Unda spiritualidad ta cuminsa?

spiritualidad ta hopi in awendia… pero unda e ta cuminsa?….

IngridE ta cuminsa den bo curason…den bo escogencia pa manifesta e imagen di Dios. Den tur cos cu bo ta hasi. Abo por cuminsa confia e amor cu tin den bo, cu ta pasa manera un coriente di bida den bo. E lo trese e circumstancianan exacto pa bo bira un mensajero di Divinidad y di bida. No warda riba otro, tuma iniciativa. Si bo keda  warda riba e persona banda di bo pa actua, podiser bo por warda pa semper y NADA lo sosode. Cambia bo mes y lo cambia e mundo rond di bo.  Dios no por ser comprendi, solamente experencia…

Nos por salba e mundo? Universo ta perfecto… mundo riba su mes tampoco tin un agenda… humanidad tin un agenda… nos ta contento cu bida riba mundo actualmente? Anto e ora preserva, pone bo mes den servicio di e mundo, prome cu tur e otro cosnan pa cual bo a scoge conciente…den servicio pa e futuro generacion…esaki podise por  ta bo prioridad number uno…?

Con bo por sa esaki? Dor di ta mas creativo y pensa mas leu cu bo bida di tur dia. No tin nada malo pa tribi di sonja sonjonan grandi. Ta sonjonan grandi cu ta bira realidad so lo cambia bida riba nos mundo.

Nos por salba e mundo?
Corda esaki bon: ‘E mundo ta salba su mes…(di nos)…ta nos mester salba nos mes como especie humano….’

Di con?
• Tin asina hopi guera masal rond mundo y nos por puntra nos mes kico esaki ta bisa di nos moralidad como sernan humano. Esta cu nos mes ta cabando cu nos especie

• Tin especie di bestia (fauna) y matanan (flora) cu ta desapareciendo tur dia

• Nos clima ta cambiando radicalmente y desasternan natural ta dunando nos un senjal con nos mes ta afectando nos habitat

Pesey ta importante pa nos preserva. Esaki ta nifica sirbi Bida prome cu tur cos. Recorda ken bo ta, un ser divino y actua como tal. Esaki ta un forma nobo di spiritualidad cu ta pone ‘Bida’ como e balor mas halto. Traha mas cu bo supra conciencia cu ta juda bo logra integracion di bo alma cu Dios y su Divinidad. Si bo ta kere den bida bo kere den un Creador tambe. Bida Ta Tur Cos. E no tin color, e no tin holor, ni e tin forma. E no ta recompensa bo si bo ta kere aden, tampoco si bo no ta kere aden. Bida semper lo sigi su caminda, pasobra ‘Bida’  simplemente TA.
Ta na ami y abo ‘con’ nos kier sostene ‘Bida’…Bo ta cla?….

5 thoughts on “Unda spiritualidad ta cuminsa?”

  1. Berdad, nos por comprende bida tur dia un tiki mas…..nos curazon cu emocionnan bunita, cu gradicimento pa bida en su totalidad. Y guia pa nos consenshi tambe……Ta hasi dolor pa wak nos naturaleza wordo destrui poco poco. Ingrid, bo sa cu semper mi a admira’bo pa bo fe, bo insight, bo amor pa bida. Bo a acepta bo retonan y a surpasa situacionnan cu a hasi dolor talves, cu bo positivismo y den tur trankilidad. Wak con bunita bo bida ta sigui desaroya ? Pasobra bo ta un inspiracion bunita pa otro…… Cu Dios, nos Creador sigui bendicionabo awe y semper, manera Padu ta bisa. KEtobai ainda ami tambe sa keda babuca, ora cosnan asina bunita sosode cu mi, den mi caminda di bida, den feliz compania di mi casa cu hopi amor. Thanks for sharing from your heart with the hearts of others…..God bless !! Ruthy V,

    1. Danki Ruthy…pa bo bunita comentario… bida ta esey… sinja y sigi… ora bo ta biba di bo curason, hende por purba kibra bo, pero e arte ta pa lanta semper bek y sigi cana cu bo fe fuerte manera bo ta scirbi… y comparti bo experencia cu e resto di mundo. Mi ta convenci cu semper nos por sinja di otro.

      Importante ta pa nos no pensa cu nos ta donjo di e informacion, paso esaki nos no ta… Importante ta pa nos por comparti sin ofende otro… importante ta pa nos realisa cu cada un di nos tin nos caminda di bida y cu no tin bon ni malo den esaki, solamente lesnan pa sinja.. God Bless you too and bring you lots of happiness…

  2. Boso por a yega di pensa cu Dios/Spiritualidad ta gewoon un manera pa ganja hende pa nan sinti bon di bida?

  3. Ta importante pa respeta cada hende su opinion… Cada hende ta scoge con nan kier sinti bon of no den bida. Ta nan responsabilidad. Ami ta scoge Dios y spiritualidad como modelo pa e bida cu ami kier biba. No solamente modelo, pero di hasi un esfuerso pa practica loke mi ta predica… pensa bon y hasi esfuerso pa duna lo miho di mi… Mi kier contribui na un miho calidad di bida, pasobra esey ta loke mi ta kere nos tin derecho ariba… no violencia, no guera… pas y amor, respet, trankilidad… Mi ta spera mi a contesta bo pregunta… felis dia

Leave a Reply

Your email address will not be published. Required fields are marked *