Bo Salud – Comprondiendo Bida

Por ta cu preocupacion ta stroba bo soño…

Tempo ta pasa…con hopi a cambia den bo bida? Prome parti di un entrevista na 2010 cu Dr. Jaime Falconi, neurologo y psichiatra.
…Hopi hende ta drumi malo… nos sa cu tin hopi cos cu no ta klop den nos bida, pero nos no ta busca yudansa…nos ta prefera di wanta e berguensa y kibra nos cabes, keda sin drumi…

Tempo ta pasa…con hopi a cambia den bo bida? Prome parti di un entrevista na 2010 cu Dr. Jaime Falconi, neurologo y psichiatra. Tanten dr. Falconi ta felismente penshona y ta duna su cooperacion riba peticion.

Dr. Jaime Falconi, neurologo y psichiatra Arubiano tin e tema aki como un punto di atencion grandi. E no ta solamente un problema serca hende grandi, pero pa hopi tempo caba e ta un fenomeno cu nos ta wak tambe serca hobennan y te hasta serca muchanan hopi chikito.

Di con?
• Pasobra nos custumbernan di biba a cambia, consecuentemente tambe nos ritmo di drumi.

Antes nos tabatin 2 of 3 canal di television. Awendia nos tin cable y dish cu un cantidad grandi di canal, 24 ora pa dia. Nos tin internet, ADSL 24 ora pa dia. Y….nos tin menos control di majornan kico nan yiunan ta hasi, ora cu lo mihor pa nan ta pa nan ta drumi. Mayornan ta traha warda, nan tin nan propio preocupacion y tempo a bira moderno. Muchanan tin hopi mas libertad cu antes, talves demasiado pa nan propio bienestar y felicidad.

• E constelacion di nos famianan a cambia. Nos tin hopi mas famia di un solo mayor. Esaki ta nifica mas obligacion riba lomba di un solo mayor. Pues tambe mas preocupacion. Mamanan cu ta lanta nan so cu nan yiu no ta un tarea facil, placa hopi bes no ta yega, yiunan ta mas rebelde. Y e mama na final di dia y prome cu e pega soño ta ocupa su mes cu e problemanan cu e mester soluciona mayan. E no tin hopi sosiego berdadero. Con bon e por drumi realmente e ora? Y bo por culp’e si e ta irita pa un periodo largo? Un situacion cu hopi biaha ta bira algo cronico, sin cu e mes ta realisa… E ta subi cama 12 or anochi, ta pega soño 1 pa 2 or madruga…Cuanto ora di soño un persona asina ta haya pa dia? Probablemente pa 5 of 6 or ya e mester ta ariba su pia pa prepara muchanan pa bay scol…

• E control social den nos comunidad a cambia. Nos ‘privacy’ ta sagrado, nos murayanan a bira hopi halto y nos no ta mete cu bida di otro. Di otro banda nos no ta preocupa cu otro mas tampoco… Ni nos ta duna otro un man asina hopi mas… Ni nos kier scucha conseho mas…nos sa cu tin hopi cos cu no ta klop den nos bida, pero nos ta prefera di wanta e berguensa y kibra nos cabes, keda sin drumi, cu busca yudansa…

• Consecuentemente nos ta cay den un circulo vicioso, cu nos curpa no ta haya e sosiego necesario…nos no ta drumi bon, nos no ta drumi suficiente y nos no ta funciona bon…pasobra nos curpa y mente no ta haya e chens pa recupera su mes… Nos mester di pildo pa drumi?

• Nos ta biba den un mundo yen di desordo. Nos kier hasi hopi cos, sali bay hopi caminda, nos kier cumpra hopi cos, nos yiunan kier hopi cos. Nos kier un television riba cada camber? Talves nos por cuminsa realisa cu tin un otro manera pa anda cu bida?

• Nos forma y orario di come a cambia. Nos ta come mucho laat, cu cuminda mucho vet. Si bo ta bay drumi cu un stoma yen, con bon esaki por juda bo pa drumi sosega?

(E ta sigi majan…)

Pensamento pa awe ‘Cuido pa nos grandinan cerca di nan cas’

Bira grandi por ta un periodo di gracia, yena cu alegria. Pa otro hende e por bin cu hopi soledad, dolor, berguensa y duda.

Nos tur tin un famia, conoci of bisinja cu ta birando grandi y no tin niun hende pa cuida nan. Na anja 1988 mi a bay un conferencia di un luna na Suecia y di e tempo aki nan a usa e siguiente modelo. Ta traha a base di e barionan. Ta duna training na personanan interesa pa cuida e grandinan, mescos cu bo lo trata bo famia cu bo ta stima.

Nan mester ta dedica y cu amor pa e trabou cu nan ta hasi. E ciudadonan di e grandinan ta prepara pa atende cu e situacionnan hopi sensitivo cu ta bin cu e proceso di bira grandi. Bira grandi por ta un periodo di gracia, yena cu alegria. Bira grandi por bin tin ora cu hopi soledad, dolor, berguensa y duda. Incontinencia, perdida di memoria, demencia, cuido den e ultimo fase di bida (cuido paliativo), cuido di herida y uso di medicamento.

Ta posibel cu e partidonan politico por paga atencion na un structura asina? Nos famianan a cambia. Por ta e yiu of familiarnan ta biba leu di otro of den otro pais. Por ta cu e famianan mes ta den problema financiero y no tin pa yuda. Pero tin hopi structura cu por pensa unda cada gremio y personanan involvi ta duna un contribucion pa hasi e cuido aki asesibel y pagabel.

Finalmente ta e grandinan aki a cuida nan yiunan y a traha pa nos por tin un bida y un pais awe.

Ingrid Werleman

E sonjo di Green Vibes…

Waiting…. for a miracle to come….

Mi no ta corda exactamente ki dia Green Vibes a habri su portanan. Mi sa cu su benida a hasi mi curason super contento. Porfin, un tienda dedica na fruta y berdura local y productonan cu por juda nos cada un sinja planta. Mas contento ora mi a jega e prome biaha y a topa tur e bakinan yen di tur sorto di berdura fresco. Mi a cumpra na smaak y a traha tur sorto di receta cu mi mes a inventa. Soppi di e berdura cu mi a cumpra, pasobra soppi di berdura semper ta smaak bon. Mi a traha veggie bitterbal, stoba di berdura y garbanzo. Ki contento mi tabata dia mi a topa cu e patianan chikito, mes chikito y dushi manera mi padushi Cojashi tabata planta den su cunucu.

Pero un dia mi a topa Ari, e donjo y e la conta mi di e contratiemponan cu e ta topa. Esta tristo con un hoben cu a hinca tur loke e tin y su alma den su pashon pa plantacion tin cu lucha pa por wanta cabes riba awa. Mi persona y otro cliente fiel tabata jud’e cu promocion via nos pagina di Facebook y palabra di boca.

Nos a keda bin bek, pero nos tambe tabata ripara cu e surtido tabata bira cada bes menos. pero toch nos a keda mantene speransa. Finalmente Ari a anuncia cu Green Vibes lo sera pa fin di april.

Esaki tabata mi e ultimo biaha cu mi a haja dushi milon local, pampuna di botter y tomati cu no ta smaak awa. Mescos cu ami, mas cliente fiel ta spera di por sigi haja fruta y berdura di The Landfarm cumpra na un otro forma, podise manera e groenteboernan antes tabata pasa bende den e becindadnan na Hulanda.

Nos ta spera riba un man cu por juda, un milager, algo, pero pa e dushi berdura y frutanan di Green Vibes por sigi jega den nos cushina… Nan ta pa cuminsa organico, non GMO y di nos propio suela y cultiva for di e pashon di un yiu di tera.

Nos ta spera….

Ingrid Werleman

Kico cancer a siña mi.

Cu hopi danki na e 3 damanan aki pa a comparti nan alma, curason, speransa, fe y balentia cu nos. Dios bendiciona boso semper!

Cu hopi danki na e 3 damanan aki pa a comparti nan alma, curason, speransa, fe y balentia cu nos. Nan tabata nos modelonan precioso pa e poster di Viva La Donna Day 2009… Carina, Ingrid y Gina… Dios bendiciona boso semper!

…Mira bida di un otro forma…disfruta conciente di cada dia…di mi famia…di naturalesa…mi a siña pa biba ‘awe’… cada dia ta un dia…tin dia duro…pero esaki ta conta pa tur hende, cu of sin cancer …stima mi mes…stop di pone otro hende semper na prome luga…duna e cancer un luga den mi bida y sigi biba, mescos cu tur otro hende… Bisa mi mes cu Dios a cura mi caba y ‘Go for life’…pa gosa di bida…siña corda riba mi mes tambe… Si mi por a cambia algo, mi lo a biba cu menos stress, menos core core… enjoy life…hari hopi…busca hende positivo rond di mi…prome mi a pensa ‘morto’, awo mi sa cu despues di cancer ‘tin bida’…

Kita cansancio di Carnaval cu un dushi masashi cu 10% di descuento

Indira Skincare ta join Comprondiendo Bida pa juda bo kita cansancio di Carnaval cu 10% di descuento! Ta dushi ora bo caba di cana, baila y gosa Carnaval pa tuma un dushi masashi

kita cansancio Special pa Dialuna fb — Love your Body

Indira Skincare ta join Comprondiendo Bida pa juda bo kita cansancio di Carnaval cu 10% di descuento! Ta dushi ora bo caba di cana, baila y gosa Carnaval pa tuma un dushi masashi cu ta juda bo relaha pa cuminsa e siman di trabou fit fit atrobe. Special pa hasi esaki posibel Indira Skincare ta join Comprondiendo Bida pa ofrece bo un dushi masashi cu ta relaha bo di cabes te pia. Pasobra Carnaval ta laga ful bo curpa bon cansa!

E special aki ta conta pa dialuna despues di Carnaval Grandi. Pero si bo no por bin riba dialuna, bo por jama pa book e pa un otro dia den siman.

Jama pa Book 584 6263 of 593 4821. Indira Skincare ta situa na Savaneta 91, net pariba di Winter Garden Supermarket. Y corda bisa cu bo a haja sa via Comprondiendo Bida pa haja bo 10%!

Stima bo curpa na un forma positivo… dun’e un dushi masashi!

New York kier prohibi botter di refresco grandi pa bringa obesidad y na Aruba?

Pa trese cambio den custumbernan cu por afecta salud di nos muchanan grandemente ta importante pa nan haja bon informacion.

NEW YORK – Den su lucha pa bringa obesidad, alcalde di New York ta propone pa prohibi botter di refresco grandi den cierto lugarnan. Glas y botter cu contenido di mas cu 473 milliliter mester ta prohibi den restaurant, cinema y den e kiosknan riba caja. E proposicion aki no ta conta pa light drinks, juice di fruta y bebida a base di lechi. Tampoco e ta conta pa bebida alcoholico. Tiendanan por sigi bende e botternan grandi. Riba esaki no tin prohibicion. No ta conoci con pa prohibi pa e cliente pidi dos botter di refresco mas chikito. Den pasado New York a purba caba di evita cu por cumpra refresco cu food stamps, pero esaki no a logra. ~Publica 1 juni 2012 ~

Podise esaki ta un forma cu na Aruba tambe por preveni obesidad cerca muchanan? Ta interesante pa haja datonan di e consumo di refresco na Aruba. E indicacionnan ta mustra cu e bebemento di refresco ta parti di dieta den hopi famia. Manera ta conoci refresco ta contene un cantidad masha halto mes di suco. Pa trese cambio den custumbernan cu por afecta salud di nos muchanan grandemente ta importante pa nan haja bon informacion.

Cansancio y acupunctura

Mi ta kere den hendenan cu ta tuma nan profesion pa juda hende cura nan mes na serio. Mi ta haja importante pa splica mi kico ta pasando cu mi curpa.

Pa hopi tempo caba mi ta sinti mi hopi cansa, cronicamente cansa. Via di un amiga cu tabata sinti mescos mi a drenta den contacto cu Roeland Krijnen di Acuclinic, situa na Palm Beach.

Hunto cu Shahaira Brokke, Roeland ta traha segun metodonan cientifico cu ta juda e hende den desaroyo optimal di su curpa, mente y espiritu. Terapianan holistico, acupunctura y medicina tradicional Chines. Siman pasa mi tabatin mi prome afspraak cu Roeland.

Continue reading “Cansancio y acupunctura”

“Wellness met puur natuur” een unieke ervaring op mooi Aruba.

De workshop “Wellness met puur natuur” is een project van Aruba Wellness Garden, Comprondiendo Bida en Camacuri. Dit evenement is een uniek concept op Aruba. Het combineert de helende en relaxerende krachten van onze prachtige Arubaanse natuur.

De workshop “Wellness met puur natuur” vindt plaats op het Fofoti strand net voorbij het Wilhelmina Park. Het evenement is een project van Aruba Wellness Garden, Comprondiendo Bida en Camacuri. Dit evenement is een uniek concept op Aruba. Het combineert de helende en relaxerende krachten van onze prachtige Arubaanse natuur. De deelnemers komen met de intentie om balans en harmonie te creeren tussen hun lichaam, geest en mentale welzijn. En dat is wat ze absoluut krijgen. Het fantastische aan de workshop is dat er tussen deelnemers, waarvan de meesten elkaar meestal niet of nauwelijks kennen, een prachtig gevoel van saamhorigheid en vriendschap ontstaat.

De intentie van de organisatoren Ingrid Werleman en Francis Quandt –Bulters is om een gevoel van saamhorigheid, dankbaarheid, plezier, relaxatie, eenheid, vriendschap, respect en liefde en trots voor de natuur en de bewoners van Aruba te creeren. Het prachtige is dat de deelnemers meestal van verschillende nationaliteiten en achtergronden zijn en zich weten te verenigen als een familie om met elkaar deze doelen te bereiken. Zo is duidelijk dat er behoefte is aan het type workshop als deze, die iets totaal anders te bieden heeft dan de gebruikelijk workshops. Op deze manier kunnen we de krachten bundelen om samen een duurzaam en verenigde wereld te ontwikkelen.
Het evenement is luchtig, ontspannen en toch vol betekenis. Er ontstaat flow en eenheid en iedereen accepteert elkaar op een hele mooie manier.

Het programma bestaat uit een onderdeel rekken en strekken, scrubben met behulp van zand van het strand en zelfmassage met hotstones en zelfgemaakte massageolie. Deelnemers gaan naar huis met een huid als zijde. Het evenement wordt afgesloten met een meditatie en thee met fruit en nootjes.

Om nog meer mensen de gelegenheid te geven deel te nemen aan deze fantastische do-workshop “Wellness met puur natuur” wordt bij voldoende deelname elke woensdag en zaterdag herhaald.
De groepen worden klein gehouden om zo de deelnemers voldoende aandacht te schenken.

De workshop is open voor mensen van alle leeftijden en voor mannen en vrouwen, samen of alleen, met familie en/of vrienden.
Voor informatie en registreren, tel.: 00297 741 3300 (Ingrid) of 00297 7341994 (Francis) of ga naar de website www.camacuri.com – www.comprondiendobida.com . U kunt ons ook op Facebook vinden. Bezoek de pagina’s Comprondiendo Bida of Aruba Wellness Garden.

Wij verwelkomen u met een warm hart!

Un dia di Simplesa…

Pas ta simplesa… Simplesa ta bunitesa… Scoge un dia pa bo dia di simplesa…
Papia poco y scucha cu mas atencion… hasi algo bunita, un carinjo pa un hende cu por usa esaki…
Habri bo mente pa e silencio di mas profundo…. Scucha bo curason bati…bay un workshop dedica na bo mes…

Hasi algo simpel pa bo come awe… puro y natural…cana rond, paga atenion na cada hende y cos cu bo ta mira… senti con sensible bo por ta…. Simplesa… no ta dificil… e ta un decishon…

Nos ta recomendabo un dia dedica na bo mes… e ta majan?

Un biaha mas Workshop ‘Wellness cu Puro Naturalesa’diasabra oktober 15

Algun comentario di Facebook: Lilian Leest: ‘It was fantastic, Ingrid..thanks again!!will keep pending for the next!!’ Lydia Paesch a bisa ‘Mi ta recomenda tur cu por tin e oportunidad pa bai e workshop aki e ta algo den un palabra “Fantastico”‘. Diasabra, 15 oktober ta ripiti e workshop ‘Wellness cu Puro Naturalesa’. Costo: 25 florin. Participa y anjadi anja y felicidad na bo bida!

Tabatin asina hopi bunita comentario riba e workshop cu e organisadornan Ingrid Werleman y Francis Bulters a dicidi di organisa un workshop mas. Di e forma aki mas tanto hende por probecha di su efecto pa asina haja un dushi experencia con fantastico bida por ta. Tin ora ta juist mei mei di tur turbulencia y drukte, ta bon pa nos traha tempo pa nos mes. Asina tabatin varios participante cu a bisa cu nan tabata hopi druk cu otro cos, pero a traha tempo toch pa bin y a keda hopi contento cu e decishon aki. Algun comentario di Facebook: Lilian Leest: ‘It was fantastic, Ingrid..thanks again!!will keep pending for the next!!’ Lydia Paesch a bisa ‘Mi ta recomenda tur cu por tin e oportunidad pa bai e workshop aki e ta algo den un palabra “Fantastico”‘. Johan Koop a bisa: ‘Het lijkt wel vakantie, zo relaxed’. Faritah Luidens a.k.a. Tica Bashabou a manda un sms cu despues di 3 dia ainda su cutis tabata suavecito di e crema pa masseer traha den cushina di Francis y Ingrid. Un crema puramente natural cu por usa pa curpa y cabey.
Continue reading “Un biaha mas Workshop ‘Wellness cu Puro Naturalesa’diasabra oktober 15”