Hopi biaha nos no ta conciente di esaki. Esaki ta e rason pa trese un workshop cu e tema ‘Wellness cu puro naturalesa’ pa abo cu kier un experencia diferente!

E workshop ta un iniciativa di Comprondiendo Bida y Camacuri Residence cu ta bay introduci tambe un programa di wellness como parti di su servicionan. A scoge pa cuminsa oktober 1, den e luna di prevencion di cancer y brinda e workshop pa un prijs special di solamente 25 florin pa nos hendenan local.

Di e forma aki kier duna e oportunidad pa tur hende sinja algo balioso pa nan bida na un prijs abou. E ta un oportunidad pa trese hende hunto na un forma ameno y cu un concepto diferente.
Den e actividad aki e participantenan por pone nan preocupacion di tur dia un banda y traha tempo pa nan mes.
Continue reading “Bo ta invita pa un workshop ‘Wellness cu Puro Naturalesa’, diasabra oktober 1”

Con pa usa e forsa di nos sombra pa trese cambio den nos bida

Nos sombra ta pone nos kere cu nos no merece pa ta e ‘superstar’ den nos mes bida.
Ta e sombra aki, e parti scur di nos, e partinan cu nos a oprimi di nos mes cu ta separa nos di ken nos berdaderamente ta.

buki het schaduw effectTip di Van Dorp: ‘Un bon buki – Het Schaduw Effect’.
Tur cos a cuminsa cu e meneer di scol cu a bisa cu nos ta bobo, e mucha di scol cu a tenta nos of e prome amor cu a bandona nos. Nos tur tin momentonan doloroso y bergonsoso cu nos a sconde y despues di tempo e emocionnan aki a hasi nos bira mas duro y nan a forma nos sombra.

Ta trata aki di anshanan cu nos no a expresa, e berguensa hororoso, e remordimentonan cu ta come nos dor di no enfrenta nos problemanan.

Cerca majoria hende tur e problemanan aki por bin di un solo momento cu tabata crucial den nos bida. Pero tambe por ta cu nos a laga cosnan cu nos no kier enfrenta acumula durante hopi anja.

E introduccion di e buki ta bisa: Tur hende tin su parti di sombra. Si nos sigi nenga nan y sconde nan, nan por bira un poder cu posiblemente por destrui nos bida. Sombra tin su efecto riba e comunidad tambe, segun Deepak Chopra, un di e escritornan. Debby Ford ta papia di su propio experencia – e tabata adicto – y ta splica con nos por sera pas cu nos mes, cu otro y cu e mundo. Marianne Williamson ta mustra riba e forsa di resamento, hasi sacrificio, pordon y amor. Pasobra solamente lus por core cu sombra.
Continue reading “Con pa usa e forsa di nos sombra pa trese cambio den nos bida”

Bira Grandi na un manera Gracioso, loke bo come, esey bo ta

Loke bo come, esey bo ta… pero e bon noticia ta cu tin speransa ora un hende cambia su estilo di bida… Bira Grandi cu Gracia… un articulo di dr. Carlos Viana.

carlos y phyllis viana
Un contribucion di dr. Carlos Viana
Escogencia robes di cuminda por tin tambe un efecto grandi riba un proceso asina natural cu ta ‘bira grandi’ of envejecimento. Dokternan di Medicina Tradicional Chinees ta duna nan patientnan cu ta birando grandi hopi atencion pa mira si nan ta bira grandi “Gracefully”. ‘Gracefully aging’ ta nifica cu un persona ainda ta pose’e un mente inquisitivo y ta jen di flexiblidad y energia. Te hasta despues di un dia di trabou largo ami y mi partner, Phyllis ta encanta bay landa y baila salsa den anochi.
Continue reading “Bira Grandi na un manera Gracioso, loke bo come, esey bo ta”

EMDR, Sistema Psicoterapéutico pa elimina trauma

EMDR, Sistema Psicoterapéutico pa elimina trauma. Un tecnica introduci na Aruba pa Psicologo Mitsy McCollum-Willems, Specialist certificated in EMDR. E ta bisa: ‘un tratamento capaz di kita e pio y mas sufrimento di e situacionnan di nos bida y cu definitivamente tabata un mester na Aruba’

drs Mitsy Willems, psicologoSistema Psicoterapéutico EMDR (Eye Movement Desensitization and Reprocessing), mundialmente uza pa profesionalnan di salud mental den e tratamento di desorden mental y di origen post-traumático.
E sistema EMDR ta recomenda y considera como un di e hermentnan mas moderno y efectivo cu a existi den decadanan pa e tratamento y mehoría den e condicionnan di bida di e persona cu a pasa pa situacionnan traumatico manera: Accident, kimamento cirugia, testigo di morto violento, victima di abuso sexual, abuso infantil, victima di desaster natural, victima y veterano di guera, depresion, post parto, ansiedad, stress, panico, desorden di comemento, desfuncion sexual, dolornan cronico, desorden desociativo y psicosomatico entre otronan tanto casonan cu por ser utilisa den e sistema nan unda e la wordo uza cu hopi exito no solo afo, sino tambe akinan. E tratamento tambe a ser uza den muchanan cu un gran resultado na unda hopi mayornan cu ta keda encanta cu e gran trabao cu ta wordo haci cu muchanan.
Continue reading “EMDR, Sistema Psicoterapéutico pa elimina trauma”

Kico mi tin cu haci cu mi yiu ora e bira rebelde.

Drs Mitsy Willems – psicologa – Ora un mucha ta haci locual ta corecto e ta algo importante ya cu di eynan e ta cuminza desaroya kico ta locual ta bon y kico ta malo, erornan ta haci cu e mucha ta siña di un ehemplo, di locual ta desaroyo di su lenguahe.

drs Mitsy Willems - psicologa Un contribucion di Drs Mitsy Willems – psicologa.

Un mucha rebelde ta esun cu ta pone resistencia y cu no ta haci caso na e obediencia; un mucha cu no ta haci nada di locual bo bise. Hopi di e conductanan aki ta cuminza ora un mayor ta autoritario; unda e mayor no sa scucha y ta sinti cu tin semper e berdad riba cualquier cos cu e mucha bisa y haci. Cu mayornan asina e mucha ta desaroya un manera con pa defende su punto di bista, su lugar y su identidad. Aunque esaki ta pone e mucha bira un problema, e ta uza hopi locual ta e defensa personal y e lo bira líder den algún area den nan bida.Locual ta mas importante, ta cu nos yiu mester logra den su mes un autonomía y ta independiente pa e por cuminza resolve su problema, unda e por defende su punto di bista sin haci daño na ningun hende.
Continue reading “Kico mi tin cu haci cu mi yiu ora e bira rebelde.”

Checkpoint Color cu workshop gratis pa hubentud con pa traha un photobook

Pa tur hoben di 15 anja pariba Checkpoint Color tin bon noticia. Nan por participa den un workshop pa sinja traha nan photobook full gratis…

 Checkpoint Color cu workshop gratis con pa traha un photobookTa vakantie y esey ta un momento cu hubentud por usa pa sinja cosnan nobo cu por bira un dushi hobby. Checkpoint Color semper inovando ta organisa un serie di workshop gratis pa duna les na hobennan con pa traha nan propio photobook. Despues di e workshop nan por pa traha nan photobook pa cada ocashon. Esaki por ta e graduacion na scol of di e dushi vakantie of di cualkier ocashon cu nan tin un serie di potret saca. E workshop ta completamente gratis y si e cursista kier print su Photobook e ta haja esaki na un prijs super special cu ta inclui tambe un regalo extra di un potret grandi na e tamanjo di 8″ X 10″ di su potret favorito.
Continue reading “Checkpoint Color cu workshop gratis pa hubentud con pa traha un photobook”

Van Dorp Store ta Cas di StampiAruba

Colecciona stampia ta un hobby cu StampiAruba kier promove cerca mucha. E ta inspira concentracion y trankilidad. E ta juda den conocemenento di mundo y cultura. Van Dorp Store ta cas di StampiAruba.

van dorp-cas di club di  stampia ArubaSusan Solognier-Noguera ta philatelista pa mas of menos 40 anja y tin un colecion extenso. Susan ta conta su storia: ‘Dor cu mi ta miembro di diferente club internacional y ta intercambia stampia cu tur parti di mundo, mi ta haya mi cu stampia dobbel cu ta bira un cantidad enorme, sin sa kico pa hasi cu nan. Mester corda cu tur hende di afo ta stampia di Aruba nan kier, dus e dobbelnan di otro pais no ta interesa nan. Den pasado mi a haci hopi donacion di stampia dobbel na clubnan juvenil internacional. Pero semper mi interes tabata pa promove spaarmento di stampia aki na Aruba mes. Mi a cuminsa esaki na scol basico Colegio Sagrado Curazon na Savaneta cu ta e bario di unda mi ta. Mi tabata duna lezing na 5e y 6e klas pa splica di mi hobby. Asina mi a forma un grupo di mucha y nos tabata topa un bez pa luna na Biblioteca Nacional na San Nicolas. Despues cu a cuminsa cu renobashon na e Biblioteca nos grupo no tabatin lugar mas pa topa.
Continue reading “Van Dorp Store ta Cas di StampiAruba”

Posibel follow up pa e exitoso seminario Muhe y Liderasgo

Un articulo di prensa Hulandes cu por inspira Aruba pa uni forsa entre sector priva y gobierno pa stimula mas hende muhe pa tuma encargo di liderasgo. Na Hulanda sector priva y gobierno a crea un Charter ‘Talent naar de Top’…

women in leadership conference ArubaUn articulo di prensa Hulandes cu por inspira Aruba pa uni forsa entre sector priva y gobierno pa stimula mas hende muhe pa tuma encargo di liderasgo. Na Hulanda sector priva y gobierno a crea un Charter ‘Talent naar de Top’…

Charter zorgt voor meer vrouwen aan de top
29 mei 2011
Bij de bedrijven en organisaties die het Charter Talent naar de Top hebben onderschreven is het aantal vrouwen in de top afgelopen jaar met 7,5 procent gegroeid. Het Charter is inmiddels een bewezen onmisbaar instrument voor een duurzaam diversiteitsbeleid van bedrijven en instellingen, zegt de Stichting Talent naar de Top.
Continue reading “Posibel follow up pa e exitoso seminario Muhe y Liderasgo”

Tip di Checkpoint Color: Importancia di un potret

famia felisE storia di e potret di mi tata…un experencia berdad di Checkpoint Color

E potret adhunto ta refleha un famia felis… un mama cu jiu cu pa prome biaha ta bay pasa un dia di tata sin nan tata y casa stima. Lando tabata un casa cu tabata companja y sostene Shirley den tur actividad social. E tabata un tata y guia ehemplar pa su yiu homber. E potret ta nan consuelo ora nan corda riba nan casa y tata. Awo, bo por imagina bo cu tin hende na mundo cu tin tur placa di mundo, pero nunca a conoce nan tata. Nan ta gasta mes tanto placa cu ta necesario pa biaha y sigi e pistanan di nan tata, pero no ta logra. Nos ta bay conta bo un storia cu a pasa berdad.
Continue reading “Tip di Checkpoint Color: Importancia di un potret”

Tips importante pa bo sa ora bo bay un spa

Con hopi abo sa di higiena y seguridad den e spa cu bo ta bishita? Aki Beauty with Style ta duna algun tips balioso pa bo paga tino riba nan. Hopi importante… ta bo curpa, cuid’e!

spa salon Nos curpa ta nos tempel, pesey nos mester cuid’e… Nos curpa ta hopi importante… e ta contene nos celebro, nos alma y nos wesonan, organonnan, nos musculo y tehido. Sin nos curpa, nos no tin bida na mundo. determina nos calidad di bida… nos curpa merece cuido, bon cuido. Pa e motibo aki nos mester ta conciente con nos ta cuid’e y ken nos ta laga juda nos cuid’e. Den e temponan druk cu nos ta biba aden hopi di nos ta bay un salon of spa pa tuma un masashi. Y cada salon ta hasi su esfuerso pa duna un miho servicio posibel. Toch tin ora tin cierto detayenan cu ta skip na atencion di e hendenan cu ta traha eynan. Pa e motibo aki diferente pais a determina standardnan internacional pa garantisa un nivel di higiena, cuido y rekisitonan ambiental den cada salon of spa.
Continue reading “Tips importante pa bo sa ora bo bay un spa”