Hopi hende na Aruba no ta drumi bon… Tips pa un soño saludable!

In need of some valuable tips for a healthy sleep? Dr. Falconi helps us to explore some…

Jaime FalconiDi dos parti di un entrevista cu Dr. Jaime Falconi, neurologo y psichiatra

• Aceptacion di e reto y problemanan den nos bida.  Hopi famia na Aruba conoce situacionnan cu no ta facil. Cuido di nos yiunan den un sociedad cu tin hopi mas peliger cu antes…cuido di un mayor cu ta dement… morto den famia cu ta hinca hende den un proceso di luto largo…

• Informa bo mes di e importancia di un bon descanso pa bo curpa y mente.  Tin diferente etapa den drumimento. Etapa 1, 2, 3 y 4. E fase 4 aki ta conoci como e REM-fase (Rapid Eye Movement). Esaki ta e fase mas profundo di bo soño cu ta duna e curpa e sosiego mas profundo. Hopi hende no ta yega e fase aki y dor di esaki ta drumi y lanta cansa.

• Tin tecnicanan cu ta yuda. Tin hopi cos cu por yuda nos awendia. Ehercicionan simpel di yoga y meditacion. Tin cd y casette riba mercado cu ta yuda bo relaha bo mes prome cu bo ta drumi y ta hasi posibel pa drumi mas profundo. Te hasta musica trankil ta yuda, si bo no tin otro musica.

• Cambia e ambiente cu bo ta drumi aden. Hasi bo camber un lugar agradable, un lugar di sosiego. Esaki no mester costa hopi placa. Hasi bo camber un lugar pa drumi, saca aparatonan electronico di bo camber.

• Condiciona bo mes pa drumi bon. No repasa e problemanan di dia prome cu bo bay drumi. Prepara bo mes pa mayan cu confiansa y fe cu tur cos lo sali bon y cu mayan lo ta miho cu awe. Asina bo ta train bo mes pa haya e forsa mental pa Sali tur dia un tiki mas padilanti.

• Realisa cu bo tin un problema cu drumimento. Si ta necesario busca yudansa profesional. Tin terapianan multi-funcional pa traha na problema di insomnio cu ta hopi exitoso. Y esakinan no necesariamente ta nifica cu bo mester tuma pildo pa drumi, pero mas bien bo tin cu cambia bo patroonchi di bida.

• Finalmente entrega bo mes na e soño. Bisa bo mes cu ‘awor mi ta bay drumi’… drumi dushi…e ta un fuente importante pa un bida felis…

Danki na dr. Falconi pa su contribucion….

Leave a Reply

Your email address will not be published. Required fields are marked *