E buskeda pa un mundo inocente cu casi ya no ta existi.

e mucha cu ta e guardian di nos consenshi

Barbie, simbolo di inocencia cu a cambia
Barbie, simbolo di inocencia cu a cambia?

‘Nos no a hereda e Mundo aki di nos ancestronan. Nos a fi’e di nos Jiunan.’  ~ Proverbio Indjan

Nos por mira nan wowonan chikito spanta ora nos mira noticia di guera, na television y den corant. Y wak bon, hopi biaha un mucha lo busca su peluche pa bay cu n’e. Ora e ta bay drumi, sali, biaha y si, te hasta ora e ta huy di guera of di violencia. ‘Stranjo, no?’, un adulto lo pensa. No, pasobra te hasta den un mundo marca pa violencia, muchanan semper lo sigi hunga tur caminda.

Den e drama di e avion di Malaysia Airlines e potretnan cu mas a toca e curason di hende ta esunnan di e buki di un mucha cu tabata abordo, e peluchonan y pa no lubida e potret di e soldad cu e macaco.

No ta stranjo, pasobra maske nos no ta realisa, majoria sentimento di dolor y alegria den nos bida tin nan rais den nos anjanan di mucha chikito. E potret di e mucha y su pelucho un caminda den nos memoria ta hiba nos bek na e mucha den nos mes y un mundo inocente cu casi ya no ta existi.

Y esaki podise a bira pio cu e popularidad di e social media y e libertad di expreshon cu facilmente por transforma den libertinaje di expreshonnan emocional.  Ora mi  wak riba Facebook, mi ta haja e impreshon cu tin hopi hende a bira experto den tur materia. Ta parse cu hende ta competi pa ken tin rason of E berdad, lubidando cu E Berdad ta haja un cara diferente den cada opinion personal. Ora mi sinti  cu hende ta competi pa ken ta haja mas atencion, esaki  ta pone mi  bira keto di paden, pasobra mi no kier ta den e ratrace ey. Mi ta sinti cu cambio den e forma cu nos ta wak bida lo bin solamente ora nos por jega na e puresa den nos curason. Anto aki e criaturanan chikito den mundo y cu nos tambe un dia tabata, ta hunga un rol atrobe.  Solamente mirando bida for di e wowonan di un mucha, nos por bay bek na e estado di conciencia cu ta puro y no por ser cumpra ni corumpi. Y te na e momento aki, nos ta cla y prepara pa hasi nos trabou como adulto.

Mi stima bida y mi lo kier laga un mundo pa mi yiunan y mi nietonan atras cu ta miho cu loke mi a haja. Y mi sa cu den curason di cada ser humano tin e deseo di ta felis y hasi otro felis. Lastima cu materialismo y hamber pa poder  a cambia hopi  hende nan prioridadnan.

Ami semper  lo kier mantene mi vishon di nos mundo como un Shangri La of Utopia, pasobra por. E ta rekeri conciencia y e lidernan adecuado cu no tin prijs riba nan cabes. Pa mi e ta bay pa hende por biba den respet pa otro y pa tin lugar pa cada hende. Y e simbolo ta e mucha cu ta e guardian di nos consenshi.

Ingrid Werleman, juli 2014

 

E Tata ideal

Felis dia di tata na tur cu di un of otro forma ta cumpli cu e rol di tata

Tata y yiu
Tata y yiu

E Tata ideal, un bon ehempel, un inspiracion, un fuente di confiansa, un brasa, un schouder pa bo yiu jora su pena, un hari pa bo comparti, un conseho cu su yiu por scucha, un fuente di confiansa.

Tempo cu tata y yiu por comparti tin ora ta haja nan balor atraves di tempo cu mas experencia y sabiduria.

E tata ideal ta haja bida cada biaha cu un yiu nace. Cu e bida nobo ta nace y crese sonjonan nobo, speransa nobo. Pero tambe retonan nobo.

E retonan, juist. Nan ta esunnan cu cada bes por pone un capa scur mei mei di e tata y su sonjonan. Situacionnan cu ta aparece y cu como hende bo no ta tene cuenta cu n’e. Tin hende cu ta enfrenta nan y busca un otro caminda pa jega na e mesun resultado desea. Tin otro hende cu ta busca alivio pa nan retonan den cosnan cu ta aleha nan juist di e yiu cu tanto nan a stima. Un amor cu ta bay bek te e momento cu nan a topa otro pa prome biaha. Esaki ta ora e yiu a dal su prome grito di bida.

Bida no semper ta cumpli cu nos sonjo y speransanan. Pero ta e persona su escogencia pa mantene su mes na su ideal, promesa y compromisonan. Retonan no t’ey pa hasi bida imposibel. Nan t’ey juist pa nos desaroya nos talentonan y no laga un di e responsabilidadnan mas grandi den bida cay.

Awe ta dia di tata. Tum’e como un dia pa haja bunita regalo y cosnan tierno traha na scol. Tum’e tambe como un dia pa reflecciona riba kico ‘ser tata’ pa bo ta ensera.

Pasenshi, amor, compashon, empatia, pordona, compronde, madures, tempo comparti. Podise esey ta e esencia di e tata ideal?

Felis dia di tata na tur cu di un of otro forma ta cumpli cu e rol di tata.

 

Abo sa e historia di e buscamento di webo

Bo tabata sa cu na Aruba antes tabata sconde webo di plastic cu mangel aden, pero tambe webo herbi. E mucha por come esaki tambe.

Pasco grandi y mucha
Pasco grandi y mucha

Hopi hende ta puntra kico e webo y e conenchi tin di hasi cu otro? Un conenchi no por pone webo, toch? Esey ta berdad! Pero tanto e webo y e conenchi tin di hasi cu e esencia di Pasco Grandi cu ta ‘bida nobo’. Originalmente e celebracion di ‘bida nobo’ ta bin di paisnan Europeo  cu ta celebra e periodo cu frui ta caba y primavera ta cuminsa. E periodo aki flornan ta sali atrobe, e parhanan ta pone webo y e conenchinan ta nace. Pasco Grandi ta conta nos di e resureccion di Hesus Cristo. Di su bida nobo y nos bida nobo. Historia a pone cu cerca e muchanan chikito, e dos tradicionnan aki a cay hunto den e celebracion di Pasco Grandi.

Bo tabata sa cu na Aruba antes tabata sconde webo di plastic cu mangel aden, pero tambe webo herbi. E mucha por come esaki tambe.

Con exactamente e conenchi y e webo a bin hunto den e buscamento di webo nos no sa exactamente. Podise pasobra esaki ta un forma mas facil pa muchanan compronde kico bida nobo ta.  Si nos wak bon tin hopi elemento educativo den e buscamento di webo. E mucha mester hasi su best pa e haja e webonan. Si e logra, e tin un recompensa, e ta haja un regalo. E mucha ta sinja hasi actividad hunto y hunga cu otro mucha. Nan ta verf e webo y esaki ta tene nan bezig na un forma creativo. Tur esaki ta sinja e mucha cosnan cu por benefici’e ora e bira grandi. E ta sinja balornan educativo y creativo. Leuk pa sa, toch?

Cos leuk pa traha cu bo yiu pa carnaval.

Nos tur sa cu e momentonan mas dushi den famia ta ora nos por hasi cosnan hunto.

Tin cosnan leuk cu bo por traha hunto cu bo yiu pa carnaval cu ni mester costa placa, pero bo por traha cu material cu bo tin na cas. Wak ki tin na carton, flor artificial,

cos leuk pa traha cu bo yiu pa carnaval
Nos tur sa cu e momentonan mas dushi den famia ta ora nos por hasi cosnan hunto.

Tin cosnan leuk cu bo por traha hunto cu bo yiu pa carnaval cu ni mester costa placa, pero bo por traha cu material cu bo tin na cas. Wak ki tin na carton, flor artificial, lijm, revista, glitter, sinta y sker.
Laga e potretnan aki inspira bo y laga bo fantasia traha.
Mi ta desea bo hopi momentonan di felicidad y creatividad hunto cu bo yiu(nan).

Sinterklaas ta duna regalonan educativo.

Bo tabata sa cu tur siman Sint y su Pietjes tin reunion? Den e reunionnan aki nan ta papia hopi riba ‘bida’ y kico ta importante pa pasa den e bida di nos muchanan.

st klaas ta scoge regalonan educativoSinterklaas ta na Aruba y den tur e dianan siguiente e ta hopi ocupa pa scoge regalonan pa su fiesta di cumpleanjo dia 5 di December. Pa Sinterklaas e dia ey ta hopi importante. E ta un dia di fiesta y un dia di alegria. Sinterklaas kier pa e dia aki tur mucha ta contento. Sinterklaas ta bieuw, esey ta berdad, pero e sa tur cos cu ta pasando den mundo. Sint sa cu Steve Jobs a muri, e sa cu hopi mucha ta gusta bay riba Facebook awendia. Tur esaki e sa pasobra su Pietjes ta conta Sint esaki. Bo tabata sa cu tur siman Sint y su Pietjes tin reunion? Den e reunionnan aki nan ta papia hopi riba ‘bida’ y kico ta importante pa pasa den e bida di nos muchanan.
Asina Sint ta haja leuk si majornan por pasa mas tempo cu nan jiunan.
Sint ta haja leuk pa mama, tata y yiunan hasi mas actividad hunto den famia. Pa e motibo aki Sint a laga su Pietjes pasa rond y wak unda nan ta bende weganan leuk pa hasi den famia.
Continue reading “Sinterklaas ta duna regalonan educativo.”

Abuso di Mucha y tratamento exitoso cu EMDR

Un storia cu ta impacta “Abuso di Mucha” y EMDR

Drs. Mitsy Willems, psicologo clinico ta comparti e caso aki di e hoben aki cu duna permiso pa comparti su experiencia. Meta ta pa kibra silencio rond di e tema y pa hendenan sa cu judansa ta posibel.

mitsy willemsUn contribucion di drs. Mitsy Willems, psicologo clinico

Un storia cu ta impacta “Abuso di Mucha” y EMDR

Drs. Mitsy Willems, psicologo clinico ta comparti e caso aki di e hoben aki cu duna permiso pa comparti su experiencia. Meta ta pa kibra silencio rond di e tema y pa hendenan sa cu judansa ta posibel.

Awe e tin 28 aña di edad y tin problema cu su pareha. Ora nos a cuminza sondea a resulta cu tabatin tres abuso sexual den su ninjes. Un na su 4 aña, di dos na su 5 aña y di tres na su 7 aña dor su welo. Awo cu su welo a muri e la tuma desicion di bisa kico a pasa na su mama y a la vez busca ayudo.
Continue reading “Abuso di Mucha y tratamento exitoso cu EMDR”

Tur mucha di Aruba ta invita diasabra na Van Dorp Dakota

Un bunita actividad pa sera vakantie y cuminsa scol jen di etiket…Diasabra, 8 di Oktober ta bai tin bautismo y presentacion di “Kaylee, reina di carnaval”, tur den un ambiente carnavalesco. E autora Denise de Jongh-Rekwest pa medio di esaki ta invita tur mucha pa bin celebra cu nos e lanzamento di e precioso buki aki.

Kaylee,reina di carnaval ta un buki di etiketa pa mucha.

kaylee - reina di carnaval
Diasabra, 8 di Oktober ta bai tin bautismo y presentacion di “Kaylee, reina di carnaval”, tur den un ambiente carnavalesco. E autora Denise de Jongh-Rekwest pa medio di esaki ta invita tur mucha pa bin celebra cu nos e lanzamento di e precioso buki aki.

Kaylee,reina di carnaval ta un buki di etiketa pa mucha.
Abo sa kico ta etiketa?

Etiketa ta entre otro bon manera, con bo ta anda cu otro y con bo ta comporta bo nechi cu otro hende.
Continue reading “Tur mucha di Aruba ta invita diasabra na Van Dorp Dakota”

Nos famia ta e cuna pa sinja etica…

Kico muchanan ta sinti falta di dje den nan educacion y bida na cas, na scol, den nan iglesia of den nan bario? Amor, disciplina, norma, balor, instruccion, etica?
Nos famia ta e cuna pa sinja etica, segun un presentador na radio…
Si, berdad, e tin rason, etica, amor, disciplina… formacion…informacion…

mucha y etica ‘Un ser inteligente ta e principio di tur cos’ – Jean Jacques Rousseau

Mi tabata scuchando un programa riba famia y etica. Hopi interesante pa scucha cu como nacion nos tin cu tuma ensenjansanan riba etica y moral na serio. E presentador ta puntra: ‘E problemanan social y personal por tin di hasi cu ja nos no ta paga asina hopi atencion mas na balornan manera respet, integridad, responsabilidad? Kico ta bon y kico ta malo? Nos ta duna contenido na e palabranan aki ora nos ta splica nos yiunan na palabra chikito kico nan ta nifica. Tambe ta bon pa duna nan ehempel di bida diario, p.e. pa no mishi cu cosnan cu no ta di bo, maske con chiquito e por ta manera un pen di propaganda (no horta). Ta importante pa sinja nos yiunan kico ta nos bon custumbernan, p.e. cuminda hende ora bo topa nan riba caminda (bisa ‘bon dia, senjora’ of ‘meneer’).’
Continue reading “Nos famia ta e cuna pa sinja etica…”

Perdida di inocencia: mucha chiquito hungando muhe chiquito

Mayornan ta sigi trendnan di moda, no semper pa mala fe, pero paso nan no tin suficiente informacion. Pesey mester bin cu mas educacion pa majornan na Aruba y menos sensacionalismo. Esaki ta tarea tambe di cada organisacion cu ta traha cu mucha.
Abo ta di acuerdo cu no ta bon pa muchanan imita actitud sensual di hende grandi? Y pakico no? Lesa pa bo sa…

mucha chiquito hungando muhe grandi
“E crimen mas grandi cu humanidad a comete contra muchanan ta di alega nan cada dia mas di naturalesa y arte” — Conferencia Mundial di trabao social 1988

Mi a lesa un discushon riba Facebook tocante potretnan demasiado sensual di un mucha muhe chiquito cu ta participa na un eleccion di reina. Mi mes no a mira e potretnan, pero mi por imagina mi mes kico nan kier men. Desde eleccionnan di reina y Barbie y shownan di imitacion di cantantenan sexy, hopi di nos muchanan chiquito ta comberti nan mes den muhenan chiquito durante eleccionnan, show di baile y canto y te hasta hungando cu nan Barbie.
Continue reading “Perdida di inocencia: mucha chiquito hungando muhe chiquito”

Van Dorp Store ta Cas di StampiAruba

Colecciona stampia ta un hobby cu StampiAruba kier promove cerca mucha. E ta inspira concentracion y trankilidad. E ta juda den conocemenento di mundo y cultura. Van Dorp Store ta cas di StampiAruba.

van dorp-cas di club di  stampia ArubaSusan Solognier-Noguera ta philatelista pa mas of menos 40 anja y tin un colecion extenso. Susan ta conta su storia: ‘Dor cu mi ta miembro di diferente club internacional y ta intercambia stampia cu tur parti di mundo, mi ta haya mi cu stampia dobbel cu ta bira un cantidad enorme, sin sa kico pa hasi cu nan. Mester corda cu tur hende di afo ta stampia di Aruba nan kier, dus e dobbelnan di otro pais no ta interesa nan. Den pasado mi a haci hopi donacion di stampia dobbel na clubnan juvenil internacional. Pero semper mi interes tabata pa promove spaarmento di stampia aki na Aruba mes. Mi a cuminsa esaki na scol basico Colegio Sagrado Curazon na Savaneta cu ta e bario di unda mi ta. Mi tabata duna lezing na 5e y 6e klas pa splica di mi hobby. Asina mi a forma un grupo di mucha y nos tabata topa un bez pa luna na Biblioteca Nacional na San Nicolas. Despues cu a cuminsa cu renobashon na e Biblioteca nos grupo no tabatin lugar mas pa topa.
Continue reading “Van Dorp Store ta Cas di StampiAruba”