E prome workshop ‘Wellness cu Puro Naturalesa’ a resulta un evento dedica na felicidad

Ingrid Werleman y Francis Bulters ta menciona loke nan a topa den e prome workshop ‘Wellness cu Puro Naturalesa’: “Synergia, gratitud, alegria, relajacion, union, Amistad, respet, amor pa naturalesa, amor y orgujo pa Aruba y su hendenan”.

E bunitesa ta cu a bin hendenan di diferente nacion y profesion y tur a uni manera un famia grandi pa juda otro logra e meta. Asina a keda demostra cu tin necesidad na e tipo di workshop asina cu ta algo full diferente cu nos ta custumbra cu ne normalmente. Asina nos por uni nos forsa pa crea hunto un Aruba mas duradero y cu mas union. Diarason awor, okt. 5 ta ripiti e workshop.

workshop 'Wellness cu Puro Naturalesa' Weekend cu a pasa a tuma lugar e prome workshop ‘Wellness cu Puro Naturalesa’ na e beach poco pariba di Wilhelmina Park. E workshop ta un projecto di Comprondiendo Bida y Camacuri Wellness Garden. E workshop a atrae hopi atencion pa motibo di su concepto unico na Aruba. E la combina e forsa curativo y relajante di nos naturalesa cu hendenan cu a bin cu e intencion di busca balansa y harmonia pa nan curpa, mente y alma. Y esaki nan a haja sigur sigur. E bunitesa di e evento tabata cu un grupo di hende cu no tabata conoce otro a hasi un contacto asina bunita den solamente un par di ora y ya desde un inicio. Tabatin asina hopi elemento cu e organisadornan tabatin den mente ora a nan a planea e evento. Ingrid Werleman y Francis Bulters ta menciona entre otro: “Synergia, gratitud, alegria, relajacion, union, Amistad, respet, amor pa naturalesa, amor y orgujo pa Aruba y su hendenan”.

E bunitesa ta cu a bin hendenan di diferente nacion y profesion y tur a uni manera un famia grandi pa juda otro logra e meta. Asina a keda demostra cu tin necesidad na e tipo di workshop asina cu ta algo full diferente cu nos ta custumbra cu ne normalmente. Asina nos por uni nos forsa pa crea hunto un Aruba mas duradero y cu mas union.

E atardi tabata light, relaja y toch jen di contenido y profundidad cu tur hende a comparti. E tabata tin flow y a bay hopi espontaneo, den union, tur hende tabata acepta otro na un forma bunita.

Dor cu tabatin tambe algun masajista presente e participantenan a haja te hasta un treat di masashi cu a laga nan totalmente relaja. E programa a ensera rek y strek, scrub cu judansa di lama, massage bo mes cu hot stones di Aruba y azeta di massage cu tur hende a encanta, traha na cas y cu a laga e cutis super suave. A caba e evento cu un meditacion relajante y despues a comparti dushi thee cu nootjes y fruta.

A tene e grupo chiquito pa asina tur hende por haja suficiente atencion. Pa duna mas hende chens pa participa ta organisa un otro workshop ‘Wellness cu Puro Naturalesa’ diahuebs awo, oktober 6 y diasabra, oktober 15 di 5 or atardi pa 7 or anochi. Esaki ta un bunita oportunidad pa bin den famia y hasi un actividad cu ta transforma bo bida pa uno hopi mas bunita y yen di energia bunita. E workshop aki tambe lo ta pa un prijs special di solamente 25 florin pa nos hendenan local.
Mas info & registra? Tel. 741 3300 (Ingrid) Tel. 734 1994 (Francis) of bay na e websitenan www.camacuri.com of www.comprondiendobida.com of Comprondiendo Bida riba Facebook.

De Wit & Van Dorp Stores ta sostene projectonan cultural y creativo

De Wit & Van Dorp Stores ta sostene projectonan cultural y creativo. Pakico? Pasobra nan ta kere den duna bek na e comunidad cu ta sostene nan…Awe un relato di un exposicion recien di Franco Koolman cu e titulo ‘E Arubiano Nacionalista’: 25 Aña di Status Aparte.

van dorp pageDesde hopi anja De Wit & Van Dorp Stores ta sostene projectonan cultural y creativo. Van Dorp Bookstore ta conoci specialmente pa e promocion di bukinan den Papiamento. Pero ainda tin hende cu no sa cu Van Dorp ta sostene tambe projectonan cultural y creativo. Asina den e ultimo lunanan tabatin un actividad impresionante cu tabata e exposicion di Franco Koolman. E biaha aki e exposicion ta titula ‘E Arubiano Nacionalista’: 25 Aña di Status Aparte.

E prome exposicion di Franco Koolman tabata na aña 2008 y tabata titula Arte y Historia di Aruba. Franco Koolman a cuminsa pinta na aña 1999. Franco nunca a sigui un curso di pintamento. El a ser inspira dor di e conocido pintor Arubiano Johannes Donati. Su estilo di pinta ta realistico y irrealistico. Hopi di su cuadranan tin e tema historico manera casnan y situacionnan historico.
Continue reading “De Wit & Van Dorp Stores ta sostene projectonan cultural y creativo”

Birando E Cambio tabata un workshop diferente…

Laga bo accionnan y pensamentonan ta e regalo di mas grandi cu bo ta duna na bo mes y bida mes… e resumen di e workshop ‘Birando E Cambio’…

tile workshop -birando e cambio -1Edjean Semeleer a habri e anochi cu e cantica ‘Recuerdo’ di Ramon Krozendijk cu a laga tur hende keto keto…pa Edjean y hendenan presente ‘Recuerdo’ ta simbolisa E Aruba cu nos tur ta stima y cu ta cambiando cada dia mas…pesey Edjean ta bisa: “Den cada rol di nos bida, ta bon pa nos ta conciente di e ehempel cu nos por ta cu e cosnan cu nos ta hasi, bisa y pensa”. Danki Edjean, abo riba bo mes ta un inspiracion di e Arubiano di noble curason. E ta radia, no solamente di bo canto, pero di henter bo ser.

Belquis Moreu a comparti 4 palabra cu por juda un hende transforma su bida. Nan ta ‘danki’, ‘mi stima bo’, ‘despensa mi’ y ‘pordona mi’. E publico a bisa e palabranan mientras nan ta hasi tapping.
Continue reading “Birando E Cambio tabata un workshop diferente…”

Edjean Semeleer ta bin canta ‘Amor’ na workshop ‘Birando E Cambio’

Mi ta invita bo pa experencia un rato pa ‘bo mes’, cu a lo largo lo bira un rato pa tur loke ta rondona bo, hunto cu Belquis Moreu, Giovanna Fijn, dr. Carlos Viana y… Edjean… awe, diahuebs, 7.30 na Spirit of Aruba, Ierlandstraat 22, Eagle…

edjean, ingrid, nathalie Edjean tabata e prome persona cu a anuncia cu e lo bin e workshop ‘Birando E Cambio’ di Comprondiendo Bida. Mi a invit’e pa canta di amor pasobra e ta un hende cu ta inspira sentimento di amor cerca hopi hende. E la priminti cu e lo bin. Mi a topa Edjean na e anochi festivo di Viva La Donna Day y mi pidi’e pa canta un cantica special, un cantica cu lo toca hende su curason. Esey e lo hasi awe nochi. Nos a papia hopi y mi tin cu bisa cu mi a sinja hopi di Edjean. E tin un curason noble y un vision hopi grandi pa su edad hoben. E por ta un ehempel bunita pa otro hoben, cu tin sonjo grandi. E la jena mi cu orguyo di mi pais. E tin bunita pensamento con nos cada un por tin un rol como ehempel di otro y con nos por juda otro pa logra nos metanan. Sin mester di kibra otro pa nos por luci y bay dilanti.

Esaki en berdad ta e pensamento nobo si nos kier un dia ‘Bira E Cambio’ cu nos kier mira. Bida no semper ta facil, cambia tampoco, pero e ta tuma un stap, hopi humildad, hopi pashon y perseverancia pa mira e cosnan cu ta importante di berdad. Edjean ta un cantante hopi stima pa hopi hende, e tin fama riba su dushi isla Aruba, pero e ta canta y baila pa bon causanan y ta brasa cada persona cu aserc’e.

E anochi ‘Birando E Cambio’ lo bira un anochi pa nos vooral ‘sinti’ hunto kico ta amor… pa tur loke ta biba.. kico ta nifica trankilidad den nos curason, den nos curpa, den nos celebro cu hopi biaha ta hopi cansa.

Mi ta invita bo pa experencia un rato pa ‘bo mes’, cu a lo largo lo bira un rato pa tur loke ta rondona bo, hunto cu Belquis Moreu, Giovanna Fijn, dr. Carlos Viana y… Edjean… awe, diahuebs, 7.30 na Spirit of Aruba, Ierlandstraat 22, Eagle… Ta pidi un contribucion chiquito di 20 florin, un pareha ta paga 30 florin… un inversion den bo calidad di bida y felicidad.

Hubada Gezag

Hubada gezag © Bethsarim van Koetsveld-Brinez. Cu amor pa Aruba…na caminda pa 25 anja Status Aparte

hubada

Un contribucion di Bethsarim van Koetsveld-Brinez

Tempo di mi tempo,
Back in my day,
ora mondi tabata reina,
when the bush reigned,
cu splendor mi tabata briya,
I glowed with splendor,
cabrito so tabata morde na mi sumpiña.
only the goat nibbled on my thorns.

Continue reading “Hubada Gezag”

Con pa atrae amor den bo bida

Con pa atrae amor den bo bida? Bo kier experencia amor? Awel, simpel… trese amor den bo ser. Pensa pensamentonan limpi y bunita pa bo mes y pa otronan… www.comprondiendobida.com

liefde is alles overwinnenBo kier experencia amor? Awel, simpel… trese amor den bo ser. Pensa pensamentonan limpi y bunita pa bo mes y pa otronan…

Hasi accionnan di amor… amor di berdad… amor cu ta sali di bo esencia…
For di e mas profundo di bo ser…

Ora amor ta bira mas y mas parti di ken bo ta, bo lo experencia amor…

Amor lo bira e refleho pa e mundo pafo di bo, di loke ta resona den bo alma, e spiel di loke abo a bira…amor puro y puro amor…amor riba pia…

Bo mundo externo lo atrae loke ta vibra den bo interior…esta amor y bondad y comprension, hermandad y humanidad…

Bo ta surpasando bo sumpinjanan y dolornan di bida pa traha lugar pa un experencia mas halto…

Amor pa bo, ja no ta mas un cos cu bo por cumpra of bende, exigi of basila…
 
Abo a ‘bira’ Amor… for di e paden di bo ser y amor a bira bo derecho como jiu di un universo cu ta bondadoso…

Bo lo atrae abundancia, gracia y gratitud den bo ambiente di bida.

Pakico? Pasobra amor a bira bo focus… e ‘caminda’ y proceso di bo bida y no e meta…

Amor berdadero no ta algo pasajero…

E ta hinca den cada fibra di bo ser…

E ta bira bo energia fundamental riba cua bo ta orienta bo mes….

Hasi’e  bo meta awo pa no laga e energia aki sali di bo ser…

Bo lo desea pa otro loke bo ta desea pa bo mes y vice versa…

Awo bo ta cla pa biba un bida perfectamente integra, cu alegria, conecta cu bida den su totalidad, cu poder pa manifesta cu pas y tur placer di mundo…

Bo ta cla pa cuminsa?

De zang van de kwihi boom

De zang van de kwihi boom

Er zit leven in mij…

Weet je…

Ik heb wortels…een lijf…armen en benen

En ook nog een kruin…

Ik heb hier jarenlang gestaan…

kwihi-boom

Geschreven uit liefde voor de Arubaanse natuur:

De zang van de kwihi boom

Er zit leven in mij…

Weet je…

Ik heb wortels…een lijf…armen en benen

En ook nog een kruin…

Ik heb hier jarenlang gestaan…

Weet je…

Zonder me te kunnen verplaatsen…zoals jij

Ik heb levens zien komen en gaan…net als jij…

Leventjes van vogels…van mensen…

Ik heb op de tonen van de wind gedanst…

Net zoals jij deed als je gek wou doen…

Ik ben een met de wind, de lucht, de sterren, de planeten…

Met jou…

Weet je…

Als je dat wilt…

Jij en ik…

Zie je mijn takken dansen?

‘Dat’ doe ik voor jou…

Dit is mijn zang…

– Ingrid werleman 2009

Continue reading “De zang van de kwihi boom”

Obra creativo di carnaval pa traha cu bo yiu na cas

Obra creativo di carnaval pa traha cu bo yiu na cas. Cu poco cos muchanan por traha cosnan masha bunita… esaki mi a sinja dor di traha hopi anja cu mucha. Loke mucha kier ta atencion y tempo di e hendenan cu ta stima nan. Awor si nos combina esaki cu un tiki material cu hopi biaha nos tur den cas, nan mes por traha nan ‘Obra creativo di carnaval’. www.comprondiendobida.com

cos-leuk-pa-Carnaval-pa-hasi-cu-bo-yiu-na-cas-2Cu poco cos muchanan por traha cosnan masha bunita… esaki mi a sinja dor di traha hopi anja cu mucha. Loke mucha kier ta atencion y tempo di e hendenan cu ta stima nan. Awor si nos combina esaki cu un tiki material cu hopi biaha nos tur den cas, nan mes por traha nan ‘Obra creativo di carnaval’. Y despues hunga cu nan ruman of amigonan di cas. Esaki por ta material manera karton, papel di color, lijm, stift of potlood, slinger of sinta cu hopi biaha nos ta kita di regalo y warda. Loke mucha ta haja dushi pa traha cu n’e tambe ta glitter, boton, figura di foam y steenchi. Bo por cumpra esakinan hopi barata na diferente lugar.

Continue reading “Obra creativo di carnaval pa traha cu bo yiu na cas”

Mi amor pa Abo…

Mi amor pa Abo…E lo jena e espacio entre amor y pashon …
Pasobra mi ta realisa cu pashon un dia por disparse …
E amor ta keda existi ….Esey mi tabata sa di dia cu mi a crusa wowo cu bo pa prome biaha….Maske ainda mi no tabata conoce e profundidad di bo alma…

piedra di amor ArubaE lo jena e espacio entre amor y pashon …

Pasobra mi ta realisa cu pashon un dia por disparse …

E amor ta keda existi ….

Esey mi tabata sa di dia cu mi a crusa wowo cu bo pa prome biaha….

Maske ainda mi no tabata conoce e profundidad di bo alma…

Mi a sinti un base pa confiansa…

Continue reading “Mi amor pa Abo…”

Sinti bo mes bunita y sexy despues di cancer

Sinti bo mes bunita y sexy despues di cancer. www.comprondiendobida.com

E prome Pink Runway Aruba (oktober 2010) a nifica kibra cu hopi taboe rond di e malesa di cancer. E evento aki a mustra cu ya hopi hende muhe no ta mira cancer como e fin di nan ser femenino y bellesa. Nan a lusi riba pasarela y a capta curason di tur presente. E bon noticia ta cu e apojo masal rond di mundo a juda hopi hende muhe cu cancer haja nan balor propio bek, tambe na Aruba.

Continue reading “Sinti bo mes bunita y sexy despues di cancer”