E poder di bo sub-conciencia…Kico bo tin den bo mente?

IjsbergProme cu bo usa bo sub-conciencia, bo mester conoce su principionan, su leynan.

E leynan mas importante ta esakinan:

Cada imagen visual concreto cu tin tur nos atencion, tin e tendencia di realisa su mes.

Si e boluntad y e creencia ta contradeci otro, semper y sin excepcion boluntad ta perde. Si bo ta malo y bo ta kere (creencia) cu bo no ta bira bon, bo lo no cura ni maske con hopi bo lo kier (boluntad) esey. Hopi hende ta pone tur nan boluntad pa yega un meta, pero no ta logra. Otronan ta usa nan imaginacion y si ta logra. Un condicion primordial pa logra ta pa no carga pensamento y imagennan cu ta contradeci e meta.

Cada intento cu bo hasi pa logra algo, sin usa bo imaginacion bibo ta casi destina pa fracasa.

Bo mente tin dos parti, e parti conciente (10%) y sub-conciente (90%). Abo ta e hardinero. Tur dia nos cada un ta plantando simianan di pensamento den nos sub-conciencia cu ta forma nos realidad di cada dia. Loke bo sembra bo lo cosecha den bo bida y bo alrededor. Pesey corda semper ‘Sembra bon, pa bo cosecha ta abundante’. Esaki ta cuminsa cu un accion simpel, pero super importante, esta ‘cuida bo pensamentonan’. Pasobra loke bo pensa, bo ta atrae den bo bida. Asina tin hopi hende cu ora bo puntra nan ‘con ta bay cu e bida?’, nan ta contesta ‘luchando’. Y aunke hopi biaha nan no realmente kier men esaki y nan no ta realisa cu e mensahe cu nan ta mandando pa nan sub-conciencia ta ‘bida ta un lucha’. E sub-conciencia na su turno lo crea e circumstancianan perfecto pa bo bida bira un lucha.

FietspadImportante ta pues pa bo controla bo mente sub-conciente. Una bes cu bo logra esaki, bo por cuminsa traha pa asina hasi bo deseonan di curason realidad. Un otro cos importante pa bo sa ta cu ‘e mundo paden ta crea e mundo pafor’. Bo pensamento y bo deseonan genuino di bo curason ta bo poder creativo.

Bo mente sub-conciente semper ta obedece bo mente conciente. Bo mente conciente ta duna orden na e subconciencia y esaki ta realisa e orden cu e ricibi. Bo mente sub-conciente no ta cuestiona loke e mente conciente ta bis’e. E no ta husga. Un ehempel di esaki cu mayoria hende conoce ta esun di un show di hypnosis unda hendenan ta saborea un lamunchi zuur, paso e hypnotisador ta bisa nan cu e ta dushi.

Pa duna un otro ehempel: Si bo ta custumbra di bisa cu bo no por permiti bo mes pa cumpra algo, bo mente sub-conciente ta obedece y ta crea e circumstancianan perfecto pa bo no por cumpr’e.

Tin ehercicionan cu nos por hasi pa train nos mes pa pensa mas positivo na un forma mas conciente:

Hasi un esfuerso pa corda kico bo tabata pensa e delaster 15 minuut cu a pasa. Pensa pa bo mes con hopi cos negativo of positivo bo a pensa. Cada biaha cu bo hasi e ehercicio aki, purba hasi bo custumber pa elimina cada pensamento negativo cu drenta bo mente.

Na final di dia hasi un recorido di e pensamentonan cu a pasa hopi bes den bo mente. Esakinan ta loke ta domina bo bida. Nan ta determina bo patroonchi di pensamento. Bo ta pensa hopi riba malesa of problema of scarsedad?  Realisa cu bo ta atraendo nan den bo bida….

Unifica bo mes cu e bon cosnan cu bo lo kier pa ta den bo bida. Mira bo mes ta parti di e cosnan aki y ripiti e pensamento aki cada bes pa bo mes…

Dicidi awor, tuma e decision pa hasi bo bida mucho mas dushi, grandi y noble. Den bo mente sub-conciente tin un sabiduria y poder inmensamente grandi pa desaroya y trese na expresion.

E clave ta ‘tuma decision, scucha e hintnan, e mensahenan cu bo ta haya y confia bida…

Saca for di ‘The power of your sub conscious mind’ di Dr. Joseph Murphy.

Book cover


3 thoughts on “E poder di bo sub-conciencia…Kico bo tin den bo mente?”

  1. Mi a lesa e buki aki differente biaha! Hopi bon materia pa cuminsa sculpture bo bida y metanan!! Danki pa e traduccion! As within, as without!! Saludos!

Leave a Reply