Amor y Adiccion… E storia di e bichi y e barbulet … Dimitri Halley y Ingrid Werleman

The story of the catterpillar and the butterfly… lfor those who want the real life…

Dimitri Halley
Dimitri Halley

Dimitri:…E storia e bichi y e barbulet ta conta di e bichi cu ta biba den e creencia cu e lodo cu e ta biba aden, ta tur loke cu tin den bida p’e. E ta kere cu ta muri e ta bay muri ora e proceso pa bay den e coccoon cuminsa. E no sa cu e lo transforma den un barbulet bunita. E barbulet cu ta nace for di e bichi sushi ta sinti su mes asina felis den su mundo di beyesa cu e ta lubida pa bay bek y conta e bichinan cu a keda atras, cu tin un bida mas bunita ora bo transforma y tribi di bula mas halto.

E proceso aki lo yega finalmente pa touch e cualidadnan mas halto den un hende.

Asina nos por jega na un cadena di amor berdadero cu hopi lihe por transforma nos isla y evita asina tanto problemanan social, relacional y problemanan di adiccion den tur sorto di forma.

Ingrid: E prome parti di e storia di e bichi y e barbulet ta un metaforo pa nos miedo pa confronta cosnan cu ta molestia nos y ta kita nos alegria den bida. Nos por pensa cu biba den lodo ta menos doloroso cu pasa den e proceso pa wak nos sombra y traha na nos cosnan. Loke ami a sinja di hopi contacto cu Dimitri ta cu berdad pasa den e proceso aki a libera mi y kita mi miedo di mira y papia riba cosnan cu ta hasi dolor. Papia riba mi dolornan ta sacudi tambe e lodo di mi curpa y ta hasi e proceso pa bira un barbulet bunita hopi mas suave, aunke no menos doloroso.

Pasobra juist den e dolor ta sinta tambe e cura. Pa mi e biahe di e barbulet ta fascinante. Di otro banda mi a sinja pa no cay den comfortabilidad di bida. Mi prome responsabilidad den bida ta cu mi mes y for di e relacion aki cu mi mes, mi ta mantene cada relacion. Y cada relacion ta rekeri su propio mantenimiento…mescos cu un auto…

E biahe di e barbulet ta fantastico… pero e no ta sin reto… e pregunta ta si un bida sin reto ta posibel…   mescos cu e pregunta si abo ta cla pa bo biahe di bichi pa barbulet… Exito… e ta bal cada paso!!!

Leave a Reply

Your email address will not be published. Required fields are marked *