Un danki special … Riba ‘dia di bisa danki’… un danki special na tur hende cu a acepta y apoya ‘Comprondiendo Bida’… no di awo, pero di 1995 cu nos a cuminsa cu e projecto.
Comprondiendo Bida a nace como un deseo pa comparti informacion di bida y alma cu e pueblo di Aruba. Mientras tanto bida a cambia y e exigencianan tambe. Pa e motibo aki ta amplia Comprondiendo Bida cu topiconan di interes practico di bida.
Nos kier scirbi di tur tema y asina contribui na kibra silencio riba temanan cu ta taboe den nos comunidad.
Pa e projecto www.comprondiendobida.com mi kier bisa un danki di curason na prome lugar na mi yiu Ralph Albertus pa semper a kere den ‘Comprondiendo Bida’ como projecto. E la hasi un bunita trabou disenjando e website na un forma profesional y creativo mane e so por! Mi ta agradecido pa su talento y su opinion semper observativo y al caso. Y como awe Ralph ta hasi anja… un pabien extra!
Tambe na tur e hendenan cu a duna nan contribucion cu e articulonan y asina comparti nan profesionalismo y sabiduria di bida.
Un danki grandi na nos medionan di comunicacion pa nan sosten y apoya asina bunita y espontaneo. Den forsa tin union… y pueblo ta gana.
Danki na Johan pa a apoya mi den henter e proceso y ta duna mi espacio pa duna bida na loke e ta jama ‘mi mision di bida’. Danki pa su amor y pasenshi…
Mi ta bisa danki na bida pa a inspira mi pa busca mi contestanan di bida y comparti esaki cu otro. Hunto nos ta logra un miho bida, un miho Aruba y un miho mundo.
Pasa un dia bendiciona… Ingrid Werleman…
Loading ...