About

Comprondiendo Bida…E Rason di nos existencia:

Foto Ingrid WerlemanCompronde bo Bida… hasi algo bunita di dje…bendiciona tur dia….biba conciente cada momento….
Esaki ta loke nos kier logra cu ‘Comprondiendo Bida Online‘… Si ta posibel, nos lo kier a bin te den bo cas y splica bo personalmente….perooooo…como cu esey no ta alcansabel, nos a crea ‘Comprondiendo Bida Online’. Un motivacion grandi pa esaki ta e cantidad di peticionnan y recuerdonan cu ainda nos ta ricibi, di hopi fannan di e projectonan anterior di Comprondiendo Bida.

Comprondiendo Bida a nace na 1995 como un deseo di mi persona y Dimitri Halley pa comparti informacion di nos alma cu e pueblo di Aruba. Cosnan cu nos a sinja dor di e trajectoria humano y di otro hende cu a duna nan aporte na un projecto cu e unico pretencion pa comparti nan alma, mente y espiritu cu e comunidad.

Mientras tanto bida a cambia y e exigencianan tambe. Pa e motibo aki ta amplia e temanan di Comprondiendo Bida cu topiconan di interes practico di bida. Bida a bira ainda mas pura cu antes y pa motibo aki, nos ta inclui tambe tips pa hasi nos bida den tur sentido mas facil. Esaki por ta di e cos mas chiquito den bo cas te e make over total di bo garage of cas.

Tips practico:

Cu experencia di hopi anja scirbiendo riba temanan di bida y alma nos ta selecta nos profesionalnan local cu kier contribui na un comunidad mas felis y bunita. Den esaki nos ta monitor e calidad di informacion. Nos kier scirbi di tur tema y asina contribui na kibra silencio riba temanan cu ta taboe den nos comunidad.

Abo tin deseo di haja informacion riba temanan di bo interes?

Cada un di nos tin su propio interesnan den bida…un persona ta haja importante pa haja sa con pa mehora su tecnica di medita y otro hende ta desea di haja sa mas con pa mehora su relacion, of con pa duna un miho contribucion na nos medio ambiente. Pesey nos ta pidi si bo tin necesidad na informacion, laga nos sa. Bo por hasi bo preguntanan riba nos blog.

Bon bini na ‘Comprondiendo Bida Online’…

Danki pa referi nos na bo amigo y famianan, na Aruba y den exterior…

Eugenia Ingrid Werleman…

3 thoughts on “About”

  1. Very very Cool! E timing ta perfecto. "Toevallig" awe ma drenta La Linda y e prome seniora cu ma aserca, a puntrami: "abo ta Dimitri Halley?" E tabata cordami di e.o., Comprondiendo Bida. E kier a contami un sonjo di su jui muher cu tabata den un dilema. Y bo sa kiko? E sonjo tabata exactamente e solucion perfecto pa su jui. Mi kier deseabo hoooopi exito cu e re-birth di CB. Mi ta sigur e ta bai tin mesun hopi exito cu e prome biaha.

    un pabien grandi, dimitri

Leave a Reply

Your email address will not be published. Required fields are marked *