Bio

Mi ta Eugenia Ingrid Werleman, mama orguyoso di Ralph, Garreth y Randall y wela di Ransley y Xummer. Mi a gradua den Community Development, H.B.O. na Sociale Akademie Markendaal na Hulanda. Despues mi a hasi e prome anja di MO-pedagogiek na K.U. Tilburg. Y a sigi cursonan di relacionnan publico y den hopi ramo di comunicación, campanjanan di conscientisacion, creatividad y desaroyo personaly spiritual.

Mi a traha den trabao educativo den bario na Aruba y Hulanda. Desde chiquito mi a ocupa mi mes cu e misterionan di bida y dor di un mescla di trabao y interesnan personal mi a desaroya hopi actividad den e ramo di desaroyo personal, spiritualidad y salud, entre otro e talkshow y revista ‘Comprondiendo Bida’.

Riba tereno di curacion y relahacion mi a profundisa mi mes den E.F.T., Reiki, uso di energia di curpa, meditacion, reflexologia, steenmassage y uso di aromanan natural. Mi a traha den projectonan educativo y relacion publico pa hopi empresa chiquito y grandi na Aruba y ta scirbi articulo y organisa workshop freelance.

Mi ta sumamente orguyo di a inicia e Comprondiendo Bida Online. Ban hunto hasi’e exitoso…

7 thoughts on “Bio”

  1. Y mi ta ruman muher di Tuyo Werleman, jui di Daniel, biniendo di un famia grandi, humilde. Chikito nan tawata jama nos e muchanan di bou cero (Alejandro) Pazuid di caminda tawata stad, y si bo nomber ta Arends, Bislik, bo ta elite. Dios a dota nos cu e elite di inteligencia, haci nos cruza hopi frontera en busca di nos mes, e mundo y e berdad.
    Awendia ainda nos ta hende di bou cero!
    Sis, I love you!

    1. Y mi mama jama Agustina, miho conoci como Tina… mi tin hopi ruman cu ta stima otro…. Mi a topa hende di tur clase, rango, color, religion y pensamento den mi bida… Semper mi a contesta ora nan puntra mi di unda mi ta bin … ' Mi ta mucha di pia di sero y orguyoso'.. Mi no tabata sa cu nan tabata jama nos muchanan di bou cero (Sero Alejandro)… pero nos tur ta bin di un caminda… no ta importa unda bo a nace, pero kico bo a hasi cu bo bida…Bida ta un caminda, unda tur dia ta un regalo di Dios… Love you 2…

  2. Danki di curazon. Pa e bunita site aki.semper mi tawata lesa tur e topiconnan cu tawata sali dencorant.
    mi ta hajanan hopi interesante educutivo.pabien cu e bunita site aki .Cu Dios sigi inspira bo y bendiciona bo

    esaki tambe sigur ta un otro regalo di Dios

    juanita

    1. Danki Juanita…

      E exito ta paso e ta inspira pa nos comunidad y nos hendenan… y e potencial cu nos cada un tin…

Leave a Reply