Si nos no ta defende e derecho di nos muchanan, ta ken su derecho nos ta defende anto.

Con-abo-lo-sinti-si-tabata-bo-yiu-
Con abo lo sinti si tabata bo yiu

Aruba 2016, majan April 27, 2 or di merdia lo tin un manifestacion contra abuso sexual. Di parti di Comprondiendo Bida ta invita tur hende pa bay. Comprondiendo Bida ta apoya e manifestacion. Tambe ta apoya tur mama- y e tatanan cu a tuma e curashi pa sali afo cu nan storia. Comprondiendo Bida ta invita tambe tur hende pa subi e website www.comprondiendobida.com y type e palabra ‘abuso sexual’ den e hokki di search. Bo lo haja un cantidad di articulo riba abuso sexual cu Comprondiendo Bida a publica den su anjanan cu e ta online. Bo lo haja articulonan cu lo pone bo compronde pakico ta importante pa hasi cada intento cu bo por, pa stop abuso sexual. Bo lo compronde pakico e argumento cu mester busca prueba prome cu aresta un pedofiel NUNCA por ta valido. Un pedofiel ta un persona cu un mente cu semper lo busca excuus pa hustifica su acto. Esaki ta nifica cu e nunca lo stop. Esaki ta nifica cu mientras ta buscando pruebanan cu dificilmente lo haja, e pedofiel tin caminda liber pa sigi abusa.

A bira tempo pa nos stop di sconde e cosnan scur cu ta sosode den nos comunidad. Adultonan t’ey pa protega e muchanan. Pa percura pa nan por lanta den un comunidad felis. No pa abusa di nan.

Si nos no ta defende e derecho di nos muchanan, ta ken su derecho nos ta defende anto?

Un bela pa Mitch y e dolor y balentia di un mama

Mi ta wak e mama, para cu un bela den su man banda di e potret di su yiu cu a muri bou circumstancianan asina violento y mi ta pensa ‘Ki balente e mama aki ta, di por para akinan cu un bela pa su yiu, mientras su curason lo ta kibra den mil pida.

Esta un dolor pa un mama...
Esta un dolor pa un mama…

Tabata dialuna mainta cu mi a lesa cu atardi lo tin un misa pa pidi Dios descanso pa e alma di Mitch Henriquez. Y atardi mi a bay misa di Noord, pa mustra mi convivencia. Tambe pa den mi silencio conecta cu mi Dios, cu mama Maria y pidi pa forsa pa e famia y husticia Divino den e caso di Mitch Henriquez. Mi a brasa e mama di Mitch y ta pensa den mi mes ‘Ki dolor e mama aki mester tin den su curason na e momentonan aki’. Despues den e vigilia pafor di misa, mi ta wak e mama, para cu un bela den su man banda di e potret di su yiu cu a muri bou circumstancianan asina violento y mi ta pensa ‘Ki balente e mama aki ta, di por para akinan cu un bela pa su yiu, mientras su curason lo ta kibra den mil pida’.

Cherry, e ruman muhe di Mitch ta contami ‘Senjora, mi ruman ta un hende cu ta semper jolly, semper e ta trese alegria unda cu e ta. Di tur hende, e no a merece un morto asina’. Mi ta di acuerdo cu Sherry, maske mi no a conoce Mitch personalmente, pero mi a bay riba e pagina di Facebook di Mitch Henriquez y akinan mi ta topa un persona simpatico, cu alegria den su postnan. Un hende cu expreshon simpatico. Mi ta topa tambe un banner di juni 2014 cu ta bisa ‘No matter what, in victory or defeat. Hup Holland Hup.’ Y mi ta pensa con cruel destino tin ora ta.

Laga nos tur sende un bela pa Mitch awe
Laga nos tur sende un bela pa Mitch awe

Mi ta sende mi bela y resa hunto cu tur presente. Maske jena cu dolor, e anochi ta tambe hopi sereno cu e luna cla riba e imagen di Cristo den cura di misa. Union di famia y hendenan cu a bin hunto pa comparti nan sentimento na un forma digno di nos Aruba chikito. Vooral e presencia di su hendenan di Noord a resalta. Mi a bay cas bek cu un curason mes pisa cu lihe. Y mi ta refleha riba e palabranan di Mitch su ruman ‘Di tur hende, e no a merece un morto asina.’ Pakico Mitch, mi ta pensa? Ami ta kere cu e misterionan di bida ta hinca den e mente Omnipotente di Dios. Den mi curason mi ta spera cu e morto cruel y inhusto di Mitch por mustra hendenan rond di mundo cu violencia no ta e caminda. Y cu tambe na Aruba cada un di nos por hasi intentonan tur dia pa pensa cu e mente di Dios den cada cos cu nos hasi. Ami ta kere cu Dios lo pensa semper cu amor, cu husticia, cu compashon y tolerancia. Y Dios lo pensa tambe cu alegria di bida, loke nos por sinja di Mitch.’ Cu Mitch haja su pas den e Reino di Dios y cu su famia haja forsa pa surpasa nan dolor y consuelo cu husticia a prevalece den e investigacion cu a ser hasi.

Pensa cu e mente di Dios
Pensa cu e mente di Dios

Ingrid Werleman

E morto tristo di sr. Mitch Henriquez

Mi ta puntra mi mes con hopi BIDA di un ser humano ta bal pa e polisnan involvi den e morto tristo di sr. Mitch Henriquez.

Cada hende tin balor
Cada hende tin balor

Mi no conoce sr. Mitch Henriquez personalmente. Te cu awe nunca mi a tende di dje. Pero mi ta sinti mi tristo, rabia, indigna con sr. Mitch Henriquez a jega na su fin durante su vakantie na Hulanda. Si ami cu no conoce sr. Mitch Henriquez ta sinti asina, mi por imagina mi mes con su famia y amigonan lo ta sinti na e momentonan aki. Mi a wak cada video y a wak y wak nan di nobo pa mi por forma mi opinion. Y cu hopi tristesa mi ta puntra mi mes si nos ta bayendo den un mundo unda violencia lo bira mas y mas e metodo pa soluciona diferencianan di opinion. E ta pone mi pensa con hopi mas nos mester propaganda tolerancia, comunicacion y prevencion den nos media y instancianan concerni. E ta pone mi pensa dicon un cuerpo di polis supuestamente profesional na Hulanda ta keda draai minutnan rond di un detenido y te hasta ora un di nan ta bisa cu no tin hopi bida mas den e detenido, nan ta hincé den un auto di polis y no ta jama un ambulance cu ta miho equipa pa por a scapa su bida ainda. Mi ta puntra mi mes con hopi BIDA di un ser humano ta bal pa e polisnan involvi den e morto tristo di sr. Mitch Henriquez.

Sr. Mitch Henriquez su cara simpatico
Sr. Mitch Henriquez su cara simpatico

Cu sr. Mitch Henriquez haja pas eterno y su famia e forsa pa un dia surpasa nan dolor.

Ingrid Werleman

Keintura Oranje, Union y Violencia

Un dia bo lo biba e momento magico aki na bo isla: pasobra Aruba ta un Dushi Tera!’

oranje massa 1 - Copy orange happy energy - Copy

Dos siman pasa mi a bay un concierto cu mi nieto den un stadion grandi na Hulanda. Tabata e prome wega tambe di Hulanda y e organisadornan a combina e concierto y e wega di futbol na un forma hopi sabi. Den e stadion tabatin pantajanan supergrandi pa wak e wega entre e dos mitanan di e concierto. Tabata un experencia bunita, casi magico pa mira un stadion jen di hende bisti na oranje y cu un solo pensamento y focus: ‘Tur kier pa Oranje gana!’.

Semper ora mi experencia un evento masal asina, mi ta sinti e deseo pa un dia biba un actividad asina cu ta uni gran parti di nos pueblo chikito di Aruba den un solo curason y pensamento.

No solamente di pafo, pero di paden. Den un union cu ta crea e energia ey cu ta hasi cosnan grandi posibel y juda sana un pueblo y su famianan unda cu tin mester.

Den mesun rosea mi ta sinti cu ta lastima cu cada dia mi ta lesa den corant y via medionan social cu tin asina tanto violencia, ladronicia, accidente y desunion. Mi ta lesa e vocabulario cu hubentud ta usando cu otro y mi ta pensa. ‘Unda respet a keda ora ta usa palabranan hopi mahos pa insulta otro’. Mi ta mira mescos den scenario politico.

Y mi curason ta bolbe bay bek na e momentonan magico di e concierto y mi ta pensa ‘Un dia, Ingrid. Un dia bo lo biba e momento magico aki na bo isla: pasobra Aruba ta un Dushi Tera!’.

Ingrid Werleman

Buscando e balansa di e accidente mortal y asesinato den ultimo simannan.

Mas nos afirma e negativo, mas nos ta atrae. No duna scuridad mas forsa cu e tin di su mes. Mas nos ta entretene nos mes cu ne, mas e lo crese. Esaki ta ley di Universo. Nos forsa como hende ta juist pa haja forsa inspirativo bek den momentonan di conflicto. Ta aki e curason humano ta florece.

lus y scuridad
lus semper lo core e scuridad

 

Mas nos afirma e negativo, mas nos ta atrae. No duna scuridad mas forsa cu e tin di su mes. Mas nos ta entretene nos mes cu ne, mas e lo crese. Esaki ta ley di Universo.

Nos forsa como hende ta juist pa haja forsa inspirativo bek den momentonan di conflicto. Ta aki e curason humano ta florece.

Jammer, pasobra nos por sinja tambe di sabiduria. Pero hopi biaha hende ta bira comfortabel y ta lubida cu bida no ta esey so. Loke a pasa cu Hermin Wiels ta un expreshon mas di loke ta reinando na nos mundo. Hopi polarisacion y pensamento y deseo negativo.

Te dia nos para keto y cuminsa bolter e balansa cu nos pensamento y accion, nos lo por mira un cambio. Pero e ora di curason. E ora hendenan manera Hermin Wiels, Pim Fortuin, John Lennon, Martin Luther King, John f. Kennedy, Hesus y asina hopi mas lo no a muri por nada.

E ora nos sa cu cosnan malo por hiba nos na e curason di pas y amor cu ta hinca den cada un di nos

OM a pidi apenas 3 luna den apelashon pa pareha ku tin kondena haltu pa violashon di mucha

E caso liga na e articulo ‘Pèrdida di señorita no ta nifiká ku tabatin relashon seksual’, publica maart 31, 2013. Tristo pa lesa con poco balor palabra y pruebanan medico di un mucha parse di por tin den corte, den e caso aki na Corsow.

tin husticia den abuso seksual
tin husticia den abuso seksual?

Fuente: Notisia 360

WILLEMSTAD – Despues ku den korte di promé instansha e pareha Oomen a haña kastigunan di 5 aña i 12 luna, respektivamente, e siman aki Korte di Apelashon, Prokurador General a pidi apénas 3 luna pa e hòmber i ‘vrijspraak’ pa su kasá. Konsiderando ku den promé instansha asta Ministeiro Públiko a pidi 8 i 3 aña pa nan, por bisa ku loke a pidi awor ta práksikamente nada. I no keda sorprendí si nan sali kompletamente liber dje akusashon.  Si mester bai tras di e loke ku a bin dilanti den korte, anto e kriatura(nan) a pasa periodonan largu di trouma i doló, si tuma na konsiderashon ku ta trata di un hòmber ku kurpa korpulento i klaramente un persona ku ta aparentá di ta hopi brutu i e muchanan apénas 12 aña di edat. E loke ku a keda deskribí ta un abusu total, esta e kriatura muhé, mester a hasi sèks oral, masturbá e hòmber i tambe soportá sèks vaginal ku el a deklará tabata hasi hopi doló kada bes ku esei tuma lugá. E promé biaha e kriatura a deklará ku el a keda den sanger. E hòmber na vários okashon a trata di penetrá anal, pero esei no tabata bai i e kriatura tabata grita i yora i rebeldia kontra di e intento anal. E echo ku e tata mes tabata pasa e kriatura aki e asina yamá ‘prikpil’ o sea angua pa no sali na estado, el a bisa e mucha ku si e tene sèks anal e ora ei e ta evitá di pasa angua. Esta den un intento pa e kriatura soportá e sèks anal i evitá pasa angua. Tin indikashon ku e hòmber a kometé e mesun abusu seksual ku otronan o sea a intentá kontra di muchanan ku ta pasa algun dia serka nan. Na un okashon e mama a habri porta i haña su kasá den ful akshon ku e kriatura.

Ora e yu kriatura rebeldia i no ke hasi sèks, e hòmber ta lag’é drumi sin paña abou den kamber den èrko sin laken pa e tapa. Durante tratamentu dje kaso aki den Hof e pareha a trata di konvensé korte di tur manera ku tin dje muchanan ta rebelde, ku nan tin influensha riba otro, i e motibu ku a pasa prikpil ta pasobra esun kriatura ei ta bai kaya i ta kana hopi ku otro mucha hombernan. Prokurador General a duna di konosé ku e no ta mira pruebanan konvinsente i komo tal a pidi apénas 3 luna pa e homber mientras ku su kasa lo ta liber di persekushon penal. Korte lo dikta sentensia dia 16 di aprel.

 

Stop pornografia infantil ta responsabilidad di cada un di nos…

Pornografia infantil lo stop ora anos como ser humano adulto para keto, para keto di berdad cu nos curason y pensa ‘KICO TA E DERECHO DI BIDA Y FUTURO DI UN CRIATURA?’. Derecho di mucha ta cuminsa ora ta mira di berdad kico ta na bienestar general.

Stop Kinder PornoPornografia infantil lo stop ora anos como ser humano adulto para keto, para keto di berdad cu nos curason y pensa ‘Kiko ta e derecho di bida y futuro di un criatura?‘. Derecho di mucha ta cuminsa ora ta mira di berdad kico ta na bienestar general. Den caso di mucha, mas ainda, pasobra e mucha mester di e hendenan adulto pa proteg’e ora e mes no por hasi esaki pa su mes.
Continue reading “Stop pornografia infantil ta responsabilidad di cada un di nos…”

Con pa usa e forsa di nos sombra pa trese cambio den nos bida

Nos sombra ta pone nos kere cu nos no merece pa ta e ‘superstar’ den nos mes bida.
Ta e sombra aki, e parti scur di nos, e partinan cu nos a oprimi di nos mes cu ta separa nos di ken nos berdaderamente ta.

buki het schaduw effectTip di Van Dorp: ‘Un bon buki – Het Schaduw Effect’.
Tur cos a cuminsa cu e meneer di scol cu a bisa cu nos ta bobo, e mucha di scol cu a tenta nos of e prome amor cu a bandona nos. Nos tur tin momentonan doloroso y bergonsoso cu nos a sconde y despues di tempo e emocionnan aki a hasi nos bira mas duro y nan a forma nos sombra.

Ta trata aki di anshanan cu nos no a expresa, e berguensa hororoso, e remordimentonan cu ta come nos dor di no enfrenta nos problemanan.

Cerca majoria hende tur e problemanan aki por bin di un solo momento cu tabata crucial den nos bida. Pero tambe por ta cu nos a laga cosnan cu nos no kier enfrenta acumula durante hopi anja.

E introduccion di e buki ta bisa: Tur hende tin su parti di sombra. Si nos sigi nenga nan y sconde nan, nan por bira un poder cu posiblemente por destrui nos bida. Sombra tin su efecto riba e comunidad tambe, segun Deepak Chopra, un di e escritornan. Debby Ford ta papia di su propio experencia – e tabata adicto – y ta splica con nos por sera pas cu nos mes, cu otro y cu e mundo. Marianne Williamson ta mustra riba e forsa di resamento, hasi sacrificio, pordon y amor. Pasobra solamente lus por core cu sombra.
Continue reading “Con pa usa e forsa di nos sombra pa trese cambio den nos bida”

Tip pa maneho social. Rotterdam – kind slaan, huis kwijt

Pakico saca un mucha di su ambiente confia, si e ta e victima di un adulto cu a maltrate? Cos pa pensa riba dje! Un ehempel di Hulanda…

mishandeld kind- mucha maltrataDe gemeente Rotterdam heeft een nieuw wapen tegen kindermishandeling: het actief inzetten van huisverboden. Dat gebeurt nu al met enige regelmaat, maar Rotterdam wil het structureel gaan inzetten als aanvulling op bestaande maatregelen, zoals het kind uit huis plaatsen onder toezicht van de kinderbescherming. Dit protocol maakte de Rotterdamse wethouder Hugo de Jonge vandaag bekend. Het instrument moet ook sneller worden ingezet als professionals, zoals onderwijzers of peuterspeelzaalmedewerkers, sterke vermoedens hebben dat de veiligheid van het kind in het geding is. Het Openbaar Ministerie in Rotterdam heeft het idee om huisverboden vaker in te zetten bij kindermishandeling bij de gemeente geïnitieerd.
Continue reading “Tip pa maneho social. Rotterdam – kind slaan, huis kwijt”

E graf di defunto Betico Croes y Violencia sin sentido

Violencia sin sentido… e ta presente den diferente pais… na Aruba nos por bisa cu loke a sosode cu e graf di defunto Betico Croes ta un forma di Violencia sin sentido hopi macaber… Nos tur por juda evite… www.comprondiendobida.com

Violencia sin sentidoSiman pasa Hulanda a experencia matamento masal den un mall dor di un mucha homber jong cu a pone gran parti di e pais den shock. Esaki ta ‘on-hollands’, no-hulandes, hopi hende a expresa. Hulanda ta un pais tolerante. Den weekend Aruba a lanta cu e situacion macabre unda a haja e graf di defunto Betico Croes habri y su caha poni su dilanti. Algo increible pa hopi hende y mescos cu nan expresa na Hulanda, mi opinion ta cu esaki ta ‘no-Aruba’. Cu esaki mi kier men cu mi no por imagina mi mes cu algo asina por tuma lugar den e pais cu mi a lanta aden. Aruba ta un isla unda nos ta respeta e ser humano y su comienso y su fin. Mi no kier ta parti di e discushon ken lo por a hasi’e, pasobra esaki ta trabou di e autoridadnan competente. Si mi kier hasi un jamada na cada ken cu ta stima Aruba pa hasi un saminacion di consenshi y duna nan granito di arena pa hasi Aruba bek un isla di pas… te majan… ora nos kier scirbi mas con nos por reemplasa violencia pa pas, harmonia y responsabilidad pa un pais y mundo miho…
Drumi den pas, den momento asina podise ta loke mas nos tin mester….