Awe ta dia internacional di hende muhe y e hobencita cu nan a agredi.

IMG_0737 - kopie
Tin ora mi ta puntra mi mes si ta destino of ta casualidad ta laga bo wak cierto situacionnan y pakico.

Un caminda den Playa, lorando un birada pa parkeer, mi ta mira un hobencita teenager ta bin di otro banda ta jora di un forma hopi desespera. Mi ta baha pa informa kico a pasa y ta compronde cu un persona riba un bicicleta a agredi e hobencita pa horta su telefon. E hobencita a bay den shock y tur e otro hobennan rond tabata hasi nan esfuerso pa jud’e den un forma of otro. Polis ta bin, ambulance ta bin pa atende e hobencita wardando pa su majornan jega.

Mi ta move di e sitio, pero e cara angustia y yorando desepera di e hobencita ta keda manera graba den mi mente y ta pop up cada biaha.
Mi ta puntra mi mes unda mas nos mucha y hobennan por ta echt safe den e Aruba actual. Majan ta dia internacional di hende muhe y mi ta puntra mi mes kico por hasi pa por garantisa no solamente nos hendenan muhe, pero tur hende grandi, mediano y chikito un Aruba unda bo por cana riba caya sin miedo pa cosnan malo pasa bo.

E potret ta di e ambulance cu a bin pa asisti e hobencita. Concientemente mi no ta pone e hobencita su cara. Ta mas importante pa nos protega privacidad di nos mucha y hobennan. Ta importante tambe pa nos hasi algo pa hendenan cu ta circula riba caja cu intencion menos bon. Nos no por keda wak e hendenan cu ta biba riba caya manera hendenan cu ta molester pa comunidad so. Pasobra si, nan ta! Pero nan ta tambe hendenan cu posibel problemanan profundo y malesa di adiccion. Y nan mester di tratamento y guia. Nos no por keda biba den un circulo vicioso di miedo y laga pa cada hende y famia busca nan propio solucion. Esaki por hasi cu mas y mas hendenan lo sera nan mes tras di e murayanan di nan cas pa evita cu algo malo pasa nan. Of loke ta pasa caba, nan ta tuma justicia den nan mes man.

Ami lo kier wak un comunidad di hendenan cu tin alegria di bida y ta comparti cu otro. Mi ta muhe y mi ta mama y mi ta stima mi pais. Y mi ta kere cu ta birando mas y mas tempo pa nos admiti cu nos pais a cambia hopi. Mi no kier bay bek na e cosnan menos bunita di pasado, pero si lo kier mira un Aruba cu ta dushi y safe pa biba.
Con dushi lo ta si nos por mira un sonrisa riba cara di nos hobennan. Un Aruba jena cu hendenan contento y felis.
Nos pais ta un pais hopi chikito y si nos tur enfoca riba e imagen aki y duna di nos parti, sigur nos por logr’e.
Na honor di nos mes y e generacion cu lo sigi nos, ban pone man na obra.

Ban protega nos comunidad cu e forsa di nos curason!
Ban protega nos comunidad cu e forsa di nos curason!

Awe, dia internacional di hende muhe, ta un bunita dia pa cuminsa!

Ingrid Werleman, editor

E mama cu a bira wela

Mi ta realisa cu e metanan grandi tin ora ta scondi den e cosnan chikito, manera e brasa di mi nietonan.

Di mama pa wela
Di mama pa wela

Dia di mama 2015, un ocashon cu a pone mi refleha riba mi diferente rolnan den bida. Di muhe cu a bira mama decadanan pasa, awe mi ta pone aserca e mama cu a bira wela. Mirando bek mi ta corda e idealnan di mi como mama. Mi tabata kier ta un mama cu lo dedica hopi tempo na su yiunan. Mi kier a bira e mama cu concientemente lo a mira su yiunan crese. Mi kier tabat”ey pa nan den cada fase di nan bida. Mi ta corda cu un amiga tabata jama un mama asina un ‘oermoeder’, e ‘mama Original’ mi lo traduci esey. Mi a logra esaki na Hulanda, te dia cu mi a bolbe Aruba y a cuminsa traha como trahado social-educativo den trabou comunitario. Akinan mi a descubri mi afinidad hopi grandi pa traha na un miho comunidad y un miho mundo, manera mi a sinja den mi estudio na Hulanda. Mi a traha podise cu demasiado dedicacion y mirando bek mi ta lamenta cu mi no a bira e mama cu mi a desea di ta den mi vishon di bida. Mescos cu asina hopi mama di mi generacion, mi kier a duna mi yuinan mas cu ami tabatin. Y den e proceso aki mi ta haja cu segun mi, mi a slek den e cos di mas importante cu un major por duna su yiunan, esta ‘tempo’.

Super Wela
Super Wela

Tempo a sigi pasa y tanten mi a bira wela tambe. Y aki, na cierto momento mi a priminti mi mes di no hasi mesun fout. Circumstancianan a pone cu pa un par anja mi a pasa hopi tempo cu mi nietonan. Y aki a crese un otro vishon den bida. Si antes mi kier a cambia e mundo, awe mi ta realisa cu e metanan grandi tin ora ta scondi den e cosnan chikito, manera e brasa di mi nietonan. Mas cercania cu mi yiunan mester di mi y relacionnan genuino. Bida den e bida aki nos por bibé un solo biaha.

Mi a sinja di ta mas conciente di mi escogencianan. Tempo y cosnan material ta pasa bay, e recuerdonan felis ta sigi cu mi te den eternidad. Biba un bida mas simpel, purba di inspira otro sin carga cu henter e mundo y biba mas den e cualidadnan di mi curason a duna mi hopi pas.
‘Tuma Tempo’ pa saborea momentonan balioso, cu no semper ta bolbe ta importante pa mi. Tuma tempo pa hasi, refleha y sonja. Bida ta super y universo ta jena cu amor y felicidad. Nos tur por sinja con pa gara e trein di felicidad, prome cu e bay laga nos. Felis siman di e mama cu a bira un wela felis!

Kico cancer a siña mi.

Cu hopi danki na e 3 damanan aki pa a comparti nan alma, curason, speransa, fe y balentia cu nos. Dios bendiciona boso semper!

Hunto semper nos ta mas fuerte.
Hunto semper nos ta mas fuerte.

Cu hopi danki na e 3 damanan aki pa a comparti nan alma, curason, speransa, fe y balentia cu nos. Nan tabata nos modelonan precioso pa e poster di Viva La Donna Day 2009… Carina, Ingrid y Gina… Dios bendiciona boso semper!

…Mira bida di un otro forma…disfruta conciente di cada dia…di mi famia…di naturalesa…mi a siña pa biba ‘awe’… cada dia ta un dia…tin dia duro…pero esaki ta conta pa tur hende, cu of  sin cancer …stima mi mes…stop di pone otro hende semper na prome luga…duna e cancer un luga den mi bida y sigi biba, mescos cu tur otro hende… Bisa mi mes cu Dios a cura mi caba y ‘Go for life’…pa gosa di bida…siña corda riba mi mes tambe… Si mi por a cambia algo, mi lo a biba cu menos stress, menos core core… enjoy life…hari hopi…busca hende positivo rond di mi…prome mi a pensa ‘morto’, awo mi sa cu despues di cancer ‘tin bida’…

8 di Maart y un mundo cu mesun derecho pa tur

Na caminda pa Maart 8, Dia Internacional di Hende Muhe: Nos tur tin un sonjo, pa tin un bida felis. Circumstancianan di bida por evita esaki. Y toch nos tur tin derecho di sigi sonja… e ta e unico forma cu un dia nos por jega mas cerca di nos sion:’Un mundo cu mesun derecho pa tur’…

hende muhe den lus
hende muhe den lus

Na caminda pa Maart 8, Dia Internacional di Hende Muhe:

Nos tur tin un sonjo, pa tin un bida felis. Circumstancianan di bida por evita esaki. Y toch nos tur tin derecho di sigi sonja… e ta e unico forma cu un dia nos por jega mas cerca di nos vision:’Un mundo cu mesun derecho pa tur’…

Den un comunidad ideal:

1         E famia ta central.

2         Tin oranan di trabou flexible y posibilidad di traha part time y traha for di cas.

3         Tin bon condicionnan di trabou secundario.

4         Tin training di personal riba contenido di trabou.

5         Tin training di personal riba desaroyo personal y calidad di bida (stress/wellness).

6         Tin judansa social cu ta tene cuenta cu e realidad di e trahado y ta traha na prevencion, na lugar di traha curativo. Esaki ta nifica cu ta warda pa problema escala prome cu duna judansa. E ora ta laat y ja danjonan ireparabel por a tuma lugar cu tin ora no por cura mas, cu tur bon intencion di mundo.

7         Tin un bon structura di coperacion bou habitantenan y judansa di instancianan social y educativo den bario cu ta sali for di e necesidadnan di e habitantenan mes.

8         Ta stimula hendenan muhe pa copera cu otro y si ta necesario traha den forma di coperativa.

9         Ta duna informacion y educacion na majornan con pa lanta nan jiunan segun e declaracion internacional di derechonan humano y derechonan di mucha.

10     Ta stimula un mente critico y asertivo cerca e hende muhe cu hopi biaha ta cabes di famia. Asina e por educa su jiunan di chikito pa sa nan derecho y ta evita manipulacion di instancianan y personanan individual.

11     Poniendo e hende muhe central den desaroyo di un pais ta e unico forma pa un dia jega mas cerca di e ideal pa bira ehempel pa mundo.

12     Ta honra no solamente e hende muhe cua bira exitoso dor di un carera briyante, pero tambe e hende muhe cu a lanta su hopi yiunan su so fregando vloernan di otro hende, lorando man cu bolo y snacks y bibando di un suma minimo di asistencia social. Tambe e grupo grandi di hende muhe cu ta juda otro den silencio, ta resa y pidi pa otro den silencio. Hende muhe ta e curason cu ta laga nos sociedad briya y vibra.

Cu honor y Dignidad pa tur muhe

Ingrid Werleman

 

 

 

Abuso di Mucha y tratamento exitoso cu EMDR

Un storia cu ta impacta “Abuso di Mucha” y EMDR

Drs. Mitsy Willems, psicologo clinico ta comparti e caso aki di e hoben aki cu duna permiso pa comparti su experiencia. Meta ta pa kibra silencio rond di e tema y pa hendenan sa cu judansa ta posibel.

mitsy willemsUn contribucion di drs. Mitsy Willems, psicologo clinico

Un storia cu ta impacta “Abuso di Mucha” y EMDR

Drs. Mitsy Willems, psicologo clinico ta comparti e caso aki di e hoben aki cu duna permiso pa comparti su experiencia. Meta ta pa kibra silencio rond di e tema y pa hendenan sa cu judansa ta posibel.

Awe e tin 28 aña di edad y tin problema cu su pareha. Ora nos a cuminza sondea a resulta cu tabatin tres abuso sexual den su ninjes. Un na su 4 aña, di dos na su 5 aña y di tres na su 7 aña dor su welo. Awo cu su welo a muri e la tuma desicion di bisa kico a pasa na su mama y a la vez busca ayudo.
Continue reading “Abuso di Mucha y tratamento exitoso cu EMDR”

Posibel follow up pa e exitoso seminario Muhe y Liderasgo

Un articulo di prensa Hulandes cu por inspira Aruba pa uni forsa entre sector priva y gobierno pa stimula mas hende muhe pa tuma encargo di liderasgo. Na Hulanda sector priva y gobierno a crea un Charter ‘Talent naar de Top’…

women in leadership conference ArubaUn articulo di prensa Hulandes cu por inspira Aruba pa uni forsa entre sector priva y gobierno pa stimula mas hende muhe pa tuma encargo di liderasgo. Na Hulanda sector priva y gobierno a crea un Charter ‘Talent naar de Top’…

Charter zorgt voor meer vrouwen aan de top
29 mei 2011
Bij de bedrijven en organisaties die het Charter Talent naar de Top hebben onderschreven is het aantal vrouwen in de top afgelopen jaar met 7,5 procent gegroeid. Het Charter is inmiddels een bewezen onmisbaar instrument voor een duurzaam diversiteitsbeleid van bedrijven en instellingen, zegt de Stichting Talent naar de Top.
Continue reading “Posibel follow up pa e exitoso seminario Muhe y Liderasgo”

Ami, Muher. Pa Dia Internacional di Hende Muhe…

Dedica na tur nos muhernan balente riba Dia Internacional di Hende Muhe…

Ami, muher…

Comunidad podise nunca lo compronde mi…
Pasobra podise nunca nan a purba di cana den mi sapato.
Poco nan sa di mi oranan di desesperacion, si placa atrobe no ta jega pa cumpra tur loke ta falta den cas.

Ingrid - Trudy

Dedica na tur nos muhernan balente riba Dia Internacional di Hende Muhe…

Ami, muher…

Comunidad podise nunca lo compronde mi…
Pasobra podise  nunca nan a purba di cana den mi sapato.
Poco nan sa di mi oranan di desesperacion, si placa atrobe no ta jega pa cumpra tur loke ta falta den cas…
Hopi ora mi ta mula den un tienda, para henter dia riba mi pia
Of den e restaurant unda mi ta corta berdura pa e turista por come su dinner…

Continue reading “Ami, Muher. Pa Dia Internacional di Hende Muhe…”

Dr. Viana: Menopausa, su mito y berdadnan – Parti 1

Dr. Viana riba Menopausa, su mito y berdadnan.
Medicamente, menopausa ta wordu defini como: “ora cu bo no a haña bo menstruacion pa un aña”. Menopausa ta e fin di un proceso largo y poco poco cu jama peri-menopausa, cu ta e cambionan cu ta pasando den curpa di un hende muher. Cambionan completamente normal y parti di su bida mescos cu pubertad. E ovarionan di e hende muher ora e ta na mitad di su añanan 30 ta cuminsa cambia e cantidad di estrogeno y progesterona cu e ta produci.
www.comprondiendobida.com

picture dr vianaContribucion di Dr. Carlos Viana

Medicamente, menopausa ta wordu defini como: “ora cu bo no a haña bo menstruacion pa un aña”.  Menopausa ta e fin di un proceso largo y poco poco cu jama peri-menopausa, cu ta e cambionan cu ta pasando den curpa di un hende muher.  Cambionan completamente normal y parti di su bida mescos cu pubertad.  E ovarionan di e hende muher ora e ta na mitad di su añanan 30 ta cuminsa cambia e cantidad di estrogeno y progesterona cu e ta produci.  E dos hormona femenino aki ta mesun importante pa un ciclo menstrual normal y preñez exitoso.   Tin hopi falta di informacion riba menopauase y den e articulo aki mi ta splica conceptonan eroneo tocante menopausa.

Den nos clinica, ora mi informa hende muhernan cu nan sintomanan ta pre-menopausico hopi di nan ta bisa cu esaki no por pasobra nan no tin 50 aña ainda!

Continue reading “Dr. Viana: Menopausa, su mito y berdadnan – Parti 1”

Sinti bo mes bunita y sexy despues di cancer

Sinti bo mes bunita y sexy despues di cancer. www.comprondiendobida.com

E prome Pink Runway Aruba (oktober 2010) a nifica kibra cu hopi taboe rond di e malesa di cancer. E evento aki a mustra cu ya hopi hende muhe no ta mira cancer como e fin di nan ser femenino y bellesa. Nan a lusi riba pasarela y a capta curason di tur presente. E bon noticia ta cu e apojo masal rond di mundo a juda hopi hende muhe cu cancer haja nan balor propio bek, tambe na Aruba.

Continue reading “Sinti bo mes bunita y sexy despues di cancer”

Mi ta muhe, mi tin cancer y mi ta bunita…

fotoMary Jo Foundation ta conoci pa su trabou di sosten pa hendenan muhe cu cancer. Y Merveline Geerman ta conoci pa su trabou den estetica, Viva La Donna Day y su bon gusto. Den e trajectoria aki Merveline a topa cu e hendenan dinamico di Mary Jo Foundation y nan a dicidi  di hasi un presentacion con pa mara lenso durante un charla organisa pa e fundacion.

E modelonan tabata Carina, Ingrid y Gloria. Nan tur 3 ta damanan cu ta hajando tratamento pa cancer. Nan ta damanan tambe cu ta hopi conciente cu despues di cancer, tin bida y cu ora bo ta percura pa bo mes, bo ta sinti bo mes mas bon. Tur esaki ta juda pa gosa di un miho calidad di bida y condicion di salud.  Hunto cu nan tabata Genevie, jiu muhe di Merveline cu kier a mustra su solidaridad cu muchanan jong cu tambe por haja cancer y den e tratamento pa e malesa, tambe lo por perde nan cabey.

Pa e projecto aki Merveline a busca lenso y sjaal di Hulanda, pa asina por ofrece lo ultimo den moda Europeo. E damanan presente a keda hopi encanta cu e presentacion  aki. E modelonan ta haja cu bo no mester sconde bo curpa y tin berguensa pasobra bo tin cancer.  Bida ta sigi semper, tambe pa hendenan cu cancer. Nos tur tin reto y nos tur tin bida. Nan tin cancer, pero nan no ‘ta’ nan malesa. Nan ta muhenan jen di bida y esey e potretnan ta mustra.

Continue reading “Mi ta muhe, mi tin cancer y mi ta bunita…”