Nos cultura di silencio

Den un comunidad chikito, taboe ta bira nos prison y nos bos nos liberacion… un pensamento di Ingrid Werleman riba www.comprondiendobida.com

mi sombra

Dushi asina e biento pasat ta zoya mi y manda mi leu…

Relaja den mi hamaca den cunucu…

Poco poco mi ta sak bay den e mundo di sonjo…

Yen di pura mi mal memorianan ta sali for di mi subconciencia…

Nan ta manifesta nan mes manera mannan cu kier choca mi…

Mi kier grita, pero mi no tin stem…

Ata mi para eynan den un kamber jen di spiel…

Y mi ta mira mi mes…y mi ta mira abo…

Mi silencio a duna mi cancer, pero den mi alma…

Bo silencio a mata un pida di bo riba un mainta tempran…

Ora bo brug natural a kibra den dos…

Pariba y pabou…parti den dos???

Bo mat’i fofoti… un otro simbolo natural…

Tambe nan a zaag cruelmente parti’e na dos…

Pazuid y panort, parti den dos?

Ultimamente a sali den corant…

1 riba cada 15 mucha na Aruba…

Maltrata of abusa …

Un porcentage demasiado halto…

Ssstttt… taboe…no mag di papia…

Ahhhh… sigur atrobe nan ta exagera…

Mi  espiritu ta protesta…

Mescos cu bo espiritu…bo alma…

Mi no kier mas…mi no por mas…

Pero…mi no mag di papia…y abo tampoco…

Ansha…miedo di represaya…restonan colonial…

No ta importa ki bo sa, pero ken bo conoce…

Nan ta papia jen di cos riba mi, pero nan no ta bisa ami nada…

Cultura di silencio…

Diripente…silencio mortal…

Lanta mi for di sonjo…

Pura, pura lihe…

Mi wowonan ta habri atrobe…

E solo ta sali…

Mi mal sonjonan…

Nan ta smelt bay…

E solo ta sali…

E solo ta sali…

E solo ta sali…

–Ingrid Werleman

Leave a Reply

Your email address will not be published. Required fields are marked *