Van Dorp ta apoya nos escritornan local y nos dushi Papiamento.
Ursula, un mucha muhe di diescinco aña, ta biba huntu cu su mayornan y a caba di gradua. Pa un temporada tur cos ta bay bon, Hitler, cu ta na poder ta esun cu ta dicidi kico tur hende mester haci. E ta pasa den cosnan malo, pero despues e ta mehora un poco. Eta siña conoce Joop, un Hulandes manda pa bin traha na Alemania y ta namora na dje. Despues di guera Joop ta bay bek su pais, pero ta priminti di bolbe p’e. Joop ta bolbe y nan ta casa pa despues bay biba na Hulanda unda Ursula ta spera di haya un bida nobo, yen di felicidad pa lubida tur loke el a pasa. Futuro lo dicidi si cos ta bay manera e ta spera.
Manchi (Herman Hennep) a nace na Aruba na 1942.
Despues di scol basico na DE LA SALLE SCHOOL, el a bay MULO na DOMINICUS COLLEGE. Despues el a bay afo y a bolbe poco aña despues como maestro di scol. El a traha na diferente scol basico y a lanta un trio cu a carga e nomber TRIO CARIBE. Na 1971 el a bay Hulanda. Aya e a traha como maestro di scol y a toca den su oranan kiber. Aya el a saca su prome disco 45 cu DUO CARIBE. Na 1974 e duo aki a gana e prome songfestival antiyano na Hulanda. El a yega di gana tambe den competencia di poesia na Hulandes. Na 1983 el a bay hospital pa un dolor den su lomba y despues di dos operacion el a keda paralitico. Ya cu e no por a eherce su profesion mas, el a dedica hopi tempo na skirbi cantica, poesia y storia cortico. Tambe el a skirbi diferente columna na Diario. Esaki ta su di tres buki, dedica na hubentud di e islanan ABC.
Diasabra dia 3 di September Manchi Hennep lo ta presente na Van Dorp Book & Office Dakota pa presenta su buki nobo pa esnan cu ainda no a cumpr’e. Pasa busca di bo y laga Manchi firm’e pa bo.
Sr. Hennep lo ta na Van Dorp Dakota for di 11.00 a.m – 1.00 p.m