Tag: Bida

Crea Abundancia y laga felicidad y placa flow den bo bida…

Crea Abundancia y laga felicidad y placa flow den bo bida…www.comproniendobida.com

Kico ta Abundancia?
Segun Encarta Dictionary ‘Abundancia’ ta: ora cu tin mas cu suficiente di algo disponibel.

Ora nos aplica e leynan spiritual di Abundancia, nos por crea placa, pero tambe salud, felicidad of cualkier otro cos cu ta pone nos sinti nos mes mas completo. Na Aruba tin un grupo grandi cu tin un entrada rond di 1500 Afl pa luna, pues tin hopi espacio pa crea abundancia pa hopi hende.

Ta existi leynan spiritual di Abundancia cu ta hermentnan pa hasi bo soñonan realidad. Pa logra esaki ta importante pa nos siña tende nos bos interno y haya confiansa cu nos por crea loke nos ta desea, tanten cu e ta den harmonia cu e leynan spiritual. Nos tur tin e poder pa crea, pero sea conciente cu bo por crea tanto den un forma positivo, como un forma negativo. Bo ta crea atraves di bo pensamentonan y esaki por ta tanto positivo como negativo, dependiendo di e estado di conciencia cu bo ta bibando aden.

Continue reading “Crea Abundancia y laga felicidad y placa flow den bo bida…”

Influencia di taboe riba comunidad – Drs. Piternella

what is the influence of taboe in our life? Can they be broken? www.comprondiendobida.com

Drs. W.R. Piternella…E influencia di ‘taboe’ riba nos bida.

Den bida diario masha poco nos ta para keto riba ‘taboenan’ cu ta rondona nos biba y cu tin su influencia riba esaki.  Si bo paga tino  bo ta ripara cu tin ‘taboenan’ cu ta hunga un papel den henter e comunidad, pero tambe  y tambe tin ‘taboenan’ cu gruponan, manera un famia of personal di un empresa,  y  individuonan ta crea pa nan mes.

Ki  ora nos ta papia di ‘taboe’?

‘Algo’ ta wordo considera como taboe ora  ta prohibi pa papia di dje, uz’e of haci algo cun’e.  Bo por puntra bo mes si tin motibo pa esaki.  E prohibicion aki no necesariamente ta nota un of otro caminda. Hopi biaha e ta mara na custumbernan cu ta pasa di generacion pa generacion. Tin motibonan pa esaki. E motibonan aki ta relaciona na miedo pa wordo confundi, of miedo cu esaki ta lanta sentimientonan of anhelo  cu no por wordo controla y cu por causa danjo  na e orden cu ta existi den comunidad.

Continue reading “Influencia di taboe riba comunidad – Drs. Piternella”

Biba saludabel? Hasi ehercicio hunto cu famia…

Want a healthy lifestyle? things to do with your family… www.comprondiendobida.com

Pa bo biba saludabel bo mester come saludabel, pero tambe bo mester hasi movecion y ehercicio. Esey ta un algo importante pa bo salud. Tin ehercicionan cu ta bon pa hasi paso e ta yuda bo salud. Un ehercicio cu ta bon pa bo hasi ta bula cabuya. Un otro ehercicio cu bo por hasi ta cana tur atardi 45 min, 4 biaha pa siman lo ta hopi bon. Si bo ta un hende cu no gusta cana of bula cabuya,bo por bai lama tambe. Lama ta hopi bon  paso e ta juda bo circulacion di sanger y e ta drecha e capacidad di bo curason y bo pulmon. Un otro cos bon di bai lama ta e ta kima bo calorianan.

Awendia tin hopi actividad cu bo por hasi hunto cu bo yiunan. Bo por bay les di zumba cu ta gratis y wak si e ta algo cu bo gusta y despues tuma un serie di les hunto cu bo famia. Tin tambe scolnan di baile cu ta duna lesnan gratis.

Continue reading “Biba saludabel? Hasi ehercicio hunto cu famia…”

Abuso di mucha: Pakico e mucha ta keda keto?

november 20…int’l day of children’s rights and why children still keep silent on child abuse… on www.comprondiendobida.com

Si nos djis pensa cu un mucha ta den mundo pa biba un bida felis, sigur y unda e por crese den un forma harmonioso y creativo… anto nos por puntra nos mes… cuanto mucha tin e honor di lanta asina… den e mundo cu nos ta bibando aden.

Rond mundo muchanan ta confrontando situacionnan unda tin guera… Rond mundo no tin ‘tempo’ pa e mucha por lanta den e harmonia necesario… majornan ta traha demasiado ora…

Rond mundo muchanan ta demasiado gordo, pa motibo di mal alimentacion y custumbernan di bida…

Continue reading “Abuso di mucha: Pakico e mucha ta keda keto?”

‘E sabiduria di paden’… cu Gardenia (Gadi) Kock, psicologo spiritual…

‘The Wisdom Within’… Gardenia Kock, spiritual psychologist explains more on www.comprondiendobida.com

Awe nos ta purba compronde ‘E sabiduria di paden’… cu Gardenia (Gadi) Kock, psicologo spiritual…

Gadi…Kico ta sabiduria pa bo?
Pa mi por conecta cu mi sabiduría interno… mi mester sinja reconoce mi sabiduría interno promer dor di “scucha” of “sinti” ki ora e ta “papia” cu mi. Hopi hende nan dia ta asina yena y ocupa… ta wordu distrai constantemente cu trabou, celular y otro actividadnan, cu nan prioridad no ta pa tuma un descanso den silencio pa re-conecta cu e sabiduría interno, cu ta loke bo alma/espíritu kier comunica na bo.

Continue reading “‘E sabiduria di paden’… cu Gardenia (Gadi) Kock, psicologo spiritual…”

Pordon ta duna mas resultado cu vengansa…

forgiveness is better than revenge…learn why … www.comprondiendobida.com

Pordon no ta solamente un acto di noblesa, e ta tambe e miho forma di honra bo propio calidad di bida. Desmond Tutu ta bisa riba ‘Pordon’: E proceso pa pordona ta tambe un proceso unda ta normal cu nos por confronta odio y rabia den henter e proceso. Esakinan ta emocionnan cu ta forma parti di bida di un ser humano. Bo no mester odia bo mes hamas pasobra bo ta odia un hende cu a hasi bo cosnan cu por ta horibel. Saliendo for di e punto di bista cu tur cos tin su polo opuesto, ta importante pa bo sa cu  bo capacidad di odia profundo ta bisa cu bo por stima mes profundo. Tutu ta bisa cu e persona cu logra pordona tin tur potencial pa bira un miho hende. Un hende cu a sinja pa laga bay ta mas den pas cu esun cu ta laga su mes worde comi dor di rabia y odio. Una bes cu bo keda pega den e rol di victima, bo ta hasi bo mes dependiente di esun cu a hasi bo danjo. Bo por te hasta juda esun cu a hasi bo danjo pa bira un miho persona. Henter e proceso pa jega na pordon ta rekeri pa e esun cu a hasi e danjo reconoce cu e la comete algo cu a perhudica un otro.

Continue reading “Pordon ta duna mas resultado cu vengansa…”

Nos Custumbernan cu ta bayendo perdi…

Is our society changing so fast and our traditions dying even faster? Indra Stamper shares a poem on the subject…

Documenta pensamento ta documenta historia oral…Un rato cu Indra Stamper…

Den un combersacion ameno cu Indra Stamper, e la comparti diferente di su pensamentonan pa cu nos custumbernan cu ta bayendo perdi, un mas lihe cu e otro.  Hunto nos a puntra nos mes, tad icon esaki ta sosodiendo y kico nos por hasi pa evita esaki. Con nos por sinja nos hendenan y nos paisanonan nobo stima nos custumbernan Rubiano? Indra ta hasi esaki dor di pone su pensamentonan riba papel… un custumber cu cada un di nos por crea tambe. Documenta nos pensamentonan ta documenta historia oral, vivencia y bida mes…

Continue reading “Nos Custumbernan cu ta bayendo perdi…”

Amor ta nace den bo celebro? … Amor den un seconde…

Is love in your brain? Love in one second… www.comprondiendobida.com

E prome sentimento di amor ta stimula 12 diferente parti di bo celebro pa cuminsa release quimica cu ta ponebo ‘sinti agradable’. Esakinan ta entre otro dopamine, oxytocine y adrenaline. Esaki segun un estudio hasi pa Syracuse University na New York.

Por midi namoramento den e celebro di hende. E por nace den un seconde si e chemistry instantaneo cu ta causa ‘amor a primera bista’ t’ey entre e pareha. Esaki segun estudionan nobo riba funcionamento di nos celebro relaciona cu nos emocionnan.

Asina ta dura un promedio di 0,2 seconde pa por detecta y midi e stofnan den nos celebro cu ta habri e caminda pa nos por enamora. Un total di 12 diferente stof den nos celebro ta ocashona e  sentimento aki.

Continue reading “Amor ta nace den bo celebro? … Amor den un seconde…”

Biba sin stress? Crea balansa den bo bida…

How to live without stress? Create balance in your life…on www.comprondiendobida.com

Den bida tin hopi situacion cu por duna nos stress. Problema den famia, morto di un ser keri, divorcio, retiro di trabou, soledad, placa… Si abo tin stress corda pa tuma bo keho na serio. Pero mas importante tuma accion pa elimina e causanan…

Con? Planea tempo liber. Esaki ta ‘tempo pa bo mes… ABO’. Hasi cosnan cu abo ta haja leuk y cu ta relaha bo. Bay cana den mondi, bay lama, busca silencio… bay sinta na Alto Vista… loke ta pone bo sinti bon…

Stop di pensa cu abo ta responsabel pa felicidad di tur otro hende.

Stop di pensa cu tur cos lo fracasa si abo no hasi nada. Cu otro palabra, stop di carga mundo riba bo schouder…

Continue reading “Biba sin stress? Crea balansa den bo bida…”

“Kico ta significante den e contribucion cu mi ta hasi den mi trabou?”…. scirbi pa Karen Angela

Can work also have e meaning for the community and our Planet? … by Karen Angela… Read on www.comprondiendobida.com

Karen Angela ta directora di Caveka, People Resources y tin mas cu 20 anja di experiencia den e tereno di asuntonan di personal y organisacion.

Desde e recesion economico y su efecto riba e mercado laboral, surveys teni bou empleadonan profesional ta mustra cu mas y mas tin e deseo pa compronde kico nan contribucion significante ta den e trabou cu nan ta eherce.  Companianan no ta expande asina liher riba e cantidad di trahado y especialmente no esnan mas caro. Esey ta pone cu e profesional ta hasiendo mas trabou pa duna un man den e negoshi. Ttin biaha nan ta combina  dos of tres funcion. Segun e situacion ta dura mas largo cu simplemente un reemplazo temporario, e empleado ta cuminsa sinti su mes cansa y cu stress. Akinan ta caminda profesionalnan na gran escala ta hasiendo nan mes e pregunta “Kico ta significante den e contribucion cu mi ta hasi den mi trabou?”. 

Continue reading ““Kico ta significante den e contribucion cu mi ta hasi den mi trabou?”…. scirbi pa Karen Angela”