Bo Salud – Page 2 – Comprondiendo Bida

E prome workshop ‘Wellness cu Puro Naturalesa’ a resulta un evento dedica na felicidad

Ingrid Werleman y Francis Bulters ta menciona loke nan a topa den e prome workshop ‘Wellness cu Puro Naturalesa’: “Synergia, gratitud, alegria, relajacion, union, Amistad, respet, amor pa naturalesa, amor y orgujo pa Aruba y su hendenan”.

E bunitesa ta cu a bin hendenan di diferente nacion y profesion y tur a uni manera un famia grandi pa juda otro logra e meta. Asina a keda demostra cu tin necesidad na e tipo di workshop asina cu ta algo full diferente cu nos ta custumbra cu ne normalmente. Asina nos por uni nos forsa pa crea hunto un Aruba mas duradero y cu mas union. Diarason awor, okt. 5 ta ripiti e workshop.

Weekend cu a pasa a tuma lugar e prome workshop ‘Wellness cu Puro Naturalesa’ na e beach poco pariba di Wilhelmina Park. E workshop ta un projecto di Comprondiendo Bida y Camacuri Wellness Garden. E workshop a atrae hopi atencion pa motibo di su concepto unico na Aruba. E la combina e forsa curativo y relajante di nos naturalesa cu hendenan cu a bin cu e intencion di busca balansa y harmonia pa nan curpa, mente y alma. Y esaki nan a haja sigur sigur. E bunitesa di e evento tabata cu un grupo di hende cu no tabata conoce otro a hasi un contacto asina bunita den solamente un par di ora y ya desde un inicio. Tabatin asina hopi elemento cu e organisadornan tabatin den mente ora a nan a planea e evento. Ingrid Werleman y Francis Bulters ta menciona entre otro: “Synergia, gratitud, alegria, relajacion, union, Amistad, respet, amor pa naturalesa, amor y orgujo pa Aruba y su hendenan”.

E atardi tabata light, relaja y toch jen di contenido y profundidad cu tur hende a comparti. E tabata tin flow y a bay hopi espontaneo, den union, tur hende tabata acepta otro na un forma bunita.

Dor cu tabatin tambe algun masajista presente e participantenan a haja te hasta un treat di masashi cu a laga nan totalmente relaja. E programa a ensera rek y strek, scrub cu judansa di lama, massage bo mes cu hot stones di Aruba y azeta di massage cu tur hende a encanta, traha na cas y cu a laga e cutis super suave. A caba e evento cu un meditacion relajante y despues a comparti dushi thee cu nootjes y fruta.

A tene e grupo chiquito pa asina tur hende por haja suficiente atencion. Pa duna mas hende chens pa participa ta organisa un otro workshop ‘Wellness cu Puro Naturalesa’ diahuebs awo, oktober 6 y diasabra, oktober 15 di 5 or atardi pa 7 or anochi. Esaki ta un bunita oportunidad pa bin den famia y hasi un actividad cu ta transforma bo bida pa uno hopi mas bunita y yen di energia bunita. E workshop aki tambe lo ta pa un prijs special di solamente 25 florin pa nos hendenan local.
Mas info & registra? Tel. 741 3300 (Ingrid) Tel. 734 1994 (Francis) of bay na e websitenan www.camacuri.com of www.comprondiendobida.com of Comprondiendo Bida riba Facebook.

Camacuri Residence ta presenta su projecto di ‘Camacuri Wellness Garden’

Desde cu sra. Francis Quandt-Bulters a bira manager di Camacuri Residence ela haja importante pa introduci un projecto di wellness na e residencia. Den su opinion e ta pas perfecto cu e concepto di Camacuri. Un complejo trankilo,berde, hopi ecologico cu ambiente intimo y familiar. E projecto aki lo tin su cas den ‘Camacuri Wellness Garden’ cu lo keda cla na December. E projecto lo combina aspectonan di wellness, creatividad y sostenibilidad. E combinacion di e tres elementonan aki ta un concepto unico pa Aruba. ‘Camacuri Wellness Garden’ tin un meta importante pa e bira un lugar di encuentro di hendenan cu ta apoya e filosofia describi.
Continue reading “Camacuri Residence ta presenta su projecto di ‘Camacuri Wellness Garden’”

Bo ta invita pa un workshop ‘Wellness cu Puro Naturalesa’, diasabra oktober 1

Nos naturalesa ta brinda nos hopi forsa curativo. Hopi biaha nos no ta conciente di esaki. Esaki ta e rason pa trese un workshop cu e tema ‘Wellness cu puro naturalesa’ pa abo cu kier un experencia diferente!
Y na un prijs cu tur hende por paga!

E workshop ta un iniciativa di Comprondiendo Bida y Camacuri Residence cu ta bay introduci tambe un programa di wellness como parti di su servicionan. A scoge pa cuminsa oktober 1, den e luna di prevencion di cancer y brinda e workshop pa un prijs special di solamente 25 florin pa nos hendenan local.

Di e forma aki kier duna e oportunidad pa tur hende sinja algo balioso pa nan bida na un prijs abou. E ta un oportunidad pa trese hende hunto na un forma ameno y cu un concepto diferente.
Den e actividad aki e participantenan por pone nan preocupacion di tur dia un banda y traha tempo pa nan mes.
Continue reading “Bo ta invita pa un workshop ‘Wellness cu Puro Naturalesa’, diasabra oktober 1”

Bira Grandi na un manera Gracioso, loke bo come, esey bo ta

Loke bo come, esey bo ta… pero e bon noticia ta cu tin speransa ora un hende cambia su estilo di bida… Bira Grandi cu Gracia… un articulo di dr. Carlos Viana.

Un contribucion di dr. Carlos Viana
Escogencia robes di cuminda por tin tambe un efecto grandi riba un proceso asina natural cu ta ‘bira grandi’ of envejecimento. Dokternan di Medicina Tradicional Chinees ta duna nan patientnan cu ta birando grandi hopi atencion pa mira si nan ta bira grandi “Gracefully”. ‘Gracefully aging’ ta nifica cu un persona ainda ta pose’e un mente inquisitivo y ta jen di flexiblidad y energia. Te hasta despues di un dia di trabou largo ami y mi partner, Phyllis ta encanta bay landa y baila salsa den anochi.
Continue reading “Bira Grandi na un manera Gracioso, loke bo come, esey bo ta”

EMDR, Sistema Psicoterapéutico pa elimina trauma

EMDR, Sistema Psicoterapéutico pa elimina trauma. Un tecnica introduci na Aruba pa Psicologo Mitsy McCollum-Willems, Specialist certificated in EMDR. E ta bisa: ‘un tratamento capaz di kita e pio y mas sufrimento di e situacionnan di nos bida y cu definitivamente tabata un mester na Aruba’

Sistema Psicoterapéutico EMDR (Eye Movement Desensitization and Reprocessing), mundialmente uza pa profesionalnan di salud mental den e tratamento di desorden mental y di origen post-traumático.
E sistema EMDR ta recomenda y considera como un di e hermentnan mas moderno y efectivo cu a existi den decadanan pa e tratamento y mehoría den e condicionnan di bida di e persona cu a pasa pa situacionnan traumatico manera: Accident, kimamento cirugia, testigo di morto violento, victima di abuso sexual, abuso infantil, victima di desaster natural, victima y veterano di guera, depresion, post parto, ansiedad, stress, panico, desorden di comemento, desfuncion sexual, dolornan cronico, desorden desociativo y psicosomatico entre otronan tanto casonan cu por ser utilisa den e sistema nan unda e la wordo uza cu hopi exito no solo afo, sino tambe akinan. E tratamento tambe a ser uza den muchanan cu un gran resultado na unda hopi mayornan cu ta keda encanta cu e gran trabao cu ta wordo haci cu muchanan.
Continue reading “EMDR, Sistema Psicoterapéutico pa elimina trauma”

Tips importante pa bo sa ora bo bay un spa

Con hopi abo sa di higiena y seguridad den e spa cu bo ta bishita? Aki Beauty with Style ta duna algun tips balioso pa bo paga tino riba nan. Hopi importante… ta bo curpa, cuid’e!

Nos curpa ta nos tempel, pesey nos mester cuid’e… Nos curpa ta hopi importante… e ta contene nos celebro, nos alma y nos wesonan, organonnan, nos musculo y tehido. Sin nos curpa, nos no tin bida na mundo. determina nos calidad di bida… nos curpa merece cuido, bon cuido. Pa e motibo aki nos mester ta conciente con nos ta cuid’e y ken nos ta laga juda nos cuid’e. Den e temponan druk cu nos ta biba aden hopi di nos ta bay un salon of spa pa tuma un masashi. Y cada salon ta hasi su esfuerso pa duna un miho servicio posibel. Toch tin ora tin cierto detayenan cu ta skip na atencion di e hendenan cu ta traha eynan. Pa e motibo aki diferente pais a determina standardnan internacional pa garantisa un nivel di higiena, cuido y rekisitonan ambiental den cada salon of spa.
Continue reading “Tips importante pa bo sa ora bo bay un spa”

Tips pa bira Grandi cu Gracia

Nos tur ta bira grandi un dia… Con bo ta bira grandi ta den bo man….
dr. Carlos Viana ta duna tips balioso

Escogencia robes di cuminda por tin tambe un efecto grandi riba un proceso asina natural cu ta ‘bira grandi’ of envejecimento. Dokternan di Medicina Tradicional Chinees ta duna nan patientnan cu ta birando grandi hopi atencion pa mira si nan ta bira grandi “Gracefully”. ‘Gracefully aging’ ta nifica cu un persona ainda ta pose’e un mente inquisitivo y ta jen di flexiblidad y energia. Te hasta despues di un dia di trabou largo ami y mi partner, Phyllis ta encanta bay landa y baila salsa den anochi.
Cu escogencia robes di cuminda, hopi hende ta bira bieuw mucho lihe y esaki nos por identica cu un test medico. Pacientnan mas grandi ta keha di cansancio, stijf di curpa y draaimento di cabes. Ora mi wak nan man y pia nos ta mira perdida di musculo y pronto esaki lo bira perdida di weso.

Hendenan cu ta birando grandi cu ainda no a desaroya malesa degenerativo avansa, por recupera nan balansa metabolico rapido. Di e forma aki nan por reverse e proceso di envejecimento.

Get The Point! Estudionan recien a mustra cu diabetis y su consecuencianan a cambia di un malesa di nos welo y majornan pa un malesa di adultonan hoben y mucha. Danki Dios cu estudio ta mustra tambe cu estilo di bida por cambia, preveni y retrasa e progreso di diabetis tipo II. Un hende cu pre-diabetis, por reverse e progreso di e malesa cu 58% dor di cambia su cuminda, perde minimo 5%–7% di peso y inclui un minimo di 3 ora di actividad fisico pa siman. Nos ta mira e resultado clinico positivo aki casi tur dia den nos clinica. Pa testnan individual y educacion personal con pa come, jama nos.

CARLOS VIANA, Ph. D. is an Oriental Medical Doctor (O.M.D.) having studied in China; a US Board Cert. Clinical Nutritionist (C.C.N.), an Addiction Professional (C.Ad.), Chairperson of the Latin American Committee of the International Academy of Oral Medicine and Toxicology (IAOMT), a Rejuvenating Cell Therapist specializing in Age Management, has a weekly radio program, writes and lectures extensively. For information: VIANA HEALING CENTER, Kibaima 7 -TEL: 585-1270 Web Site: www.vianaheal.com

Birando E Cambio tabata un workshop diferente…

Laga bo accionnan y pensamentonan ta e regalo di mas grandi cu bo ta duna na bo mes y bida mes… e resumen di e workshop ‘Birando E Cambio’…

Edjean Semeleer a habri e anochi cu e cantica ‘Recuerdo’ di Ramon Krozendijk cu a laga tur hende keto keto…pa Edjean y hendenan presente ‘Recuerdo’ ta simbolisa E Aruba cu nos tur ta stima y cu ta cambiando cada dia mas…pesey Edjean ta bisa: “Den cada rol di nos bida, ta bon pa nos ta conciente di e ehempel cu nos por ta cu e cosnan cu nos ta hasi, bisa y pensa”. Danki Edjean, abo riba bo mes ta un inspiracion di e Arubiano di noble curason. E ta radia, no solamente di bo canto, pero di henter bo ser.

Belquis Moreu a comparti 4 palabra cu por juda un hende transforma su bida. Nan ta ‘danki’, ‘mi stima bo’, ‘despensa mi’ y ‘pordona mi’. E publico a bisa e palabranan mientras nan ta hasi tapping.
Continue reading “Birando E Cambio tabata un workshop diferente…”

Edjean Semeleer ta bin canta ‘Amor’ na workshop ‘Birando E Cambio’

Edjean tabata e prome persona cu a anuncia cu e lo bin e workshop ‘Birando E Cambio’ di Comprondiendo Bida. Mi a invit’e pa canta di amor pasobra e ta un hende cu ta inspira sentimento di amor cerca hopi hende. E la priminti cu e lo bin. Mi a topa Edjean na e anochi festivo di Viva La Donna Day y mi pidi’e pa canta un cantica special, un cantica cu lo toca hende su curason. Esey e lo hasi awe nochi. Nos a papia hopi y mi tin cu bisa cu mi a sinja hopi di Edjean. E tin un curason noble y un vision hopi grandi pa su edad hoben. E por ta un ehempel bunita pa otro hoben, cu tin sonjo grandi. E la jena mi cu orguyo di mi pais. E tin bunita pensamento con nos cada un por tin un rol como ehempel di otro y con nos por juda otro pa logra nos metanan. Sin mester di kibra otro pa nos por luci y bay dilanti.

Esaki en berdad ta e pensamento nobo si nos kier un dia ‘Bira E Cambio’ cu nos kier mira. Bida no semper ta facil, cambia tampoco, pero e ta tuma un stap, hopi humildad, hopi pashon y perseverancia pa mira e cosnan cu ta importante di berdad. Edjean ta un cantante hopi stima pa hopi hende, e tin fama riba su dushi isla Aruba, pero e ta canta y baila pa bon causanan y ta brasa cada persona cu aserc’e.

E anochi ‘Birando E Cambio’ lo bira un anochi pa nos vooral ‘sinti’ hunto kico ta amor… pa tur loke ta biba.. kico ta nifica trankilidad den nos curason, den nos curpa, den nos celebro cu hopi biaha ta hopi cansa.

Mi ta invita bo pa experencia un rato pa ‘bo mes’, cu a lo largo lo bira un rato pa tur loke ta rondona bo, hunto cu Belquis Moreu, Giovanna Fijn, dr. Carlos Viana y… Edjean… awe, diahuebs, 7.30 na Spirit of Aruba, Ierlandstraat 22, Eagle… Ta pidi un contribucion chiquito di 20 florin, un pareha ta paga 30 florin… un inversion den bo calidad di bida y felicidad.

Dr. Carlos Viana ta amplia riba e tema ‘Cuminda y Calidad di Bida’

Dr. Carlos Viana ta un di e facilitadornan di e workshop ‘Birando e Cambio den Bida’. Dr. Viana lo paga atencion na e efecto di cuminda riba nos curpa, mente y espiritu. Diahuebs awor, mei 26 na Spirit of Aruba, Ierlandstr. 22.

Diahuebs, mei 26 awo ta bay tuma lugar e workshop ‘Birando e Cambio den Bida’.
unda Dr. Carlos Viana ta un di e facilitadornan. Despues di e anochi ‘Pensando riba Bida’ di e projecto ‘Comprondiendo Bida’ hopi hende a pidi pa organisa un actividad unda por profundisa mas riba e temanan cu a bin padilanti. Dr. Viana lo repasa cuminda y tur aspecto den bida di e ser humano y tambe tur e fase di edad y nan particularidad. Tin cambionan grandi cu a tuma lugar den ultimo decadanan den nos estilo di bida. E cantidad y sorto di cuminda disponibel a bira hopi mas. E forma di come ‘moderno’ ta nifica pa hopi hende cu e ta ocashona demasiado vet di curpa. Consecuencia por ta obesidad epidemico y mortal. Si nos considera cu un estudio a mustra cu na Aruba mas di 60% di poblacion ta demasiado gordo, esaki ta motibo pa preocupa. Dicon? Esaki ta nifica costo astronomico di AZV, dor cu e riesgo di salud cu ta subi.
Continue reading “Dr. Carlos Viana ta amplia riba e tema ‘Cuminda y Calidad di Bida’”